|
رد : لحظتك الآن .. بكل صدق
ومقدور نسيته ليش ياطلال :) ونعم بكم وأمثالكم ياالمناعير ولكل كفٍ .. يابو لورنس غرفه قدني مسرّي الجن ومعاقب الطير :) مير الزمن ماجاد نحسه بصدفه والا الحزن هذا .. معي من وانا صغير! والف علي! .. وانا تعوّدت ولفه!! اغلب ليالينا سهارى .. ولا غير.. حزني / وسجاتي / وجدران غرفه! ياشيخ / ياسعد الخوي / بالمعاسير لو عـ الشعر .. مبطي قد أكلت كتفه! غير انت خابر صاحبك والمسايير دايم وهو يزرع وغيره يقطفه! لكن بنات الدهر صفن طوابير شفني !! / مثل من باع سجنه بحتفه وبالقوم رجالٍ يشطْف الطوابير وانا ماني حي الله اللي يشطْفه! والناس بين اللي خذا الشور .. ومشير والحال مايوصف .. ولا اظن وصفه واللي اعرفه / واعرف خطاه بالسير أثري ماعرفه / واحسب أني أعرفه!! ياخي .. ياخي تعبت من التعب! / والمشاوير اشيل واو العطف / وازريت عطفه والأدمي ماهوب بحاجة لتذكير بيرجع تراب وهو / في الأصل / نطفة وانشد على التركي بشير التباشير ويوقولك بيتٍ عرفته وعرفه : هي وين بس مشملات المغاتير?? وابشر بمن يوفي بالأفعال حرفه!! :) |
رد : لحظتك الآن .. بكل صدق
الله الله يالدحيمي. صح لسانك تشيد من الحزن قصور من الإبداع اصدق التحايا ياسمو الشعر لك وللحظات هنا.
|
رد : لحظتك الآن .. بكل صدق
إقتباس:
وين انت ساري تترك الجــــــن في بير حنا اربعه ياحادي الشعر ---تكفـــه الاكلبي - التركي - والاحمد بتكبير وانا معاهم يااابن الاجواد ( طرفه: وألف نعم يابو لورنس منته طرفه .. أنت على الشداد يالغالي . ياخي تعبت من التعب! / والمشاوير اشيل واو العطف / وازريت عطفه الله الله سلامتك من التعب يابو بدر والله إنك جمل محامل تشيل الثقيلات .. وش عاد واو العطف وانشد على التركي بشير التباشير ويوقولك بيتٍ عرفته وعرفه هي وين بس مشملات المغاتير?? وابشر بمن يوفي بالأفعال حرفه علي التركي : وين مشملات المغاتير ؟؟ عطنا الاحداثيات بسررررررعة ..! خلنا نروح نغيّر جو عندها .. أبو بدر كالعادة يا حلوووو هالطقطقة حلوااااه تسلم للشعر وأهله . |
رد : لحظتك الآن .. بكل صدق
لوع الشعرمبطي قداكلت كتفه ......................... واناماني حي الله اللي يشطفه رااااائعه بروعة حضورك وهيبته |
رد : لحظتك الآن .. بكل صدق
والله اني مصدع ..لكن ضحكت يوم مريت من هنا,,
|
رد : لحظتك الآن .. بكل صدق
ابو هلال لاعدمتك يا اللبناني وحب لي تراب الرياض قبل لاترجع:) تعب شكرا لك ردك الجميل وحضورك الراقي |
رد : لحظتك الآن .. بكل صدق
|
رد : لحظتك الآن .. بكل صدق
عسى ماهوب على قصائدنا ولحظاتنا مير:) |
رد : لحظتك الآن .. بكل صدق
