ياللي اتبجح في قساك وما دريـت انـي نسيـت = آنـا نسيتـك وأنـت وفـر يـا حلـو قساوتـك
ما عاد يعنيني زعل مثلك ولا اهتـم ان رضيـت = ولا تضايقنـي الهمـوم ان كـدرت صفـاوتـك
وابشرك ذكـرك يمـر اذنـي ولا عنـه دريـت = وما عدت أفز ان جابوا اسم مقـارب ٍ لسماوتـك
نسيت // يعني شاطبك بالخط الاحمر ما حييت = وان كان تفهم يا ذكي لا تختبر ذكاوتك
حذفت رقمك من جهازي وان توهمـت وهقيـت = انه بيبقى لك ذكر فاعتب على غبـاوتـك
يوم آحذف رقمك وربي كلما اضغـط ( ديليـت) = كني من اعماقي مـع اسمـك آحـذف غلاوتـك
معذور يوم احْذِفْك لاني صادق وبالصـدق جيـت = عاشق وعشقي عاصفـه جـت تقتلـع هداوتـك
علمتك اسرار الغرام العـف تـوك مـا حبيـت = وغاغيتـك بكلمة احبك والمشاعر خاوتك
واول خطاويك بدرب الحب لـو تذكـر مشيـت = على رمـال جفـون عيـني اللي اليـها آوتـك
وعلمتـك فنـون البرستيـج ومعانـي الايتكيـت = وانت اتعـذر بالظـروف وصغـرك وبداوتـك
وكبرت تحت يدي شوي شوي لين انـك جريـت = داخـل شرايين ٍ تذوب للينـك وطـراوتـك
واسرجت في نحرك خيول الشعر وبليلك سريـت = شـاعر ويغريني دلعـك وضحكـك وشقـاوتـك
الله بلاني بالغلا من جد لا قيل ابتليـت = استغفر الله ان نفسي بالغلا ما ساوتك
ومن بعد ذا كله تخون ويدك تهدم ما بنيت = يا حيف والله واتمـدح بـان جروحـي داوتـك
( اعلمك فن الرمي واليـوم يـوم انـك رميـت =صوبت قلبي قلت خذ مني // جزاء حفاوتـك؟ )
اتخونني وتقول عااادي !! أي عااادي !! او عنيـت = انـك غبـي خليـت الاهبـل يعبـث بنقاوتـك
يعامللك كنـك موظـف والمرتـب شطـر بيـت = مبرووووك // غدره ترقيـه وخيانتـه علاوتـك
بكره بتدري مـن خسرت وتتعبـك كلمة ياليـت = وانا وش اللي باخسره يا هووه مـن عداوتـك
تدري وش اللي خذت منك غير حب اهل الكويـت ؟ = ان اعـذب اشعـاري يغلفـهـا طعـم حلاوتـك
ولا انت عااادي لو تلين وعاااادي ان رحت وقسيت = انـا نسيتـك وانـت وفـر لينـك وقسـاوتـك