(الليالي تموت ببردها) ومساعد الرشيدي وحراره قصيدته.......
 

في زمان كنه البرد .. شبيت القصيد ××× قلت ابدفا والليالي تموت ببردها

في طريق كنه الموت والحالي وحيد ××× قلت ابحيا والمنايا تبوح بسدها

تقارب هقوة العمر لو كانت بعيدxxxواتغني بالمقابيل واخطب ودها

لاقديم الجرح يقوى ولاجرح الجديدxxx يخلف الناس العزيزه عن اللي ودها

والله اني ماتنازل .. لي رايٍ عنيدxxx لين أداعب غرة الشمس ..والثم خذها

وانزفي ياوردة الشعر .. من دم الوريد ××× لاتجفي في عروقٍ .. تراجف يدها

ياقصيدي كان الأشعار سادات وعبيد ××× والله انك من بحور ..غريبٍ جدها

ماتقاود مهرة الحرف للقلب البليد ××× ياقصيدي خذ رسنها ..وخلك قدها

في طريق كنه الخوف سليت القصيد ××× قلت ابحيا والليالي تموت ببردها

[ أكتوبر 28, 2001: تم تعديل الموضوع بواسطة : بدوي في امريكا ]

اخوي عشق بدوي:
تسلم يا غالي على طرح هذه الرائعه في شعبيات وهذا من حسن ذوقك واختبيارك..

وصح لسان الشعر الاستاذ الرائع مساعد الرشيدي..

ملاحظه: انا قمت باعادة اخراج القصيده حيث كانت الابيات مشتبكه مع بعض ياليت تلاحظ هذا مستقبلا...

تقبل تحيات
اخوك البدوي

<font color="Red">غير يابخت القصايد اللي تغيرها.....انت ابوها وسمها طال عمرك واللي تشوفه صح سوه وماقصرت على هذه الملاحظه يالغالي</font>