ياصاحبي لاتحاول,, تحْرق اعصابي اعصابي اصلاً من الايام,, محْروقه لي مدةٍ فالعَدَام,, منوّخ ركابي وش رايك براعي ابل,, وملْ من نوقه انا كذا مادريت اليوم,, ويش آبي ابْدا بها عابره,, وتصير مخْنوقه!! لكن مادامها,, من ضرْسي لنابي تبطي وهي فيه,, مطْحونه ومخْروقه اهْوَن على خاطري,, من ضيِقة احبابي راعي الوفا والله،، ان آموت مآبوقه اشيل في لازمه,, سيفي ومشْعابي واصير له فالمنابر,, مثل منطوقه لاكان ماهوب,, متذيكي ومتغابي فانا على نظْرته,، والشوف من فوقه ان راح منّا حفظْنا,, ذكْرِه النابي وان جا عطيناه,, مقْليّه ومسْلوقه اللي عشان المحبّه,, زوّد عتابي حبيت خشْمه وقلت,, النفس محْقوقه اكْسيه في غيبته,,, ثوبٍ من ثيابي واعيش في حضْرته,,, بثياب مشْقوقه |
رد : لحظتك الآن .. بكل صدق
’
أرق / وأشتقت لكم .. :) |
رد : لحظتك الآن .. بكل صدق
|
رد : لحظتك الآن .. بكل صدق
اهلا بعودتك ياخلود كل عام وانتي بخير |
رد : لحظتك الآن .. بكل صدق
يالله ان تصبحهم بالخير
وهذي ثمرات النوم بدري تقوم قبل العصافير ولا تدري وين تروح :d ياسلام عليك يابو لورنس والله والنعم بك وبكل الاخوان ابوبدرو ابو مقبل وابو تركي والاحمد شعراء نستمتع ونتتلمذ من ابدعاتهم إقتباس:
صح لسانك ودمت علما للشعر للابداع إقتباس:
والاحداثيات مايحتاج مرسلها ابو تركي ياصاحبي لاتحاول,, تحْرق اعصابي اعصابي اصلاً من الايام,, محْروقه لي مدةٍ فالعَدَام,, منوّخ ركابي وش رايك براعي ابل,, وملْ من نوقه انا كذا مادريت اليوم,, ويش آبي ابْدا بها عابره,, وتصير مخْنوقه!! لكن مادامها,, من ضرْسي لنابي تبطي وهي فيه,, مطْحونه ومخْروقه اهْوَن على خاطري,, من ضيِقة احبابي راعي الوفا والله،، ان آموت مآبوقه اشيل في لازمه,, سيفي ومشْعابي واصير له فالمنابر,, مثل منطوقه لاكان ماهوب,, متذيكي ومتغابي فانا على نظْرته,، والشوف من فوقه ان راح منّا حفظْنا,, ذكْرِه النابي وان جا عطيناه,, مقْليّه ومسْلوقه اللي عشان المحبّه,, زوّد عتابي حبيت خشْمه وقلت,, النفس محْقوقه اكْسيه في غيبته,,, ثوبٍ من ثيابي واعيش في حضْرته,,, بثياب مشْقوقه وافي يابو مقبل وعز الله انك كفو وجزل لاعدمنا هالصوت والابداع |
رد : لحظتك الآن .. بكل صدق
قاااااااااااااااااااااااااتله يا ابو بدر :) أنا أشهد إني شفتها تالي عصير من عقبها حسيت بالعقل خفه ! مرت عليّ ( مشملات المغاتير ) وأنا خوي ( حنين ) عوّد بخفه :) الدحيمي عازف .. نازف .. ملهم .. قاتل الشعر يتودد لك ليكتبك لا لتكتبه لله درك من مبدع وحفظك الله لنا |
رد : لحظتك الآن .. بكل صدق
ابو لورانس
مكانك فوق روسنا ومبدع أنت عندما أستثرت البحر :) ابو سلطان آآآآآه بس يا أخي حن عينا شوي بس سكن في الفورسيزن وعلى حسااااب الوزير وخويك مودينه جيزان وساكن بشقه تخرخر مع كل شنق !! لا ومن زينها بعد على حسابي ابو بدر لا تعطيه الأحداثيات حتى يلبي طلباتنا وابو مقبل ما ينراح بلياه :) مقدور تسلم يالغالي والله من القصيد عندك ملفّز :) |
| الوقت المعتمد في المنتدى بتوقيت جرينتش +4.
الوقت الان » 19:14. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع