|
مو حزن .. لكن حزين ..!
.
هُنا قصائد .. كُتِبت بأسم مستعار و بما أنني خالفت بعض قوانين المنتديات الأدبيّة بدخولي بأسم مُستعار فـ إعلموا أن حقوق الطبع غير محفوظة tsh6 . |
رد : ( حقوق الطبع غير محفوظة )
. مسكين يا هالقلب .. يا هالقلب .. مليان .. بهموم..! ــــــ خلّك على ظلم السنين الممحله .. و أشرب قهر ..! ماتدري إن الحظ .. لامن طاح .. لا يمكن يقوم ..؟ ــــــ ولنّك فقير .. و ودّك إن البحر .. يصبح لك نهر ..! شفني .. على حدّ الوصال .. أفطر بوصله .. ما أصوم ــــــ و أنا أنتظر .. يرجع بعد كم يوم ... ولا كم شهر ...! و سنيييييين مرّت .. مارجع يمّي .. ولا ردّ اللزوم .. ــــــ و أنا أنتظر يرجع .. يصدّ الحزن .. ويكزّ السهر لكن مدامه مارجع يمّي .. ولا جتني علوم .. ــــــ ماعاد له حاجه حياتي فيك .. يالله .. أنصهر ولا تدري ..؟؟؟؟؟ ودّي أبيعك .. و أعتذر منّك .. و لكن .. من يسوم ؟ ـــــ مادام صدرك ممتلي ضيقات.. وآلام .. و قهر ..! |
رد : مو حزن .. لكن حزين ..!
. لا تسأليني " كيف حالك " و أنا الحال : ................... يشبه لـ حزن الغصن .. لا فارقه طير الحال .. من عقبك كذا صار ترحال ................... أسير .. ما أدري على وين أنا آسير .؟ و الحين .. جيتي تسأليني عن الحال ..؟ ................... أنا من الله بسّ .... عايش و في خير من الله بس . |
رد : مو حزن .. لكن حزين ..!
.
قلت لك .. أنا حزن .. لا لا تجيني ..! ........................ و قلت لك إحساسي هو سبّة بلاي ..! لا تخلين الدموع اللي فـ عيني ..! ........................ ماتطيح .. إلا إذا شفتك ... معاي ..! قلت لك .. أنا الحزن .. روحي .. وشوفي لك حياة .. روحي .. و خليني حزين .. ولا تجيني ..! . |
رد : مو حزن .. لكن حزين ..!
( مو حزن لكن حزين )
هي قصيدة .. لـ مظفّر النوّاب .. ليست ليّ ...! |
رد : مو حزن .. لكن حزين ..!
.
هنا .. نامت عيون .. و فاح من كل العيون دموع ..! ـــــــــــــــــــــــ ولا نامت عيون الساهر .. اللي .. ملّ .. مملكته ..! هنا .. كنّ السراب .. من السراب .. يشبّ فيه شموع ـــــــــــــــــــــــ و هو يدري .. بأن المسألة .. بالحُب .. أهلكته ..! . |
رد : مو حزن .. لكن حزين ..!
http://www.aylol.com/vb/attachment.p...1&d=1226734466 خوذي يديني للسماء .. و أرفعيني ..! ـــــــــ وشوفي لنا غيمة .. بنجلس عليها ...! , و بحطّ أنا بيدّك .. بقايا .. يديني ....! ـــــــــ و آصبّ لك بعض الحزن من يديها , يا غالية .. ماكان هالحزن .. فيني ..! ـــــــــ لكن حياتي .. أبتدي .. تنتهيها ..! , أخذيني لأبعد مدّى .. و أبعديني ..! ـــــــــ وشوفي لنا غيمة .. بنجلس عليها ..! tsh1 . |
رد : مو حزن .. لكن حزين ..!
. أنا وأنتي على باب الحزن نستقبل الأحباب ...! ـــــ نرحّب بهم .. نسكب لهم .. من حزننا الوافي ..! أنا و أنتي حكاية يا (...) .. وصوتنا ماغاب ..! ـــــ ننادي للسما ..... تسمع لصوتي وصوتك الدافي ..! . |
رد : مو حزن .. لكن حزين ..!
. الآه .. ماهي بنفس الآآه يا صاحب ..! .. و الهمّ .. خيمة .. و أنا الآلام عمداني ...! شوف المواجع .. تهلّي بصدري الراحب .. كنّ الدوا ضيف .. واعدني .. ولا جاني ..!! وشلون أجيب الفرح .. مادمت أنا شاحب .. ماتشوف نصفي يحارب نصفي الثاااااني ؟؟ :55: . |
| الوقت المعتمد في المنتدى بتوقيت جرينتش +4.
الوقت الان » 08:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع