|
جهاز كشف الكذب !
السلام عليكم ورحمة الله وبركاته وأوقاتكم قصيد الكذب واضح ! لا تجيبون كشاف=لكن علوم الصدق ! من يكتشفها ؟ ! من الصعب جداً "قمة طويق " تنشاف!=ونمله صغيره يا " سليمان" شفها ! لي ناقة ٍ كانت مع الزمل ميلاف=واليوم ثورة مصر كلن خطفها! ولي وردة ٍ كانت على راس ميهاف=واليوم مدري ياعرب من قطفها ! ودار الزمان ! وصارت القاع صفاف=والسيل داوي وكل نبته جرفها ماهو طموحي يا ولد صورة غلاف=ولو هي على اللقمه ؟زهدت بكلفها كم من شريف ٍ مالقيته بالاشراف !=أهل الشرف واجد ! وتحمي شرفها وكم سيف قاطع مالقى كف سياف=ضاعت حياته ما تحقق هدفها ! والمخطي اللي ماتجاوز ولا طاف=كيف اعترف في تهمةٍ ماقترفها ! وش جاب مخلاب النسر؟ بين الاظلاف!=وهذي مع السبع العجيبات ضفها ! ومن عاش في دنيا الشقا شاف ماعاف=لكن نصيحه قبل تنعاف ؟ عفها والمهره اللي عجزت كل عساف=مبطي وابن مرخان قافه عسفها وراسك لا صدع لا تعذرب بالاطراف!=بعض العلل ؟ لليوم ماحدن عرفها |
رد : جهاز كشف الكذب !
الله عليك ياشاعرنا الرائع اظطريت لتسجيل الدخول لابداء إعجابي الشديد
بهذا النص الفاخر والهادف الذي يحمل كثيرا من المعاني الجميله .. شكرا من القلب لقد أرويت عطشي وتقبل تحياتي ,, |
رد : جهاز كشف الكذب !
" جهاز كشف الكذب " نص يوحيّ بأننا لآزلنا على قيد الشعر وبأننا أمام كتاب مفتوح عبارة عن فلم وثائقي صيغ بطريقة أدبية عبقرية كي يمر الينا بسلام !! أخي عبدالرحمن مساء الخيرات تابعت أو بالاصح شفت ! عبر جهازك : ناقتك , ووردتك !! , و أنت !!!! ولآزلت مفتوناً وعاجزاً عن كتابة مايليق تجاه هذا الكم من العمق والبساطة التي مُزجة بحرفنة في هذا الجهاز اللآشعري الصامت ! الذي فركته بفكرك وإبداعك فصغت منه القمح والفتنة وعانقت بنا السماء .. لله درك , لله درك يارجل 11 |
رد : جهاز كشف الكذب !
إقتباس:
تحياتي وامتناني |
| الوقت المعتمد في المنتدى بتوقيت جرينتش +4.
الوقت الان » 10:15. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع