في ليلتن مشمسة من ليالي الصيف الباردة :) (!!!) ... وحينما تكون قد اتخمت من بعد مثلوثة يحبها قلبك من محل الشاورما اللي بجنبكم وصاقع وراها كاسين لبن فتضرب فيوزك وتسطل وتحس ان لك جناحين بس ما تقوى تطير ((دجاجة)) (!!!) فتنسدح على السرير والطفش من زوده طالعن من جيوبك :D


^
^
^
^
^

كان الكلام اللي فوق حال خوينا((فدغوش)) <==== بضم البون

فكأي شاب حاس بالملل والطفش قال فدغوش في نفسه ياولد ليه ما تروح تقرا لك شي يفيدك وينفعك في مستقبلك ((ايه هين )) :)

وقال في نفسه ياولد يا ابو الفداغيش ليه ما تروح للتلفزيون وتقلب فيه اغديك تحصلك اغنية طارفه منا والامنا .... هه هه روبي ... والا هيفا :) المراد مالكم بطويلة
استمر خوينا فدغوش يغير من قناة الى قناة واثناء ماهوب على وضعه قدام التلفزيون واندماجه وفي منتصف الليل جت ام سعود((جدت فدغوش)) تسحب من غرفتها معها فنجالها ودلتها بعد ما صلت الشفع والوتر..رايحتن للصالة
شافها فدغوش وقالها:بالخير يمه وش اللي مصحيتس تبين شي ؟؟!

صفطته جدته ولا عليها ووقفت قدام التلفزيون تدور لها شي؟ ... :)

قالها فدغوش: يمه علميني وش تبين وانا ادوره لتس؟؟

استمرت جدته في تطنيشها وبعد فترة التفتت عليه وقالت له فدغوش ووجع

قالها : آمري يمه

..قالت له وينه

...قالها:وشو..

.قالت له الريموت؟...

قالها : هذا هو معي.

وبحركة سريعه كبت العجيز اللي بقى بفنجالها على الجدار و بسرعة طعش كلم/ث جاوبته بالفنجال على جبهته لتخرج منها صعروره كبر قريح <===== اسمع به :D

وهي تقول له ووجعن يوجع بليسك ياهالردي يا هاللهيس الاربد اللحين تشوفني لي ساعه وانا ادور حتى ما تكلفت على نفسك تسألني وش تبين يا يمه وانا ادوره لتس :( ...

فدغوش: بس يا جدتي ....

ام سعود: اقول تلايط ولا يكثر هات الريموت :)

خذت ام سعود الريموت وتقلب في هالقناوات ...وفدغوش في نفسه يقووووول(ايييييييه يا ام سعود السن وما يسوي) :(


استمرت ام سعود في تغيير المحطات وفجأة !!

وقفت على قناة (LBC) لحضتها انبسطت ام سعود والابتسامة شاقتن وجهها من الاذن للاذن والا هي مقابلة مع الفنان الكبير (( رامي عيّاش )) اجحدها يا رم رم ...قالت ام سعود وهي تبي تطير عيونها من كثر ماهي تطالع في رامي عياش ((الا يــــــا بـــــعــــــــد عــصــاقــيــل ابــو ســعــود )) :D

زعل فدغوش وخذته الحميا وقال وانا ابو الفداغيش ما عاد الا هي يا ام سعود كله الا جدي !! ( وجه معصب)

...جاوبته ام سعود بقذيفه صاروخيه في نفس محلها السابق لتعلن بحركتها تلك عن ولادة صعرور جديد بجانب اشقاءه في جبهت فدغوش <===== من كثر الصعارير النفر عزل من جبهته وما عاد له مكان :)


انتهت المقابلة حقت نجمنا الكبير وطفت التلفزيون ام سعود ورجعت لغرفتها وسحبت الكنبل من تحت الفراش ورقدت (!!!)...:)

بينما كان فدغوش يفكر ويقول وش اللي مغيرن حال جدتي !! وفي وسط تفكيره راح في سابع نومه وما قام الا على صوت تصبيخ جدته بالغظارة وهي توضا قبل الفجر علشان تهجد

قام وتوضا وصلى الفجر ورجع وهو مشغولن باله في جدته ... ذبحه التفكير وطلع براسه نخل :)

وفي الصباااااااااح راح يم بيت(( قالط )) خويه ردت عليه ام قالط وهي تقول والله يا وليدي يا فدغوش قالط طالعن للبر..في نفس الوقت كان قالط يشر لفدغوش من فوق السطح ويحذف له الكورة :D المهم نزلوا وقاموا يطقطقون ويسولفون بنفس الوقت <====ما يوفرون وقت:) ...ما خلوا شي الا وهم مسولفين فيه حلوا قضايا الامة وحرروا فلسطين وهم يطقطقون بالكورة وفي وسط سوالفهم ولعبهم ...شافوا لهم بنتين جاياتن من بعيد كل وحدة تقول الزود عندي ...قال قالط اللي على اليسار لي قال فدغوش والله ما ياخذها الا انا ...قال قالط تعقب انا اول من شافها ..قاله فدغوش ما يصير انا اكبر منك ...قاله قالط بس انا اطول منك ...قال فدغوش :انا باخذها غصبن عنك يا الدب اصلا بالله هذا وجه تقابل فيه خلق الله اقلب وجهك بس ...قاله قالط ما عليك زود يا ولد باسكال

تلاقطوا الاثنين وتضاربوا ...وبوسط هواشهم وصراخهم قربت البنتين منهم ...كل واحد قام تعدل وتزبط ونظف نفسه وفرك عيونه والا هي مرتن كبيرة وسمينه تتدرب :(

قال فدغوش ميد قالط:انا اسف تراي مانيب اقصدك يوم اقولك هالكلام< ===== يتمصلح لان الكورة كورة قالط :)

قال قالط وبكل طيبة نفس: اقلب وجهك ومش خشمك ما فيه كورة :D

قام فدغوش زعلان ...

فكر قالط وقال يا ولد اذا راح فدغوش مع من بلعب ما فيه الا وائل ولد السورية ...فز ولحق فدغوش وهو يقول خلاص خلاص سامحتك
المهم لعبوا وانبسطوا


قال فدغوش : على فكرة يا قالط انا صار لي مع جدتي كذا وكذا((وقاله سالفة جدته امس)) وش رايك وش الدبره لازم اعرف وش اللي قالبن راس ام سعود


قال قالط راقبها وعلمني وش تسوي ابشر بسعدك

قال فدغوش تم



رجع فدغوش للبيت وبدا يراقب ام سعود وش تسوي وهو يفكر باللي قلب مخها في محاولة جادة منه في اقناعها انها لو قامت ووقعت ما راح تحصل مثل ابو سعود(جده )...طنننننننننننن طوووووون قطع حبل افكاره صوت الجرس قمز وفتح الباب والا هي:


ام محمد<====== عجوزن قشرا تاركينها عيالها ببيت رجل بنتها

ام وائل<===== سورية ناقلتن جديد عندهم

<======= لا هذا انا يا محاتسيكم :D


المهم استغرب فدغوش شكل ام محمد وهي لابسه جنز وهو يقول بنفسه((وش جاهن هالعجز وحدة تحب رامي عياش والثانية لابسه جنز من عقب الكرته ))

ولا لكم بطويلة قلطت ام محمد وام وائل عند ام سعود وقعدن يسولفن ((لو تشوفونهن وهن قاعدات كل وحدة فيهن تقل راديو خربان كل قطعة فيه تغني((اروووووح لمين ))...)) :)

المهم كانت ام وائل متسيدة القعدة وتكلمهن عن سوريا وحلاوة سوريا وطبيعه سوريا (كل هذا وفدغوش يراقب)

قاطعتها ام محمد وهي تقول: ويييييييييييييه ماهوب حنا ان تطورنا طلعنا للحديقة اللي قدام بيتنا وكلها تكارنه الا وش رايتس يا ام سعود نروح ورانا لسوريا

قالت ام سعود:بس بابا لو درى بيحرمني من المصروف ويمنعني اروح للنادي :D

هي هي هي هي هي هي هي <====== كركرة عجز بعيدن عنكون :D


قالت لهم ام وائل: المشكلة شو بدكون تؤلوا لأهاليكون

قالت ام محمد:بضحكه فيها من الخبث الشئ الكثير (سهله نقولهم انا رايحاتن نعدل سنيناتنا ) :D

لحضتها انقهر فدغوش وقال لالالا هالعجز زودوها بس قبل لا اتسرع واسوي شي خلني اسئل قالط هو صاحب الفكرة و اكيد عنده الحل ..؟


قمز فدغوش لبيت قالط ودق الجرس ردت عليه ام قالط وقالت له والله يا وليدي قالط طالعن مع ابوه يصيدون سمك :D (انواع التصريف هالعجوز:)) في نفس الوقت طلع قالط من تحت باب القراش ...وهو يقول هاه بشر وش صار على موضوع جدتك...قال فدغوش زفت وعال العال طلعن ثلاث عجز ام محمد وام وائل وجدتي وكلهن ناوياتن يسافرن لسوريا
...قال قالط :لالالا هالوضع ما ينسكت عليه ابد رح علم ابوك

انطلق فدغوش وجاء لابوه وقاله يبه جدتي بتسافر سوريا
التفت عليه الشايب وهو يطالعه من تحت النظارات وجاوبه بالكاسه اللي بيده وهو يقول اقلب وجهك انا من بعد موضوع الشغالة ماعادنيب مصدقك !!! :)


رجع فدغوش لقالط وقاله ان ابوه ما صدقه قال قالط خلالالالالاص يا فدغوش ما عاد باقي لك الا امك هي املك الوحيد...انبسط فدغوش وقال اميمتي ااااااااخ وشلون راحت عن بالي...انطلق يم امه وهو وفرحان ومبسوط وكله ثقة انها هي اللي بتحلها


دخل عليها وقالها :يمااااااااااه تري جدتي تبي تسافر سوريا

التفت عليه امه ووحذفت عليه الريموت لتكمل علامة الالومبياد في جبهت فدغوش :D

بس تدرون فدغوش ما انقهر من حذفة الريموت على جبهته اللي قهر فدغوش وفقع مرارته
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
ان امه كانت تتابع مقابلة لــــ ( وائل كفوري )

تهئ تهئ تهئ تهئ تهئ


http://www.sh3byat.com/home/eqla3/ww...cons/icon4.gif

http://www.sh3byat.com/home/eqla3/ww...cons/icon4.gif




على فكرة وقبل قرأة الموضوع تروا الموضوع طويل فراعين الاشتراكات يفصلونها قبل يقرون الموضوع وشكرن <==== بدري :D

.






http://www.eqla3.com/marjoj/picture/...aneya-9890.jpg

الله يقلع شيطانك يا ثامر ،،، والله اني احوّص عن هالموضوع مابي اقراه ,,, طويل ويبي من يقطع الاتصال ،،، كلما دخلت قلت قبل ما اطلع اقطع الاتصال واقراه ،،،، وقطعته امس واثري ما فتحت الموضوع وعيّا يشبك الاتصال ،،
وكتب الله ودخلت هالصبحيّة وفتحته ونسيت اققطع الاتصال ولا تذكرت لين شفت تحذيرك المنكوس ،،، حطه فوق خل الناس تشوفه يا ثامر غشّاش ( على وزن رامي عيّاش )


.


.


موضوع مقلع تحسفت على اني كم يوم اشوفه ما قريته ولو قريته ما فهمته ولو فهمته حفظته ولو حفظته ما نسيته ولو نسيته ما ذكرته ولو ذكرته <<<<<<<< انهبل من زين الموضوع


شكرا لك من الاعماق اخي الغالي

اخوك بونوت