مصافحة أولـى ..



أعطنى من عذابـك يا البعيــد
,,,,,,,,,,,, صرخةٍ .. تجعل ظلوعي حطـام
آآآه .. لـو في يدي أبكي معـاك
,,,,,,,,,,,, قطـرةٍ مادرى عنهـا .. الغمـام
ما ابخل الوقت .. يحرمني البكـا
,,,,,,,,,,,, وانت لجلك حرمنـي الإبتســام

.
.
.

أركض ورا الشمس .. اللي تغيب
ابي النهار .. وينتحي
أخاف أنا وجهي إلى طاح الظلام ..
فوق الملامح .. ينمحي
كافي سواد العين .. والظل الحزين
وشمسٍ تبين .. وماتبين
ورا السحاب ..
كافي بَعْض ليلٍ يجي .. قبل الغياب
عن ليل الغياب ..

.
.
.

يا موقد الشمعة ..
وجهي أنا .. أو نور ذا الشمعة
قاسي الشحوب ..
في رعشة الضي العليل
وتكبر مسافات الهروب ..
يا صاحبي الشمعة غروب
به قريةٍ تحت الظلام .. مريتها ماجيتها
وبنيةٍ تحت الظلام ..
ورسالةٍ في الليل
خانتها الحروف .. من القهر شقيتها
كلي عيون .. وماتشوف
والناس يا ظل .. وطيوف
والظلما نسيان الحبيب .. لحبيب
أركض ورى الشمس اللي تغيب ..

.
.
.

شعاع ٍ .. يدخل الغرفة
بعد العصر ..
يزحف فوق سجادة ..
ويطلع فوق هالكرسي
ويمكن يلمس وسادة ..
ولحظة ما لمحته .. خاف
تراجع .. طاح من الكرسي
وركض .. قبل النهار يمسي
ورجع للشمس كالعادة ..