احسب اني لاهل حايل ما رميت عقالي = احسبه من فوق راسي واثرني راميه
احسب ما غير قلبي طاح لاجل الغالي = واكتشفت ان كل شي طاح له يغليه
لعنبوها يا عويد والدروب طوالي = بين عِبل وبين حايل ليلها ساريه
والبلاء في صورته لا جات عالتمثالي = تستلج افكار راسي من سمو التيه
واتشخص بالمرايه واحسبنه قبالي = واتبسم واتغنى وازهمه وادعيه
بنت عود لابته دايم ترد التالي = زاهب للموت والله لو درى واليه
بس فتنتها تجنني وتبري حالي = شاعره من نسل شاعر والعرب تطريه
تحمل الابيات يمي موجة الارسالي = واتغنى في بيوته والعمر يفديه
ودي اوصف حلاها بس هاك ريالي = والله ان الوصف عاجز ماقدر يوفيه
والله انه لو لمحها بن بديع قالي = يخبر بيوت القصايد كان ما هي فيه
وان شكينا يا عويد من لهوب الصالي = فاعرف اني يا عويد ما قدرت اجيه
ودي بشورك عساك لعقدتي حلالي = واش تقول اطبع قراره او تقول امحيه؟؟؟

جزله وطرق جزل من راس جزل
صح فكرك يايحي

الرسالة الأصلية كتبت بواسطة علي التركي (مشاركة 322367) يا سلاااااااام صح لسانك يا يحيى ولا يجي منك الا الجزل

الرسالة الأصلية كتبت بواسطة محمد الدحيمي (مشاركة 322389) جزله وطرق جزل من راس جزل صح فكرك يايحي