جتك المشاعر تسوق الكره محتده =تشرح لك الوضع ليتك تفهمه ليتك
مابيه وقت ٍ معاك الله .. لايرده=عقب المحبة تراي بجد .. وطيتك
دامي خسرتك ترى الصده هي الصدة= في دار الاموات عن دنياي عديتك !!
رح دوّر اللي عطاك الشوق وتوده !!= كان الخطا من خفوقي يوم حبيتك !!
الحب غلطه معك ( يلعن ) ابو ( جده )= لا عاش راسي تشوف ان كان مبكيتك
اعطيتك اللي تعجز الناس عن عده = مافيه شي ٍ ( طلبته ) ثم رديتك ..!!
لقيت دربك به الحسرات ممتده= ظلمت نفسي خسارة كيف عليتك !!
سليت سيفك بوجهي حيل وتحده= ماكني اللي نزفت الجرح واغليتك
العالم اللي دخلته مانتب ( بقده )= نسيت عمري وراك ولا تناسيتك
ابشر بقسوة تبد الحيل .. وتهده =ومع كل هذا .. ترى ماظني اوفيتك
ذكراك تبقى بوسط الجوف مسودة = لو الليالي تعرفك زين .. ما جيتك
خلاص كرهي تجاهك واصل ٍ حده= من نفس كاسك عطيتك كاس واسقيتك
مابيك وقت ( الرخا ) ولا بيك ( بالشدة )= مليت منها ( حيـاتك ) دام خليتك !!
انهيت حبك وباب ( الهم ) باسده = ماعاد قلبي مثل ما كان هو ( بيتك )
بعض المشاعر تموت ولا لها ( رده )= بالضبط مثلي نسفت الحب وانهيتك

خلاص كرهـي تجاهـك واصـل ٍ حـده
من نفس كاسك عطيتك كاس واسقيتـك

مابيك وقت ( الرخا ) ولا بيك ( بالشدة )
مليت منهـا ( حياتـك ) دام خليتـك !!


محمد العسكر ..

الحُب أحيانا ً يأخذ شكلا من أشكال الكُره !
نص يستحق التصفيق ..


أجمل تحيّه ..

ابو عبدالله هلا وغلا ومراااااااااااااااااحب وكيف الاحوال عساك طيب وكل من يعز عليك

والله يا محمد انت من الشعرى الجيدين والمهضومين اعلامين
ولحضورك ورقي حروفك يطرب المتذوق للشعر الرااااقي الجميل
صح لسانك من راااااااااااااااااااااااااااااااااقي ولله درك من مبدع وعساك على القوه


اخوك نمر العتيبي

/
\


أبو عبدالله

تقتل ( الروتين الشعري ) ..

تقلب الطاولة بوجه التصنع والتكلف والزخرفة المقيته ..

وتأتي أبياتك كموجة متفرعنه من حظن بحر يتلاطم لتستقر على ساحل هاديء

سهل ..

ممتنع ..


هنا تبرز الذات الشاعريه المؤثثه بالإحساس

حيث الحقول والعواطف والأشياء والأحلام والذكريات كلها تنكوي بجمر الغدر






محمد العسكـر

كيف نصف الجمال بأنه جمال .. فقط ..!

روعه .. ربما ..

مدهش لا عدمتك ببساطة خارقه ..




ودي ومتابعتي أستـاذي ..