يا [صاحبي ] ماعاد فيها " طراوه "
دنيا تجيب الهم / والحزن / والضيم

الله يسقي صف أول .. " فهاوه "!!
ايام .. [أجمل شي] نلعب تحت ديم

نزعل .. ونرضى .. والحنايا [ نقاوه]
مانعرف اش معنى الرسّم والملازيم!

واليوم شفنا .. مابقى الا الشقاوه !
تغيرت كل [ الجمل ] .. [ والمفاهيم ]

ضعنا .. وضاعت كل ذيك "الهداوه"
وكلٍ على ليلاه .. "غنى" ترانيم ..!!

ما قلتك لك: شفنا فقدنا " النداوه "
حتى [الهوى والريم] ماعادت الريم!!

يوم اشعلت شمع الغياب .. ابحفاوه
يوم " افلحت "وانا سواة المعازيم !!

تطبعت .. من وقتها .. " بالقساوه "
وأنا على ما صار .. ما عاد اباهيم !

كنها عطتني جرح وتقول: " خاوه"
مالك جدى قد هو على كبدك مقيم!!

قد قلت لك: ما عاد فيها .. علاوه ..!!
ما عاد تسوى في عيوني .. [ملاليم]

زمان .. كان اكبر طموحي " حلاوه "
اليوم/شبحي كيف ابرقى على الغيم!

.
.
.

عبدالرحمٰن آل مِغْني ،،