تغيرت كل الجمل والمفاهيم..!!
يا [صاحبي ] ماعاد فيها " طراوه " دنيا تجيب الهم / والحزن / والضيم الله يسقي صف أول .. " فهاوه "!! ايام .. [أجمل شي] نلعب تحت ديم نزعل .. ونرضى .. والحنايا [ نقاوه] مانعرف اش معنى الرسّم والملازيم! واليوم شفنا .. مابقى الا الشقاوه ! تغيرت كل [ الجمل ] .. [ والمفاهيم ] ضعنا .. وضاعت كل ذيك "الهداوه" وكلٍ على ليلاه .. "غنى" ترانيم ..!! ما قلتك لك: شفنا فقدنا " النداوه " حتى [الهوى والريم] ماعادت الريم!! يوم اشعلت شمع الغياب .. ابحفاوه يوم " افلحت "وانا سواة المعازيم !! تطبعت .. من وقتها .. " بالقساوه " وأنا على ما صار .. ما عاد اباهيم ! كنها عطتني جرح وتقول: " خاوه" مالك جدى قد هو على كبدك مقيم!! قد قلت لك: ما عاد فيها .. علاوه ..!! ما عاد تسوى في عيوني .. [ملاليم] زمان .. كان اكبر طموحي " حلاوه " اليوم/شبحي كيف ابرقى على الغيم! . . . عبدالرحمٰن آل مِغْني ،، |
رد : تغيرت كل الجمل والمفاهيم..!!
الله عليك يا شاعرنا ...
إبداع وتحليق في عنان الروعة .. لافض فوك . |
رد : تغيرت كل الجمل والمفاهيم..!!
ايو الله انك صادق ..
قصيدة راقت لي كثيرا وقرأتها أكثر من مره ولم أرتوي منها بعْد !! |
رد : تغيرت كل الجمل والمفاهيم..!!
زمان كان اكبر طموحي حلاوه
اليوم شبحي كيف ابرقى على الغيم احييك على هذا الابداع وصح السانك |
الوقت المعتمد في المنتدى بتوقيت جرينتش +4.
الوقت الان » 20:16. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع