ياحي شوق الهنوف وحي ماجابه = حي " الدحيمي " وتغريده ، وبرهانه
حي التباريح ، حي الشِعر واربابه = من كيف صمصوم محد(ن) جهل عنوانه
حُرّ(ن) ليا هَدّ يوجع باس مخلابه = شهم(ن) ليا قام ترضى كل زعلانه
لوخانك الوقت في سرعة تقلابه = ماخانك البوح في سبكه وتبيانه
شكواك يالقرم ماهي رسم وكتابه = شكواك درس(ن) لولد فلان وفلانه
اللي يخون (الوفا) شرواه واضرابه = ماهوب كفو(ن) نشيل الهم من شانه
متعيجب(ن) في نقوش الكف وخضابه = باكر يعض البهام وترخص اثمانه
مادام صك(الغبي) دون الوفا بابه = خلّه يولّي ، مصيره يلحق اقرانه
له يوم ما ينفعه تينه وعِنّابه = لا خيّم القيظ وامحل جو بستانه
باكر ليا من تفقّد شكل جلبابه = يبلش بروحه مع خِلّان بلشانه

على راسي من فوق