حبيب الشمس
يا وجد عين ٍ فارقت مهتويها=وجد الهنوف اللي اكتست للحدادي على عشير ٍ لابته يحتميها=يوم العجاج وثايرات الزنادي واصبح ضحى عرسه وبكفوف اخيها=مغدور تبكيه الحضر والبوادي حنا فرحها طبعته في يديها=وثياب فرحتها عليها جدادي مابين حسرتها وزفرات ابيها=اضحت مثل غصن ٍ عصفه الجرادي من وجدها تقطر مدامع ذويها=عقب البياض موشحه بالسوادي يا وجد عيني بعدكم يا صبيها=وجد ٍ ترق إله الحيود الجمادي محبتك ظنيتني بنتسيها = وظنيتها في مهجتي شي عادي والبارحه لاماك ويلي عليها = شوقي بعد روحتك قطع فؤادي كن في المحاني جمرة ٍ تسطليها=من جمر حر ٍ ما يهبي رمادي ساهر ونفسي من لظى ما يجيها = حطت عيوني تحت ناب السهادي كني ( حبيب الشمس ) رحت احتريها=ارقب متى يفلت سناها رقادي واضحيت وعيوني تقول يحديها=عن نومها من ثاير الشوق حادي يا بري حالي لرض ذي كلبيها=ما توسع اشواقي وصافي ودادي لعيونك اللي صرت منها واليها=وكن رمشها لا ابعدت عنها ينادي تعال ياللي سبتي ( رحت فيها ) = عن سطوتي بالله وين انت غادي !! |
الوقت المعتمد في المنتدى بتوقيت جرينتش +4.
الوقت الان » 04:20. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع