يا غلا .. والله أحبّـك
:
أول ايامي معك .. كانت بداية شتا كانت نهاية خريف كان عمري بسمتين و فرحه تبغى تبتدي كنت اشوفك .. كل شي كنت اشوفك .. أي شي كنت اشوفك كل خيالي و كل جنوني بالحياة كنت أتدلع عليك و ادري اني ما أبيك..! شايب و قصدك تحبني ؟! عمّـو .. شـ يحـبّـبني فيك ؟؟ كنت صادق كنت واثق.. كنت تعشق فيني لعبي ! كنت تشرب من جنوني و ترتوي لا قلت: .." أدري ".. - عمّـو .. قلت انك تحبني ؟ - إيه احبـك . -عمّـو قل لي شـ كثر حُـبّـك..؟ - شفتي هذي الدنيا كلها ؟ " قد دنيانا أحبك " - عمّـو .. دنيانا صغيره .. شفت شاهي الصين كله ..؟ " قد هالشاهي أحبك " ! كنت تضحك .. و انا أضحك كنت تاخذني بحضنك لا ابتدا رَش المطر و تفرده بالحيل بشتك فوق " ظهري " و " الشعر ".. و اسمع لسانك يردد : " يا غلا .. والله أحبك يا غلا .. بالله أعيذك يا غلا .. اسم الله حولك يا غلا .. انتي حياتي و دنيتي يا لبّـا قلبك.. " و يبدا عشقك إيتسلّـل .. بين كلماتك لقلبي قلبي كان صغير .. أدري و كنت قافلته بـ قـفـل ... قالوا عنّـه صوت عقلي ! بس صوتك كان غير خـّلا أشواقي تطير خـّلا إحساسي يسافر .. من أحاسيس الصّـبا يم إحساس الأنوثه .. حيـيـيــل بدري !! نوفمبر 2006 |
رد : يا غلا .. والله أحبّـك
- عمّـو .. دنيانا صغيره .. شفت شاهي الصين كله ..؟ " قد هالشاهي أحبك " ! كنت تضحك .. و انا أضحك كنت تاخذني بحضنك لا ابتدا رَش المطر و تفرده بالحيل بشتك فوق " ظهري " و " الشعر ".. http://www.sh3byat.com/vb/images/icons/damn.gif نص رائع .. يبشّر بإنضمام عضوة رائعة تتفاءل مواسمنا بـ مشاركاتها .. دمتِ بـ ود .. |
رد : يا غلا .. والله أحبّـك
يبدا عشقك إيتسلّـل .. بين كلماتك لقلبي قلبي كان صغير .. أدري و كنت قافلته بـ قـفـل ... قالوا عنّـه صوت عقلي ! بس صوتك كان غير خـّلا أشواقي تطير خـّلا إحساسي يسافر .. من أحاسيس الصّـبا يم إحساس الأنوثه .. حيـيـيــل بدري !! " سنيني يَـم " حضورك حافل بالصدق والعمق والجمال بعض النصوص تخترقنا من حيث لا ندري شكراً لتواجدك وحروفك العذبة |
إقتباس:
http://www.sh3byat.com/vb/images/icons/damn.gif و أنا أسعد و يشرفني كثيراً الانضمام إلى هـذه النخبـة الرائعـة هُـنا و مشاركتـهم نبض حـروفهم .. دمتِ بـ عافية |
رد : يا غلا .. والله أحبّـك
إقتباس:
أولاً .. أعتـذر عن كل هـذا الغياب! و أشكركـ من الأعمـاق على عذب مرورك غاليتي دمتِ بـ عافية |
رد : يا غلا .. والله أحبّـك
اهلا بهذا الحضور البهيج نص يحتل الصفوف الاولى لدى الذائقة الراقية متابعين باستمرار \ / دمت بود |
رد : يا غلا .. والله أحبّـك
إقتباس:
حضـور سـرّني من ذائقـة يتهاتف الرائعون إلى إرضائها كـل الـود لمرورك سيّـدي |
رد : يا غلا .. والله أحبّـك
يا غلا .. والله أحبك
يا غلا .. بالله أعيذك يا غلا .. اسم الله حولك يا غلا .. انتي حياتي و دنيتي يا لبّـا قلبك.. رائع النص .. والأروع هو الإحساس الجميل.. صح بوحك الشجي.. تحياتي |
رد : يا غلا .. والله أحبّـك
إقتباس:
الأروع هو تواجدك العذب أستاذي tsh6 يكفيني فخـراً انتماؤنا لمدينة واحدة :) |
الوقت المعتمد في المنتدى بتوقيت جرينتش +4.
الوقت الان » 14:50. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع