ادوج رجلي فالزمن يسار ويمين=اخايل دروب الخير دايم وتبعه
لاكن الهوى يحدني بتكحيل العين=هذا نسناس الشوق عسى الله يقطعه
والحب تل الفرايد من جوفي لين=مشاعري في شوارعه متسكعه
واليوم تأكدت اني من العاشقين=والدليل أدوخ لاناداني بأصبعه
وقلب(ن)ماهو يضخ الحب في الشرايين=أفضل لصاحبه قبل يموت يشلعه
آحيان اكابر واسوي ثقيل ورزين=واقول مالي فالحب ولا فيه منفعه
لاكني اذوب لاشفت ذوات الردفين=آفهي واجلس اتبعهم كني امعه
والحب ياكم شجع ناس(ن)ذليلين=وياكم من شخص(ن)فيه لاقى مصرعه
والحب ياكم جرحني وغيري كثيرين=لاكني ابرر الجرح وارقعه
وكل شيئ (ن)اذا جيت أتوادعه يهين=الا الوليف اصعبها لاجيت اتوادعه
تعالي واسكني بخضر البساتين=وخلي اطيافك فالحشا متربعه
ولايهمك كلام بعض الشامتين=آلي يلفق اردى الهرج ويطلعه
خليك معي لاتهتمين للناقصين=وآلي يحدانا عسى ربي ينزعه
احنا اطهر اثنين فالارض متوالفين=وحبنا اطهر من الماء في منبعه
كتبت الشعر من قسى ولا من لين=وقصايدي كنها الفصول الأربعه
وقريحتي تفرز فرح ولا حزين=وأناملي تستقبل الفرز وتطبعه
والشاعر يكتب القصايد لحالتين=إما تكون عواطف ولامطمعه
ونا كتبت الشعر للناس اجمعين= لجل ابين لهم وش كثر مروعه