<<<سوالف ليل ..على جمر الغضى>>>
 

بسم الله الرحمن الرحيم ... السلام عليكم ورحمه الله وبركاته

الله لا يمسيكم الا بالخير والمسرات <<< الساعه 3.21 ص

اشتقنا لكم .. وعدنا بعد غيبه .. المراد والمهم .. هذي الله يسلمكم عدد من القصص وابياتها .. لقطتها لكم بالمنقاش ..وخفيفه ومممتعه انشاء الله تجوز لكم وتحوز على رضاكم ..

و الفكره يدل عليها العنوان,, لانها سوالف مثل اللي نسمر عليهن في البر على الغضى :)

على فكره .. الغضا وشلون تكتب ؟؟

غضا ولا غضى ؟؟ !!

المههم هذي السالفه الاولى :D


,,,


الشاعر راشد الناهظ فهو من موالي الناهظ من أهالي البرود بمنطقة السر كان رئيس عمل بالكويت وجاء إليه ثلاثة من أعمامه الناهظ أهل البرود يوم الناس ينزحون للبلاد المجاورة لدورة الأعمال فتوسط لهم وشغلهم عنده بالاشغال وشاف تقلبات الدنيا أولاً هو عندهم يشتغل واليوم هم عنده وقال أبياتاً من ضمنها هذان البيتان قال راشد الناهظ:


[poet font="Simplified Arabic,5,darkred,bold,normal" bkcolor="transparent" bkimage="backgrounds/13.gif" border="ridge,5,darkred" type=2 line=350% align=center use=ex length=0 char="" num="0,black" filter=""]
أنا أحمد اللي جلا همي=اللي من الرق نجاني
من أول أقول يا عمي=واليوم أنا عم عماني


[/poet]
وراشد الناهظ له مساجلات مع كبار الشعراء مثل مرشد البذالي وخالد الوزان وغازي الشيباني
,,,


ويقال إن هزاع الهزاع والد الممثل الشعبي عبدالعزيز الهزاع كان ساكناً في حارة الضليعة شرق عنيزة عام 1342ه وجيرانه تفرقوا واحد راح للغوص وآخر راح للغربية والسوق صار خالياً وتذكر ربعه وجيرانه الذين يسيرون عليه ويسير عليهم ويتبادلون السوالف والشارع الذي هو فيه يسمونه سوق منيف, قال هزاع:

[poet font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=200% align=center use=ex length=0 char="" num="0,black" filter=""]
يا شين سوقك غدا يا منيف=اليوم ما عاد ينطبي
راحوا هل الدقدقه والكيف=ولا بقى إلا أنت والخبي
[/poet]





,,,


علي عبدالرحمن الماجد "أبوماجد"
شاعر ولد في مدينة عنيزة ونشأ فيها ومن ثم انتقل الى مكة وقضى بها وقتا طويلا، شاعر ذكي فطن يجيد النظم بجميع اغراضه شاعر محاورة من الدرجة الأولى تهابه شعراء المحاورة ,,وتوفي رحمه الله سنه 1383هـ,,
حصل هذا الموقف عندماذهب أبوماجد مع مجموعة من أهالي عنيزة على سيارة لأحدهم متجهين الى مكة المكرمة عن طريق الطائف وكانت السيارة محملة بالرجال ومنهم شخصيات كبيرة من أهالي عنيزة فلما وصلوا الى السيل الكبير وذلك بعد صلاة العصر أرادوا البقاء الى بعد العشاء ثم الاحرام لأداء العمرة انزلوا الأغراض وفرشوا السجاد الزوالي وجلس كبار السن أما البقية فمنهم من أخذ باشعال النار وعمل القهوة ومنهم من قام بذبح الذبيحة بعد صلاة المغرب أخذ أبوماجد ماء في تنكة وذهب وراء شجرة ليستحم لينوي العمرة فبينما الحضور يتناولون القهوة واذا بأربعة أو خمسة من الرجال يأتون اليهم وهم من أهالي السيل سلموا على الحضور وجلسوا، أديرت القهوة فقال أحدهم واسمه عوض ثبيتي: ما معكم شاعر رد يا حضر؟ فقال أحدهم معنا شويعر وهو يريد ان يورط عوضا فقال عوض من هو منكم؟ قالوا هو ذاك يستحم ان لم يكن عقد نية العمرة, جاء أبوماجد وسلم فقال عوض هذا الشاعر! قالوا: نعم, ماذا تقول يا علي هل عندك استطاعة لمحاورة الشاعر؟, قال: نعم، ولو إنني أريد لبس الحرام ولكن لا يمنع أخاف يقول عوض بأنني خفت فقال
عوض اسمع:

[poet font="Simplified Arabic,4,darkred,bold,normal" bkcolor="transparent" bkimage="backgrounds/8.gif" border="none,4,white" type=0 line=200% align=center use=ex length=0 char="" num="0,black" filter=""]


عوض :

يا مرحبا ما ناحت القمرية=ردية والحلو في تاليها

أبوماجد:


إبك البقاء ياراعي الردية=رديتك من عندنا نثنيها

عوض:


أنتم جلستوا من على الزولية=إن كان هي للبيع أنا بشريها

أبوماجد:


أنتم بذا كل معه بيديه=ماهي بخيشه لا تبرق فيها

عوض:


والله يلو انه لنا حريه=إني منه يامن حضر لطويها

أبوماجد:


لو إنها حرية وبيديه=بعيونك اللي فاتحه لعميها

عوض:


النار حذراء لا تجيها حيه=النار تحرق من يوقع فيها

أبوماجد:


النار حيه مير أنا له ميه=مثلي الى منه حضر يطفيها

عوض:


ياليتني ما جيت هالطرقية=من غير شر ولا خلاف يجيها

أبوماجد:


ماجاك شيء يا خبيث النية=الميسمة تو اللظى تحميها


[/poet]
عوض أسألك بالله من أنت؟ قال: أنا علي أبوماجد صاح عوض قائلا: هذا الشويعر؟ يا حضر لأنه يسمع بالشاعر أبوماجد تسالم الشاعران وتناول الجميع العشاء ثم لبس أبوماجد احرامه وأخذ عمرته مع جماعته.

,,,


والسالفه الرابعه والاخيره حصلت للشاعر عبدالله بن علي بن محمد بن دويرج الملقب بهدبان من مواليد قرية جفن في منطقة السر التابعة لمحافظة الدوادمي وقد تنقلت أسرته بين قرى البرود والعيون والغيضة ثم عادت الى جفن وقد عاش شاعرنا حياة زراعية كادحة وعانى في صغره من شظف العيش وبعد ان شب سافر الى القصيم وحائل لطلب الرزق ومعظم شعر ابن دويرج حول حياته البائسة والفقر الذي يعانيه وسخطه على التجار وان كان أبدع في غزلياته الرقيقة وقد عاصر شاعرنا عددا من شعراء عصره المعروفين والبارزين ومنهم سليمان بن شريم الذي بادله عدداً من القصائد الجميلة ...,,,
وفي هذه القصيدة اللتي ابدع فيها واجاد و قصتها ان الشاعر خطب امرأة ووافق ولي أمرها وقبل اتمام مراسم الزواج غيّر ولي الأمر رأيه وزوّجها من رجل آخر لفقر ابن دويرج فقال ابن دويرج رحمه الله :



[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هيه ألا يا راكبين أكوار وراد المقادم نضه=من حرار الهجن نضه ما خلطهن بالجمل خلاطي
من تريض قدر ما يكتب كتابي قوم الله حظه=اردعوا روس الركايب قدر ما يكتب قلم خطاطي
ثم خلوا للنجايب مع طواريق الخرايم حضه=لا تلثون النجايب لين غربيب الدجا ينخاطي
فان لفيتوا دار ياالخطار ناعمة الشباب الغضه=ما شكت حامي سموم القيض والعقرب وبرد شباطي
خبروه ان البلاد اللي عمر في ضامري منقضه=ما وطى سوق البلاد اللي عمرها عقب خبره واطي
ما وطاها زول مير انه على طول المدى منرضه=عقب ماهي زينة البنيان ما تقدر ولا تنهاطي
كيف أحلب الدر من ديس النعامة وانفخه واخضه=يوم كلفته وجاد وزان شربه لطه اللطاطي
منتويه بنية لاشك انا ماقدر غثاه وعضه=موجب اني مستريب وهايب من هرجه الخراطي
قادر نفسي على اسناع الهوى واقوى البصر وأغضه=خابر راع الهوى ياقف بعسرات المواقف ساطي
أبخص القصديرة الصفرا من اشكال الذهب والفضه=لكن المسطون مثلي عند اهل لولا يقال سباطي

[/poet]خبروه ان البلاد اللي عمر في ضامري منقضه=ما وطى سوق البلاد اللي عمرها عقب خبره واطي
خبروه ان البلاد اللي عمر في ضامري منقضه=ما وطى سوق البلاد اللي عمرها عقب خبره واطي
خبروه ان البلاد اللي عمر في ضامري منقضه=ما وطى سوق البلاد اللي عمرها عقب خبره واطي
ايييييييه رحمك الله يابن دويرج .. توفي رحمه الله في مدينة عنيزة سنة 1365ه.

ونوافيكم انشاء الله بالاجمل والارق في الجزء الثاني قريبا واعذروني على الاطاله ... ونبي منكم مسامرتنا في هذه السوالف وتحياتي

&&& اخوي المهند .. هات اذنك الله لا يهينك :: ماشفت لي راعي العنود وعزيز نسمع بهم ولا نشوفهم .. يالربععععع وينكم لكم وحشه

اخوي المهند .. وين مواضيعك حقت منول ؟؟ لا تقاطع لاعدمناك

جميع اخواني .. تحياتي لجهودكم .. والسموحه على التقصير ..

وانتم سالمين والسلام :D اخوكم ... الحبيب:D :D :D

الحبيب

مساك الله بالنور

موضوع جميل بيض الله وجهك

كثر من المواضيع

تحياتي


خالد العنقري

حياك الله اخوي خالد
 

ياهلا بك وشكرا على ثنائك ولو اني كنت اتمنى ناخذ منك سويليفه حلوه مثلك :)

لا تقاطع يالغالي وياهلا بك

اخوك

الحبيب

لأهنـــــــت مليووووون يالحبيب.





وقصص جميله وطيبه من واحد طيب.



واحسنهم مال الهزاااااع ولأقصور بالباقي وبك.


يا شين سوقك غدا يا منيف
اليـوم مـا عـاد iiينطبـي
راحوا هل الدقدقه iiوالكيـف
ولا بقى إلا أنـت iiوالخبـي




يااااااســـــــــــلأم سلم:D





تفضل :corn: هديه مني عشان تشجع اكثر واكثر.



تقبل تحياتي.



فتـــى الوادي

تسلم اخوي فتى الوادي .. وال " قدوع وصل " خخخخخخ
 

بس وين السالفه ياخوي ؟؟

تحياتي


الحبيب

اررررررررررررررررررررررررررررررررررحب ..

يالحبيب ..

الصراحة اللي همني اكثر .. اني امر واسال عنك وشعلومك وش مسوي ؟؟

عساك طيب وربوعك ؟؟


والله يابن الحلال مدري وشبهم هذول .. ما يبغوني .. خذوا اسمي وما رجعوه ..

يبغوني اوقع على معاهدة السلام ويبغوني اكون: شهيد .. او .. مناضل ..

وانا اخترت ان اكون:


عميلا ... عميلا .. عميييييييييل هههههههههههههههههه << ياسر كفرات هههههههه

.. والله مدري وش دخل هذا بذاك بس يالله كلووووو زيتووون ..

_____________________

الحبيب .. ماشاءالله موضوعك فعلا .......... جميل ونموذجي ...

وانا شدني سيرة "ابو ماجد" لانه مر علي ولا كنت اعرف هو من بالضبط ...

والمحاورة روووووووووعه ههههههههههههههههههههه ..

كوح....كوححححححححح .. << ذبحتني الحساسيه .. ول

________________

والقصة الاخيرة ...... مؤثرررررررة فعلا قصيدتها وقافيها ملفت مره ...


سلمت والله اخترت قصص فعلا جميله ..

_______________


الف شكر يالغالي ..

واعتذر عن عدم نشاطي . انما هي مشاغل انترنتيه الزمتني ..

تخبر: الضلوع ولى هههههههه

وشعبيات عالبال دائما ..

تحياتي العاطرة

اخوك

الحربي جاسر

السلام عليكم ورحمة الله وبركاته
 

اخوي الغالي الحبيب بيض الله وجهك مجهود رائع في جمع وطرح هذه القصص الجميله جدا

والي طال علينا انتضار مثلها

والحقيقه إنا فقدناك اخوي

وعلى قولة القايل من طول الغيبات جاب الغنايم واضن ان هذه القصص هي اول الغنايم انشاء الله

تقبل تحياتي

أختك رهف:)

خالي الحبيب


ياخي تكفى تكفل لنا بشعار عنيزه وقصصهم

والله ياناس ان الحبيب ذا مااغلط الي سماه

وبصراحه انت تكلمت عن واحد من اكبر شعار الجزيره بالنظم او المحاوره

علي ابوماجد

شاعر مهوب طبيعي

فيه قوه بمعانيه غريبه :)

وله قصايد اجتماعيه راااااائعه


وليتك تنزل موضوع وتحاول تجمع فيه قصيد ابوماجد كله

وانا اساعدك عسى الدنيا ماله والي:cool: <======= ويمن بعد


الشي الثاني

القصيده ذي

هيه ألا يـا راكبيـن أكـوار وراد المقـادم iiنضـه
من حرار الهجن نضه ما خلطهن بالجمـل iiخلاطـي



اقوول الظاهر تبي نرجعن مكه اجيب الشريط


بس وش رايك بشيلة عزيز البادي له بالشريط

;)

<====== يقاله فاهم


اخوي الحبيب

تسلم يمناك وهذا مهوب غريب عنك

وليتك تركز على حكاية ابوماجد لانه للاسف كثير من الناس مايعرفه وبعضهم يقول مهوب شاعر جيد (<======= ليته قاله على حياة ابوماجد:mad: )

وهو معروف بقوة ابياته بالذات بالمحاوره مع العلم ان عيوبه او مقاضبه واجد واولهن الي هو انه (خضيري)

وقد رد على مطلق الثبيتي ببيتين بعد مادقه مطلق باصله وقال له وش اصلك
وكان الرد البيتين الي محد سبق ابوماجد الى معناهن

قالو وش انت قلت انا مثل غيري
....................................... من قبل يلحقني ملام او زريه
ان قلت حر والا عبد والا خضيري
..........................................من طينة(ن)منها جميع البريه


الغريب ياخوي ان المعنى القوي ذا كان في شعر (المحاوره) الي دائما يكون اضعف من النظم بحكم ضيق الوقت


رحم الله شاعرنا على ابوماجد

وتسلم يمناك ياسنايدي

:cool:

حيالله المهند :)
 

يارجال .. ماشاء الله عليك .. مناضل :)


هم الظاهر يبونك تفهمها .. وتصرف نفسك :) خخخخخخخخخخ

بس تعجبني ؟؟ :):) :D

تحياتي ال"مسكيه"

فمان الله ,,, وفي انتظار جديدك الممتع جدا

حيالله رهف
 

اطلاله اتشرف بها على الموضوع المتواضع

وحياك الله


وباقه ورد تقديرا لتواجدك الرائد


:) تحياتي

عزيز طرااااااااااااااااااخ <----------- تحيه
 

حيالله الغايب الحاضر عزوز :)


هلا بك والله


وتامر امر .. بس انت ثبت وحنا نشوت

<-------- طلع عن النص


عموما ابشر والله باللي يسرك ... وابو ماجد وعلي القري وحمد المغيولي كل ابوهم نبي نحط لهم موضوع .. يكفي ويوفي انشاء الله

<----------- تحمس


وعلى دروب الخير نلتقي

اخوك

الحبيب

السلام عليكم ورحمة الله
 

تسلم اخوي الحبيب على هلموضوع الحلو

اقول عطن اذنك اضاهر ياخوي اني اطق الخنزيره هنيا:D

هلا بك :: صاهود ::
 

حياك الله :: وخذ راحك ياخوي ,, مطرحك وبيتك


بس استر علي الله يستر عليك :: خخخخخخخ :: ولا ترا بعلم عليك

<------ تراه مانام على اودانه

هههههههههههه تلقاك تسمع الموضوع من كثر ماقريته :)

عموما تراك عرفت الاسم الحقيقي :: وتحياتي للمسك

وحياك الله مره أخرى

الحبيب " المسك "

الحبيب بالفعل حبيب ولاهنت ياالغاااااااااااااالي

up