شعبيات - ســر يــا قـلـــــم ...

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - ســر يــا قـلـــــم ... (http://www.sh3byat.com/vb//showthread.php?t=17979)

ســر يــا قـلـــــم ...

سر يا قلم واكتب على ما طـرالـي
عبّرعـن الضيقه بمضمون الاشعار

وان كان نبعك جف والحـبر خالـي
اسرج خيول الحرف وابشر بالاحبار

نبع القريحـه من عذوب الزلالـي
البرق لاح ودمعة الغـيـم مـدرار

والهاجـس اللي من حروفه تمالي
لا قال شور اسمع كلامه والاشوار

اللي بقلبه من عنـا الهـم صالـي
اعزف مـواويله على صوت قيثار

وانصب لقيفان الهمـوم احتفالـي
العب على طيرانهـا لعبة الـزار

واختار من بين النوادر جـزالـي
اصفّ لك مكنوزهـا وانت تختار

بالسوق جمّلني ترى السوق غالي
لان المزاين دوم تفرق بالاسعـار

وانزل كما شامان وقت النزالـي
حد ٍ بريع وفي اللقا سيف بتـار

ودي اسولف لك عن اسباب حالي
ان كان لك قدره على كتم الاسرار

الصدر ضايق حيل والصبر طالي
والوقت لعمار المخاليـق هـدار

ترى اللي اتعبني وزاد انشغالـي
حظ ٍ كسيح ووقت قاسي وجبـار

وهموم تشعل في الضمير اشتعالي
وسط الضماير يشتعل واهج النار

ما جتني الدنيـا على طيب فالي
تبدي لي بوجه ٍعبوس ٍ وغـدار

كنت ازبن الهقوه على رجم عالي
كانت بساتين الامل ورد وازهار

ما كنت احَسْب حساب سود الليالي
ولا..عْوى سرحان في جرد الاقفار

والطيحه اللي تعتبـر راس مالي
آمال مفقوده وحلم الهـوى طـار

مدري سببها وقت ما قـد صفـالي
والا السبب في حظي ايدينه اقصار

اسج بفكـاري يمـين وشمـالـي
اقراء كفوف الوقت والوقـت دوار

اثر الزمن ماله رفيـق ٍمـوالـي
اذا هدى ساعه يباغتـك بعصـار

بصبر لو ان الصبر فاق احتمالي
وانا على ما قيل صامـد وصبار

يالله يا المعبـود يـا ذو الجلالي
ياعالمـن بحوالـنـا سر وجهار

تجلا همومن فوق صـدري ثقالي
تطلع وتـنزل كن فـ القلب منشار

انت العزيز اللـي عليـه اتكالي
وانت الملاذ بوقت يسر ٍ وبعسار

وفي الختام افضل كـلام ٍ يقـالي
على النبي صلوا عدد وبل الامطار

.