حقيقة شعراء الأعلام وصحافة النفاق.والمعذرة أبى الحق إلا أن أقوله.
 

[c]
بسم الله الرحمن الرحيم
والصلاة والسلام على أشرف الأنبياء والمرسلين
سيدنا ونبينا محمد وعلى آله وصحبه وسلم تسليما كثيراً
اخواني اعضاء منتدى شعبيّات السلام عليكم ورحمة الله وبركاته
هذه قصيدة قديمة جدا وهي لي
لا يخفى عليكم اخواني ما يدور خلف الكواليس في المجلات والجرائد
من ابراز شعراء ليسوا بشعراء حقيقة وما يدور فيها من محاولة دفن شعراء
كبار ...هذه الحقيقة للأسف ..فكثيرا ما نراهم يطبلون لصاحب الاسم الرنان
او لصاحب المال والجاه بغض النظر عن شاعريته ..وهذا ما جعل اكبر الشعراء
يتجنبون النشر في صحافتنا المنافقة والتي تقوم على أساس (انفعني وأنفعك
و شد لي واقطع لك) ..وهذا ما جعل جرائدنا ومجلاتنا معرضة في اي وقت
للأفلاس ولولا اصحاب المال وهم المستشعرين وليسوا الشعراء لولا انهم
يغدقون من الاموال الطائلة على رؤوساء تحرير تلك المجلات والجرائد
لكانت عرضة للتقبيل من زمن بعيد ..
ولا يخفى عليكم عمليات السطو التي يقومون بها على افكار الشعراء المغمورين
ويقومون بنسبتها لهم بل واثبات ذلك عن طريق منشوراتهم المشبوهة
ولا يخفى عليكم انهم اذا رأوا شاعر ناجح قاموا بتهميشه ومحاربته
وتجاهله لكي لا يخرج صيته فيسحب البساط منهم
وهذه قصيدتي والتي كانت لها قصة وهي قبل سبع سنوات واكثر
مع احد اكبر شعراء المجلات والجرائد والذي كنت اوزن له قصائده
واعلمه بعض ما كان يخفاه ..والذي لما اجلته مجلات وجرائد النفاق
تنكر لي ولكل ما قمت به لأجله ...وطبعا هنا لا اقصد جميع شعراء المجلات
والجرائد بل اقصد الاغلبية ..والا فأن هناك شعراء يكتبون في الصحافة
يشار لهم بالبنان ولكنهم قلة ويعدون على الاصابع...وكذلك تطرقت لعملية
شراء القصائد ..وتكلمهم في ما لا يفهمونه كادعائهم البداوة وهي منهم براء
واقصد بذلك انه لو رأيت الى طبيعته لوجدته يكره البدو اصلاً
فكيف يدعي انه بدوي
وإلا فنحن جميعا نعتبر حضرا بالمفهوم العلمي
ولكننا رغم ذلك نقول ان طبائعنا طبائع بدو لما فيها من الحمد
ووووو الخ......
فإليكم القصيدة وللمعلومية فكل سطر كامل هو عبارة عن شطر بيت
[/c]

[poet font="Simplified Arabic,4,black,bold,normal" bkcolor="white" bkimage="" border="outset,4,gray" type=3 line=200% align=center use=ex length=0 char="" num="0,black" filter=""]
بسم الله نبدأ
,,

بـــدعٍ بدعـنـابـه وحـنـالـه وجيـنـابـه وسـرنـابـه ويـعـجـز بـــدع قـافــه كــــل ســــادات الــعــرب=فـي وقـت حيفـه صـار شيفـه حـد سيفـه مـن رهيفـه يبتـر الهامـات والجمهـات والعظـم الجلـيـد
الـورع جالـه بالفشالـه والجهالـه لحيـةٍ مـدري مـن اي دار نبتـت والبنيـه جالهـا ذقــن وشـنـب=يالله دخليـك مـن عنـا الدنيـا دخيلـك انـت يـا حامـي خليلـك وانـت يـا حاجـي حجـا البـيـت العتـيـد
شفت الشعر فيه الجعر شين الظهر حتى الشعر واصبح بحر والذيب راع الطيب في بحره نشب=والـحـر عــام اول تـحـول صــار شــوّل يــوم غــوّل والـدهـر طــوّل وحــول بالذيـابـه يــا عـبـيـد
القـاف ضـمـه لــه ولـيـد امــه وطـبـح فــي مجـمـه وســط فـمـه مـاسـكٍ رضّيعـتـه مـنـه شــرب=وابـن القبيلـه كالحليلـة شـف شليلـة فـي مقيلـة رابـطٍ رجـلـه وذيـلـه مــع حصيـلـه وســط قـيـد
فـــي وقـــتٍ ادلـــم ازلم اظلم فـيــه الاعـجــم صـــار شـاعــر فــــي زمــــانٍ كــــل مــــا وســطــه عــجــب=وقـتٍ بـه الشاعـر تغيّـر لا يجـار ولا يجيّـر فالعـرب سمـوى الذنـب يـدور مــن يـشـري القصـيـد
الشعـر عـوّد فـي يـد البـزران والخبـلان والسفهـان حتـى ضـاع منـه الشـان واجنـب وانسحـب=وصحنـا ونحنـا يـوم رحنـا فالقصيـد اجنـاب يـوم انّـا هلـه فـي مدهلـه فـي زاخـر ابـحـوره نجـيـد
يــا مـنـادي ٍ بـإسـم الـبـداوه والـحـلاوه والـطـراوه والنعـومـه والليـونـه فـــي خـــدودك تقـتـلـب=عيـش البـدو كلـه قسـاوه يالقطـاوه مـا تشـاوه وانتـوا مـا شفتـوا مـن الدنيـا علـى الدنيـا شديـد
خل الشعر لمحيسن وعجـران مـع راكـان مـع نمـر ابـن عـدوان مـع ابـن احميـد شيـخٍ بـالادب=والقـاضـي محـمـد وابــن لعـبـون راع افـنـون يــم ديــار مــي والشـوامـي مـالـكٍ تــاج النشـيـد
والعـونـي بـوقـتٍ مضـالـه والـخـلاوي راشــدٍ مـفـرقٍ وســط السـمـاء نـجــمٍ ورا نـجــمٍ رهـــب=وبديـوي الوقدانـي وابــن سبـيّـل بـبـدع المعـانـي والذويـبـي عـنـد سرحـانـي ثـنـا بسـيـفٍ جـديـد
ودغـيّــم الظـلـمـاوي وابـــن شـريــم وابـــن دويـــرج ومـثــل الجـبـرتـي وابـــن هـــدلانٍ كــســب=بيـض القوافـي والرهافـي يـوم هـاف الجـد ليـن السـد زيـن الخـد مـا طـاول علـى البيـدا صعيـد
وابـن ربيعـه والسديـري هـم بحـور القـاف ياعـراف امــا الـوقـت ذا فالشـعـر مــا عــده نـضـب=واللـي بقـوا شقـف ابلحـه اتفـل عليهـم لعنبـو منهـو غذاهـم والـعـن آبــو آبــو ثـواهـم والكـديـد
والله مــــا يـمـســك لـسـانــي عــــن بـيـانــي في المعاني والــكــلام المـقـرحـانـي مــــن نــوانــي بـالـعـطـب=مــا كـتـب لــي مـنـه ابتـلـي غـصـبٍ عـلـي حـكـم ٍ جـلـي ومكمّـلـي مــن عـنـد الـعـرش المـجـيـد
حـاورت جـن الليـل يـوم اسهيـل جـر الذيـل مثـل الخيـل فــي دوٍّ بعـيـد الــدار بـاطـراف القـصـب=شامي علـى الغبـه صلفتـه عقـب شفتـه مـا عرفتـه يـوم حفتـه والمصيقيـل ابـن نـزاع الهضيـد
فــي وســط ديــرة مستـديـرة والضـبـا ابـهـا مستـذيـره والهبـايـب مستثـيـره والقـوافـي تلـتـهـب=شبـت هجوسـي مثـل نيـران المجـوسـي وانثـنـت عـنـي لبـوسـي وانثنـالـي كــل شيـطـانٍ مـريـد
واللـي إيتحدانـي يقـرّب ثـم يجـرّب والمعـرّب مـا يـدرّب حـاضـر ابحـاضـر قـنـا وسـيـفٍ عـضـب=مــــا كــسّــر اقــفــول الـحـديــد الـكـايــدات الـصـالـبـات الـشـامـخـات الـصـامـتـات إلا الـحـديــد
ومااقول ما بالوقت ذا شعار فيه اللي يجيـب القـاف صنـع انظـاف لا زعـزع علـى كـوره وجـب=بـس آه يـا قـل قلهـم ولا كلهـم لـو كـان شاعـر معـه ابـاعـر قــادرٍ فــي سبـكـة الـقـاف الجـويـد
[/poet]

الله ينصر دينك ياناصر الفراعنه




واللـي إيتحدانـي يقـرّب ثـم يجـرّب والمعـرّب مـا يـدرّب حـاضـر ابحـاضـر قـنـا وسـيـفٍ iiعـضـب
مــــا كــسّــر اقــفــول الـحـديــد الـكـايــدات الـصـالـبـات الـشـامـخـات الـصـامـتـات إلا iiالـحـديــد

ونعم و100000 نعم




صح لساااااانك


وصدقني لايصح الا الصحيح.


سلامي لك يابو فارس.

محجوووووووووووووووووووووووووووووووووووز
عذراً يا أمير الشعراء
لي رجعة قووووووووووووووووووووووووية

ناصر الفراعنه على الملازيم انها قصيده تستاهل الثناء بيض الله وجهك يا شاعرشعبيات
واعتبرني متابع وسجل اعجاب اخوك صاحب القلب الذهبي طميران

ابو فااارس


صح لسانك وتسلم على هالقصيده الرائعه


والاروع هو تمكنك وجزالتك لاعدمتك


وماشاءالله عليك ماخليت من الشعراء اللي سجلهم التاريخ ولا واحد لاحضر ولا بدو

وعزالله انك عرفت تجيب دليل قاطع وبرهان لاينكره الا مكابر




تأكد ياناصر انك من الشعراء اللي صيتهم وشعرهم وذكرهم الطيب واصلٍ للناس

من دون مجله ولا جريده والله اني اقووله وانا صادق..

والشعر والله انه مايرفع الرجال مهما كان شاعر

العلم الطيب هو اساس كل شي واذا جاء معه شعر انعم واكرم:)


وانت من الرجال اللي جمعوهن كلهن

دمت بخير ايها النقي


تحياتي لك

صح لسانك على القصيده :)

شاعر قدير ماشاء الله

واللـي إيتحدانـي يقـرّب ثـم يجـرّب والمعـرّب مـا يـدرّب حـاضـر ابحـاضـر قـنـا وسـيـفٍ iiعـضـب
مــــا كــسّــر اقــفــول الـحـديــد الـكـايــدات الـصـالـبـات الـشـامـخـات الـصـامـتـات إلا iiالـحـديــد

ياجبل مايهزك ريح :)

لك خالص التحيات والتقدير

الشاعر المبدع نا صر الفراعنه

يسعد صباحك


صح لسانك وبيض الله وجهك


اقل ما يقال عن هذه القصيده جميله


فهي تدل على شاعريتك الفذه


اخي ناصر


دمت ودام ابداعك



خالد

نعم نعم
كارثة الشعر
داهية الشعر
امبراطور الشعر
ناصر الفراعنة
بلا منازع
عيني عليك باردة
يا ماشاء الله يا تبارك الرحمن

سبك وحبك
وتمكن رهيب وعجيب وساحر
صححححححححح لساااااااااااااانك ملاييييييييييييين

[c] لله درك ياناصر وصح لسانك وعلا شانك [/c]

[c]انت هنا لم تتكلم عن نفسك فقط فقد عبرت عن مكنون الكثير ممن يستحقون اكثر مما نالهم هذا اذا فعلا نالهم ولو جزء قليل ![/c]

[c]في نفس وقتك تقريبا الذي ذكرت كان لي موقفا مشابه بقصيدة حطيئية في الساحة تذكرتها هنا بعد اطلاعي على هذه الدرة[/c]

[c]اخوك/ عبدالهادي [/c]

صح قلبك

القصيده اكثر من رائعه

وانت اكثر من مبدع


تحياتي وتقديري

اخي العزيز
الشاعر سلمان الجديعي
ما عليك زود يالغالي
ومرورك بحد ذاته شرف لي
صح بدنك

الاخ ناصر والله وابداع

ماله اول من اخر شاعر ابدعت في صياغت الابداع الغير شكل

على ونثرت الابداع المنقطع النظير

ويش اقو غير الله ينصر دينك والله ياناصر الشعر والابداع


تحياتي


واعجابي للابد بماتثنره من ابداع

اخوك

نمر العتيبي

اختي الصغيرة السامية
حضورك في كل مشاركاتي هو ما يدفعني للإبداع
وأقسم بالله انني لست مجاملا
ومرحبا بك وبعودتك

ما شاء الله
ما شاء الله
والله لولاي اخاف انك تزعل
لأقول انك غير طبيعي
ما شاء الله
يبي لي ارووووووووووووق
وأجي ارررررررررررد عليك
ارجو أن تنتظرني

اخوي وحبيبي ناصر الفراعنه

السلام عليكم ورحمة الله وبركاته

من اليوم ورايح ماعاد اقطع الخط اذا شفت لك قصيدة ولا عاد ابمترها مثل اول ابقراها من اول مرة واكررها مرة وثنتين وش هو الشعر بدونك ياناصر ووش باستفيد من الخط الهاتفي اذا ماشفت كلامك من اوله الين اخره وانا اون لاين ولا عادني باقطعه في قصيدة من قصايدك يابعدي .......

الله عليك ولله درك ياناصر .....

صح لسانك مليوووووووون يابعدي وعيني عليك باردة والله لايكتب لك المضرة ....

القضية شائكه وانا اخوك ويبي لها موضوع ونقاش مفتوح ويبي لها قاضي صيرمي وجلاد مايسمع ولا يرحم ومتهم مدان ولايمكن ان تثبت برائته .......

ناصر ياخي ماذا نستفيد من بعض المجلات التي قالت انها شعبية وخاصة بالشعر وتنقل لنا اخبار مايكل جاكسون وديانا حداد ويوري مرقدي ومدري من بعد والله وآسفي على حال الشعر الشعبي وعلى من يكتبه من اشباه الاعلاميين وبقايا المستصحفين وحثالة المستشعرين واكبر مثال على ذلك (( مجلة المختلف )) من غلافها تعرف اخبارها وما بداخلها ويكفينا دليلاً على ذلك العدد الاخير منها ولا ابيك تتصفحها بس شوف الغلاف وانت تحكم على اللي بالداخل .......

تدري ياناصر لا تشكي لي فابكي لك وخل الطابق مستور .......

لك مني كل الحب وخالص المودة ......

اخوك

حسن آل مسفر