حسبي على من شدني بالحسن
 

عياد الشمري \\شاعر عذب \\ يمكن هذا الوصف الي اتصوره ل عياد الان \\\ نشر قصيده ذات يوم ابياتها عذبه عذوب حباب الماء \\\ منها هالبيت:

روحي عسى دربك مثل عينك فضاءات ورحيــــــب
انسيني بدربن عرفت اقصاه يومي باولــه

بيت عذب ينم عن شاعريه ساحرة \\\ واسمحوا لي ب الابيات التاليه على نفس الوزن و القافيه وبوجهة نظر مختلفه:

حسبي على من شدني بالحسن والنطق العجيب
بعده اردد ف الخفا ما اعذبه ما اجمله

ابعترف همت بغرام الترف ريان القضيب
ادللــه وهمي رضاه ولازعل اتحمله

ويومن مشينا الدرب كله واصبح المطلب قريب
ونور الامل يلوح واضواء الاماني مقبله

اظهر لي انياب الخداع وقال لي غيرك حبيب
انا اعدك مثل اخوي وحبنا لا تقتله

اقفيت يحرقني الم هجره وكل الراس شيب
ونفس عزيزه ما رضت عن السبب لاتسأله

شكرا على الالهام يا عياد ولو ان فرق الجوده واضح بين ابياتي وابياتك \\\

اخوكم

ماجد العصيمي

الاخ/ مــــــــــــــــــاجــــــــــد

صح لسانك وبيض الله وجهك

وهكذا هم الاحرار دائما فيهم الشيمه والعفه

وصح لسان الشاعر الشمري وشكرا له اللي هيضك

لك تحياتي

عكاشه

اشكرك جدا وانت دايم مشرفني بردودك \\\ والحقيقه ظنك في محله ماطرالي اسئله ليش وازيدك من الشعر بيت لو رجع ماقبلت رجعته

:)