سلام الله على الشعار في ساحات شعبيات
الدعوى عامة للجميع ....
سلام الله على الشعار في ساحات شعبيات ***** بريح المسك والعنبر وطعم الشهد والسكر افكر واتفكر ربنا يا مصلح النيات ***** ترى اللي ما عطاة الله عقل يموت ما فكر |
مسيت بالخير يالطاغي .. بعد اذنك طال عمرك .. استلم
والا يامرحبا واهلين باللي يبدع الابيات .... بطعم الشهد والسكر وريح المسك والعنبر تفكر ياعميلي واشغل التفكير بالوقفات .... عسى اللي مايبرر حجته في الناس مايكبر |
مساك الله بالنور والسرور يا شاعرناو جعل عمرك طويل وابرك الساعات اللي جابتك ...وإستلم
يدوم إلك البقا يالمسلم اللي مر بالميقات ****** لكنة راح ما هلل ولا لبا ولا كبر اقول الشيخ حي ومات منهو قال بإنة مات ****** ترى جو السما عقب الهبايب عجعج وغبر |
ههههههههههه .. ياشين الخمخمه :) :) ان بغيت تغير غير .. استلم
يقولون الوسايل والحيل تبريرها الغايات .... وانا اقول الطبيب اللي يداوي لاكسر جبر والا يالطاغي اسلم واخذ لك في المنتدى سجات .... تبى تضرب بحر والا تلقينا الخلا والبر |
هههههههههههههههههه..
هذا ضحك مجاملة علشانك المشرف .. :D ان صابتك أم الركب فالخير يقول ويغير ههههههههههههههههه.. وإستلم ولا يطرح عزيز القوم غير مطارد الحاجات ****** تبا تبحث عن المظهر وانا ادور على المخبر اناطاغي على إسمي معلن فالمنتدىالغارات ****** لكنك لا تجيني كل يوم وتجمع العسكر [ مارس 25, 2002: تم تعديل الموضوع بواسطة : الطاغي ] |
استلم يالطاغي ..
عميلي لاتضيعك المناوي واحسب الهقوات .... ترى ماكل من قصر ثويبه قام في منبر والا يالطاغي اركد لايخمك هادم اللذات .... ليا منك وصلت المنتدى مكبور ومدبر |
تفضل يالمبدع..
أكيد إني ذبحت أنور .. تجوز حرمت السادات ******* وخل الثوب قدك يا طويل العمر لا يشمر تبا في صبحها تصبح وفي ليل السبات تبات ******* واظنك لو نشدت الموت عني قال ما قصر [ مارس 25, 2002: تم تعديل الموضوع بواسطة : الطاغي ] |
المعذره على التاخير والله يالطاغي .. واستلم طال عمرك .
انا ثوبي على قدي .. وكفي كاسب الطالات .... واخذت اللي عليها انت والسادات ماتقدر انا مانيب فازع لك ولو انك تبى فزعات .... تحزم بالفشق وانهج مع اللي سند وحدر |
الوقت المعتمد في المنتدى بتوقيت جرينتش +4.
الوقت الان » 13:29. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع