|
متعب الخامسي يطلق الجامعة
الاخوه الاعزاء .السلام عليكم ورحمة الله وبركاته زاد عدد العاطلين عن العمل من الحاصلين على شهادة البكالريوس واحد . بتخرج متعب الخامسي من كلية العلوم تخصص _كيمياء حيويه_. الف الف مبروك يا متعب وعقبال الشهادات العليا |
رد : متعب الخامسي يطلق الجامعة
الله يوفقه...
ويارب لا يصير حظه اقرد مثل ناس واجد الله يوفقه الله يوفقه |
رد : متعب الخامسي يطلق الجامعة
1000000 مبروووووك ألف مبروك يامتعب .. ألف مبروك التخرج .. عقبال الماجستير والدكتوراه يامتعب .. أما زيادة عدد العاطلين واحد هذي يبيلها اطلاق نار وفشق http://www.sh3byat.com/home/eqla3/ww...ons/icon10.gif مشكور ياطير شلوى على الخبر المفرح . |
رد : متعب الخامسي يطلق الجامعة
على البركة والله ياجعله الف الف مبروووووووووك
وعقبال الماجستير والدكتوراه والزماله <<<<<< مع انها للطب .... بس يالله اغديهم يضبطون وضعك ويعطونك اياها ...... اهم شئ يابعدي انك افتكيت من غثى الدكتور الزول اللي كان قاعد لك ومايبيك تخرج شكله كان متعيجز هو وخشته ....... تشاااااااوووووووووووووووو |
. الله يبشرك بالخير يا شير طلوى .. والله يفرحك مثل مافرحتنــــا وأنا أخوك .. ! ألف مبروك يا متعب .. وعقبال البرفيسورية << وجع يالله إنكتبت :) متعب .. شوف وأنا أخوك .. لا حسيت إنك دجيت ولا لقيت لك وضيفــة وحسيت إن الدنيا إنسدت بوجهك كعادت الشباب .. إستغل تخصصك .. وسو لنــا كم قنبلة نووية مدربحة كذا .. وخل نشتغل ترى الشغل الحلال ماهو عيب والله .. وما طلع هاليمانية اللي بسوق الخضرة الا الشغل !! :) .. ياحبيلك بس .. والله يوفقك يارب انت وراعي الموضوع فديته .. ! محبتي .. . |
رد : متعب الخامسي يطلق الجامعة
مبروووووك اخوي متعب والله يوفقك عقبا الشهادات العليا والعمل المرموق والسعادة الاسرية تحياتي وشكري لك اخوي شير طلوى |
رد : متعب الخامسي يطلق الجامعة
الف الف الف .. مبرووووووووووووك..
و ربي فرحت لك يا اخوي.. اخير زاد عدد العاطلين واحد.. >>>> الله يرجك يا شير طلوى.. |
رد : متعب الخامسي يطلق الجامعة
شير طلوا
الله يبارك فيك وحي العطاله والبطاله ولا مقابل المكتب ودوخة الراس عقبال مابارك لك عن قريب إن شاء الله :) دم الغدر الله يجزاك خير ويوفق الجميع شاكر لك حضورك يعطيك العافيه نواف الشمري الله يبارك فيك يا الغالي ويعطيك الف عافيه اما العطاله مايبلها فشق ورمي دام شير طلوا واسطتي :) شاكر حضوورك ومرورك حسن آل مسفر الله يبارك فيك يابعدي وكما قلت اهم شي اني افتكيت من الزول وغيره والباقي لاحقين عليه :) الله لا يهينك يا الغالي وشاكر لك مرورك وحضورك عبدالله البـكـر الله يبارك فيك يا الغالي.. تراني ماعرفك وش قنبلته تبي تصير اخرتي زي الكيماوي حق العراق يوم قامو يجربعونه :) اهم شي الحفاظ على امن الوطن <-- يمهد للوضيفه بيشتغل في المباحث :) الله يعطيك العافيه وشاكر لك يا الغالي مرورك وحضورك الله لا يهينك ابونوت الله يبارك فيك يا الغالي ولا يهينك على مرورك وحضورك ابو نوت ودي اقول شي واخاف تنقد علي :white: انت تقول والعمل المرموق <- اول ماقريتها قريتها على انها المرقوق قلت وش جايه ذا شكله جوعان :) بس طلع البلا من النظارات .. الف شكر لك محمد الحراب محمد بصارحك بشي !! ياخي انا استانس لا قريت اسمك :) الله يبارك فيك ويعافيك ويعطيك الف عافيه شاكر لك مرورك وحضورك يا الغالي الله لا يهينك لكم مني كل المحبه والتقدير جمعتكم في رد من غلاكم تحياتي واحترامي للجميع مغليكم :) |
| الوقت المعتمد في المنتدى بتوقيت جرينتش +4.
الوقت الان » 07:05. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع