تفائل ولاتحْزن وخذ لك عبَر ودْروس...
من مشاركاتي في مجلة فواصل.... يقولون تدرس؟ قلت ماعاد فيه دروس=خذينا الدروس الوان واشكال وانواعي وذلحين لبّسنا كفوف الهبال دْسوس!=وشوفوا فواصل وادخلوا صفحة اقلاعي مجلّه على اللي غيرها تلْعب المنْكوس=تغنّي طرب وتْغيض وتْطق الاصباعي يوم ان الصحف تنشر مجامَل وحب فلوس!!=فواصل تسوق فلوس وتْجيب الابداعي وانا اكتب عن المحْسوس واكتب عن الملْموس=لو ان القلم والحبر من روس الآفاعي واعبر عن اليائس واعبّر عن الميئوس=واعبّر عن هموم البريد وعن الساعي ولا احب من طبعه على كل كف يبوس=ولا كل كف يمَدْ للبوس نفّاعي ولاقول هذي ضان والا هذيك تيوس=وليه الغنم تذْبح ولا يذْبح الراعي؟ ولاقول للريّس علامك على المرّيوس؟=ترا حذْفِتِك في جبّهته مالها داعي ولاقول يالمسمار كنّك تجي دبّوس؟=ولاقول يالدبّوس ليه الورق ضاعي؟ ولاقول ميد الثور ياحضرة الجاموس=اخافه يسيء الفهم ويحطّم اضلاعي! ولاقول يامريكا تراكم تبون الروس=ولاقول ميد الروس مافيكم نخاعي وكلمه بسيطه لو على شمْعة الفانوس=ولا هرْجةٍ صلّفه وكشّاف وشْعاعي اعبّر بها من نفْس والقى قبال نفوس=واشوف الرضا واشْرَه على بعض الاوضاعي مع السوق طيّحني وبين الجبال عْسوس!=هذا مشْيته عدْله والاخر تمرّياعي! وراسٍ كِدَشْ والراس الاخر عليه الموس!=وهذا معه معْجب وهذا له اتْباعي! وكلٍ يفصّل ثوبه اللي عليه يقوس=ولافيه نفس الا لها هم واطماعي تفائل ولاتحْزن وخذ لك عبَر ودْروس=ولا ضاقت الدنيا فجوج الله وساعي |
رد : تفائل ولاتحْزن وخذ لك عبَر ودْروس...
وكـلٍ يفصّـل ثوبـه اللـي عليـه يقـوس ولافيـه نفـس الا لهـا هـم واطمـاعـي تفائل ولاتحْـزن وخـذ لـك عبَـر ودْروس ولا ضاقـت الدنيـا فجـوج الله وسـاعـي ياسلاااام ياسلاااااااااام صح لسانك يابو مقبل وعز الله انك اطربتنا بالمحسوس والملومس وبهاالدروس بيض الله وجهك ولا عجمت |
رد : تفائل ولاتحْزن وخذ لك عبَر ودْروس...
ولاقول للريّـس علامـك علـى المرّيـوس؟ تـرا حذْفِتِـك فـي جبّهتـه مالهـا داعــي ولاقـول يالمسمـار كنّـك تجـي دبّـوس؟ ولاقـول يالدبّـوس ليـه الـورق ضاعـي؟ ولاقـول ميـد الثـور ياحضـرة الجامـوس اخافـه يسـيء الفهـم ويحطّـم اضلاعـي ههههههههههه اجل يابو مقبل انت تتبع نظام أبعد عن الشر وغني له حتى الثور مراعيه ههههههههههههههه اضحك الله سنك ووسع الله صدرك على هالقصيدة الرائعة;) |
رد : تفائل ولاتحْزن وخذ لك عبَر ودْروس...
كذا الدرووووووووووووس والا فلا روح ياشيخ الله يوفق ذا الوجه اطربتتتتتتتتتتتتتتني :) |
رد : تفائل ولاتحْزن وخذ لك عبَر ودْروس...
ولاقـول ميـد الثـور ياحضـرة الجامـوس اخافـه يسـيء الفهـم ويحطّـم اضلاعـي! صدقت وربي هدية جديدة من هدايا ابو مقبل الفاخرة روح ربي يسعدك ويحفظك يا شيخ |
رد : تفائل ولاتحْزن وخذ لك عبَر ودْروس...
ارحب يامقدور ولاهان راسك على مرورك وتعليقك يالقرم |
رد : تفائل ولاتحْزن وخذ لك عبَر ودْروس...
اهلين سولافه وضحكه دايمه يارب واشكرك على مرورك الجميل |
رد : تفائل ولاتحْزن وخذ لك عبَر ودْروس...
يامال العافيه
ابيات تستطرد في الحقيه |
رد : تفائل ولاتحْزن وخذ لك عبَر ودْروس...
تستاهل مجلة فواصل وشاعر غني عن التعريف والثناء جزالة شعره وخطه الاجتماعي المتميز تكفي لتميزه عن غيره .. صح لسانك يابو مقبل .. http://www.sh3byat.com/vb/images/icons/damn.gif |
رد : تفائل ولاتحْزن وخذ لك عبَر ودْروس...
ارحب يابوبدر ارحب ونفدا خشمك ياطويل العمر |
رد : تفائل ولاتحْزن وخذ لك عبَر ودْروس...
والله يسعدك يابوتركي ما اجمل مرورك |
رد : تفائل ولاتحْزن وخذ لك عبَر ودْروس...
الله يعافيك ياطويل العمر |
رد : تفائل ولاتحْزن وخذ لك عبَر ودْروس...
ارحبي يالجازي ويسلم لسانك دائما تواجدك مميّز |
الوقت المعتمد في المنتدى بتوقيت جرينتش +4.
الوقت الان » 14:25. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع