ياحلم لي كم يوم وانا أناجيك=وين انت ماتجي تمسك روحي بيدها
ياكم تمنيت اصافح يد معاليك=لنه لو مانت..نفسي محد(ن)نشدها
انت غلا الكل والكل بعد تغليك=ياأحن وارحم من الام لولدها
انا لضاقتبي الوسيعة أناديك=وتجي وتنتزع من نفسي كبدها
ياحلم وينك وانا بتعنى وأجيك= لجل تزود في الاماني وعددها
يانصفي الثاني عسى الله يجازيك= هذي جزات من كان لنفسك سعدها
ماقد خبرت ان الجفا من مباديك=بعدك زود على نفسي نكدها
ترى الجفا ماهو ملبي هقاويك=وماكل من جفا لحاجة وجدها
بعت الخلايق كلهم لجل اشريك=والشعر كتبته لجل محبتك اسردها
عشت ابشقى لجل احقق امانيك=وجزات معروفي جياتي اتصدها
خلك على مانت انا ماعاد أبيك=ونفسي بحاول اعوض ما فقدها
خذها كلمة(ن)مني وحطها فياديك=ترى الجفا امر مالهجر وادهى
ياحلم طول اغيابك وين أراضيك=وين انت ماتجي تمسك روحي بيدها