|
صوت و صدى
كانت من اخي الشاعر الكبير \ خلف المشعان : ياقيس ليلى .. كل ليله .. لها قيس ............................ ومع كل قيس .. تعيد نفس السياسه نفس المشاعر، والغزل ، والاحاسيس ............................ مثل الحصص داخل فصول الدراسه ياقيس .. ردوا من غلاها ، مفاليس ............................ طعني .. قبل قلبك .. تجيه انتكاسه ابك انت فارس من ظهر قوم فريس ................................. ماكل بنتٍ تقدر .. اتجيب راسه يازينك بعيني قبل .. دفش ،، وحنيس .............................. يومك تشوف ان التغزل .. طفاسه يوم ان حلمك تشتري .. جيب تطعيس ................................ كانت حياتك .. بين ضحك وناسه حتى عشقت وصار وضعك لواليس ................................. ولبست ثوبٍ مامقاسك .. مقاسه ضيعت حالك ، واتعبتك الهواجيس .............................. وملقبٍ نفسك .. ( أسير التعاسه ) عيرتني في ( كاسة الشاي ) ياقيس ......................... .. لين ابتلاك الله ... وحبيت ( طاسه ) : فكان ردي المتواضع : " "" لو يفتن , الهدهد على عرش ( بلقيس ) ________ بلقيس , ماتتـرك ,, مقر , الرئاسه متسلطنه ,, بالقلب , خلف ,, الكواليس ________ متربعه , بالعين , تحـت الحـراسه بنت الشجاع , اللي يفــك ,, المحابيـس ________ تكـرم , عن دروب الردى والدناسه اللي نفسها , يقهر( عطور باريس ) ________ فوق الحلا والزين , ثقل وكياسه وياخليف , جنّب سيرتي والعن ابليس ________ ولاّ انت, جودك بالحسد والنحاسه شمّت فيني ( عنتره ) و(امرؤ القيس ) ________ اللي ,, عليّـه يدّعون ,, القداسه اللي حديـهم ,, كل يومين ,, عرّيس ________ لو هي بديـهم عاد سوق النخاسه ولا يتبع الملحوس , كود الملاحيس ________ اللي يدورون الطرب , والوناسه وانا هواوي , في جميع , المقاييس ________ وخليت لك ياخليف شعرالحماسه : محبتي واحترامي للجميع خالد عبيد العنزي |
رد : صوت و صدى
""" ايضاً من اخي خلف المشعان يابو يزيد .. السالفه .. ماهي اعجاب ..................................... مافي .. قصيده ... قلتها .. مااعجبتها : : دقت .. على قلبي .. وشرع لها الباب .................................... الجادل .. اللي : ( هـه ) طول رقبتها : : جتني .. تطشطش .. ديمها في شهر آب .................................... من زينها .. حتى الفصول ، اقلبتـها : : ( ريمية ٍ).. لو رحّبت بالصخر .. ذاب ..................................... ياخوك .. والله .. ياحلو ( مرحبتها ) : : جتني بليا .. سابق .. انذار .. واسباب ..................................... تقول .. ( شرطان القصيد ).. أذهبتها : : وقمت اتثيقل .. قالت : شجاب لا جاب ................................... حتى .. ضحـَكت .. وضحكتي ، خربتها : : قالت: أنا .... ؟؟ قلت : وأنا .. .. قالت : ( احباب ) ؟ ..................................... قلت : ايه .. وجنون الغرام .. اركبتها : : واستدركت .. قالت : واذا كنت لعّاب ..ّ!! ..................................... قلت اسحبيها .. واستحت .. واسحبتها : : قالت : معايه كلمة ٍ.. مالها .. اعراب ......................................... قلت اكتبيها .. بالهواا ... واكتبتها : : كلمة .. ولكن .. عن 900 ..... اكـْتاب ......................................... مالومها .. ياخوك .. لو مااعربتها : : السالفه .. متعدّيه .. حد ّ الاعجااااااب ............................. وابسط دليل .. ان صورتي .. في ( كـبتها )..!! فكان الرد " """ ياراكبٍ .. من عندنا .. فوق .. بيكاب ___________________ ددسن .. ويطفش .. من سمع .. كركبتها ددسن .. ولكن حملها .. حمل .. قلاب ___________________ كل .. الشوارع .. " بالحفر" .. جربتها واللون لون اللي طلت كفها خضاب ___________________ قرّب .. فرحـها .. وامها .. خضبـتها اتفز .. فزة .. غافلٍ شاف .. له داب ___________________ بأرض .. خليّه .. والبشـر .. جنبتها سواقها .. يدحم .. على الخط ماهاب ___________________ مير ان عيب " المروحه " كهربتها ياسايق الددسن .. انا عندي .. كتاب ___________________ وصّـله .. للي .. غايته .. ماكبتها خلف خلف .. كل القصايد والأصحاب ___________________ ارسل قصيده .. والهنوف . . اطربتها قبله .. بلاني .. مابلا قبلي .. " عقاب " ___________________ والروح .. سكرات .. الهوى .. عذبتها من جادلٍ لو شافها .. الشيخ .. ماتاب ___________________ سلب .. المشاعر .. ياخلف .. موهبتها لين افضحتني .. بالعرب خدمه الواب ___________________ واخبار عشقي .. للصحف سربتها غابت .. وباقي .. فيني الشوق ماغاب ___________________ وكل .. القصايد .. للأسف .. زلبتها وانت تعرف .. يامسندي حق الأقراب ___________________ والحق حق .. ومعجبتك ( ........ ) ان كان شفت السالفه فوق الأعجاب ___________________ حوّل عليّه .. ياخلف .. صاحبتها :rolleyes: |
رد : صوت و صدى
""""" مني لأخي خلف المشعان " ياراكب .. اللي .. لا شلع .. مركبه .. جخ ____________ مايركبه ... ياكود ... شيخٍ ... ولد شيخ راعيه .. وان .. طال السفر .. مايقول اخ ____________ لو ... كان .. مشواره .. الي ديرة السيخ ياراكبه .. أسلم .. وسلّم .. على .. الأخ ____________ خلف .. عضيدي .. من قديم .. التواريخ قله .. رفيقك .. واقعٍ .. داخل .. الفخ ____________ والقلب .. من زود الهوى .. خازقه صيخ من سبّة اللي .. طخني .. بالهدب طخ ____________ شلّخ .. خفوقي .. كاحل العين .. تشليخ الصاحب .. اللي شوفته .. تلحس المخ ____________ رحت .. وخطبته .. مير .. عيّا به الذيخ ياجعل اخوه .. لشلةٍ ..تشبعه .. لخ ____________ مثل .. القطو .. لا طاح بيد .. الطبابيخ " " فكان الرد من اخي خلف المشعان " ياراكب اللي .. كنها طاير الرخ ....................................... متهدلات جنوبها من الصواريخ فوق الغيوم يضخ بنزينها ضخ ..................................... سواقها نسل الرجال .. المطانيخ عدونا من صوتها ( .......... ) .................................... من هولها .. يتفصخ العقل تفصيخ تبخ كيماوي على خيّها .. بخ .................................... حتى توبخ .. من يعاندك .... توبيخ والله لخليها على هامته .. زخ ..................................... واذوقه من مرها .. سم .. زرنيخ نركي عليه الين يقنع ويرضخ ................................. وان مارضخ ننخى عليه ( المصاليخ ) ;) " " |
رد : صوت و صدى
وياخليف , جنّب سيرتي والعن ابليس
________ ولاّ انت, جودك بالحسد والنحاسه شمّت فيني ( عنتره ) و(امرؤ القيس ) ________ اللي ,, عليّـه يدّعون ,, القداسه اللي حديـهم ,, كل يومين ,, عرّيس ________ لو هي بديـهم عاد سوق النخاسه ولا يتبع الملحوس , كود الملاحيس ________ اللي يدورون الطرب , والوناسه وانا هواوي , في جميع , المقاييس ________ وخليت لك ياخليف شعرالحماسه خالد العنزي .. صح لسانك ملايين .. أنت وخلف المشعان شعراء في غنى عن التعريف اعجابي وتحيتي لكما دمتم بخير |
رد : صوت و صدى
هبال../ خالد
. . . . هبال هبال.../ ياخي انتي وخلف متجمعين..ينقصكم خالد الردادي وتصير هوس وجنون وهبال . . . . خالد لك القلب ../ |
رد : صوت و صدى
. اصوات واصداء في قمة الروعه خالد وخلف ما شاء الله عليكم يا خالد ابداع وربي هالاخوانيات .. صح قلبك وكلك انت وخلف المشعان .. تحياتي وتقديري .. اخوك احمد بن ديهان . . |
. الله الله الله .. صوت وصدى ! مددا ً بلا عدد يا خالد .. متصفح قريب من بعضه .. وقلوب قريبه جدا ً .. نراها بكل وضوح .. انت وخلف .. شعراء رائعين .. كل ٌ على حدى ! فماذا لو إجتمعتم في متصفح واحد ؟! لله ما أجمل هذا المساء .. تحية طيبة . |
رد : صوت و صدى
كبار يا خالد
بالروح بالقلب بالشعر كبار والله اعجابي القديم جيت اجددهـ .. |
رد : صوت و صدى
شعر بمنتهى العذوبه والرقي والسلاسه والجمال
مدرسه يتعلم منها كل من يلت ويعجن القصيد شكرا من القلب لرفعكم مستوى الشعر بعد ان تردى كثيرا تحياتي لك اخي خالد |
رد : صوت و صدى
صباحكم شعر صح قلبك ياخالد وصح قلب الشاعر خلف المشعان وشكراً يفيضُ بالإمتنان لكل حرف سطرته قريحتك الرائعة لا أملك غير الوقوف أحتراماً لهؤلاء الشعراء ولهذه المواهب الفذه الحقيقيه التي منّ الله عليهما بها مكتفيةٌ بالصمت عاجزه عن شكر شاعرنا خالد العنزي لهذا الحضور المتألق احترامي |
رد : صوت و صدى
إقتباس:
صح فكرك اخوي متابعك حتى بشضايااخوك خلف المهيلان |
| الوقت المعتمد في المنتدى بتوقيت جرينتش +4.
الوقت الان » 11:21. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع