شعبيات - الفية الشاعر /سليمان الخضراني

الف اولف من خفايا ظميري = مماجرى بالكبد مثل السعيري
الشيب بان وتو عمري صغيري = يالله تغفرلي خطايا ثقيلات
البا بليت ابشخص مالي وماله = لاكن بلاني وحبلتني احباله
حتى ان مالي من مواريث ماله = الزمت ابدفع للمواريث ديات
التاء تبعت الزين زين الوصايف = ابو شعر مجدول فوق الردايف
كامل بزينه مايجي بالنصايف = لاشفت زوله جات بالقلب رجات
الثاء ثنيت القلب عن حب غاليه = وقالولي العذال انسه وخليه
لوني سليت القلب ماهوب ساليه= له لذت ن بالقلب لو تختفي مات
الجيم جاني من هوا البال غربال = لاهو على الخاطر ولاهو على البال
اشعل لهيب النار بالقلب شعال = من حرها ونين قلبي له اصوات
الحاء حياتي كلها ماش في ماش = من غير خلي ياعرب يبرد الجاش
حبي شريف وقلبي ابيض من الشاش = ودي ابوصله لو تطول المسافات
الخاء خليلي عذب الي يوده = يشبه قمر خمسة عشر لون خده
يزود عنه اشوي والى يمده = اذوب لاشفت العيون الوسيعات
الدال دل القلب من كان يهواه = من لامني عسى الذيابه تعشاه
مادام قلبي عارفن داه ودواه = تمضي حياتي ياعرب كيف ماجات
الذال ذنبك يافتى لاتحقره = تماكنه بالتوبه الي تعذره
مترين في نصف المتر ذاك قبره = يالله دخيلك يوم فتح السجلات
الراء رواسي بالبحر مثل الاعلام =يديرها ربً كريم ولاينام
موضحن هذا بقران الاسلام = عليه تدبير الامور الصعيبات
الزاء زماني شفت منه العجايب = شفت المذله والنكد والمصايب
لو شفت شيب الراس مانيب شايب = شيبت من راع الرموش المضلات
السين سويت المعاني على ساس = ابياتها تمشي على نغمة اجراس
ابيات جت من صافي الراس لناس = وخت لي مع عالم الشعر سجات
الشين شاب الراس من كثر ماحن = الحق على صاحبك لا يصيبه الجن
سهمه ضرب فلبي وانا احن واون = من قو ضرباته وانا ازعج ابونات
الصاد صدت القلب يوم انه الفاك = خليت قلبي واحدا من مطاياك
سبحان منهو كملك في مزاياك = تامر وتنهى مابعد قلت لك هات
الضاد ضاق الصدر من كثرماصد = ماتعرف امزوحه ولاتعرف الجد
متقلبً مثل البحر جزره ومد = والله هو العالم بكل الخفيات
الطاء طواني طيتين على طي = ماقدر على بعد الحبيب ولا شوي
وهو يقلبني على النار والضي = عزالله اني رحت بيده متاهات
الظاء ظميره ماتحسف وتابي = يبي على ماقال يقصف شبابي
من شاف حالي لامني وزدرابي = واليوم مالي به ملذه ومشهات
العين عن راع الهروج استكفى = الي كلامه في رفيقه تشفى
الي ورا هرج النمايم تخفى = ينقل هروج الناس لناس نشبات
الغين غابت عن سماء نجد الامطار = ماستغفرو رب كريم وغفار
لو تابو ارسلها من المزن مدرار = رب غفور ومستجيب الدعوات
الفاء فؤادك يافتى لاتقسيه = خله على وصل القرايب مضريه
الله عليم بكل مايختفي فيه = هو عالمً مابلخفى والسريرات
القاف قل للي يقول اعلم الغيب = يعلمبه الي مجري الشمس للغيب
ومائيدن بالحق نبيه شعيب = وترك كلام الشعوذه والكهانات
الكاف كن السد بالصدر كنه = واحذر ضلوعك للبشر يضهرنه
يتناقلون الهرج عنه ومنه = وتصير مابين الخلايق مقالات
اللام لميت الدفاتر والاوراق = اليل قفى وبتدا وقت الاشراق
النوم من عيني تقل يسرق اسراق = العين ماترقد ولو كان لحضات
الميم مريت المقابر تروعي = فكرت فيها وخلجني ضلوعي
فاضت وسالت بالمحاجر دموعي = يالله تفتحها على باب جنات
النون نوم الحظ سببلي ازعاج = بين القرايب والعرب صرت بحراج
يالله عسى للحظ قومه ومنهاج = وارتاح في نوم العيون المشقات
الهاء هوايه من سكن بالبطيني = على النقى واضح وقلبه فطيني
افداه في قلبي واحطه بعيني = راع الدلال الي على النار صافات
الواو ويل اهل الحكي من حكاهم = الي لحم كل البشر من عشاهم
حريمهم واهل العمايم وراهم = حشا بخلق الله وغيبه ونمات
الياء ياليت الي مضى مايعودي = وبنيانه الي هو بناه امهدودي
الشوك مايقطف بقطف الورودي = ماتمتلي بالماء طياسن مكفات

الشاعر / سليمان الخضراني