يا نادلي: قهوه وكثر حلاها..!
 

انا وبعضي كل صبح .. انتباها
صباحنا [سكر] زياده ومزبوط..!

يا نادلي جِبها .. اقولك: بلاها
انا كذا جداً طبيعي .. ومبسوط!

الى متى وانا وراها .. وراها ؟؟
كن العمر فيها مقيد ومشروط..!

الجادل اللي قل فيها .. وفاها
غيابها .. والله ماهو بمضبوط..!

توي فهمت الحين معنى حكاها
مغلوط يا قلبي وستين مغلوط

اوهمت نفسي قلت: يمكن ولاها
للي مقيد في حلاها ومربوط..!

كنت احسب اني من غبائي مُناها
طيب ومن طيبي على طول مغبوط !

على العموم اشكرك [ يا مبتغاها ]
ايقضتني من قبل ماينتهي الشوط

علمتني اشياء ما اعرف مداها
تستاهل التمجيد والوسم والنوط

يا نادلي: قهوه وكثر حلاها
ما ينفع الساده ولا ابيه مزبوط..!

وحبذا وارجوك .. بلغ خفاها
إني كذا من دونها شخص مبسوط !



لـ #عبدالرحمن_آل_مغني
@almogni07
Pin:528EFC84

رد : يا نادلي: قهوه وكثر حلاها..!