ياعمري والشتا ليله طويل يـكّـدر المحزون = على شاني يــ لو مافيك برد إلحق تدّفـابي
ذبحك البعد..يبست من مطالع هالغياب عيون = قسم بالله .. من لحظــــة وداعك الله ادرابي
تغيب وينطعن طهر الليالي..والجروح تمون = تغيب وكن احبابي مــ مهم لاغبت ..احبابي:
يذل العصر عصفوره .. وتيبس مورقـات غصون = وتستوطن ضلوعي اهتيـــن تبين بــ اهدابي
أحبك .. لعنبو مجنى غيابك وافتكر وشلـون = أبتخيــــل بشوفك كيف اعيّد واطلق اسرابي
تحرفنت العناد ولادريت انه .. هو الملعون = تمدنت الغياب وصرت انا من بعــدك اعرابي
تصحويت السهر .. ألين صرت بهالسهر مجنون = لأنه هو تهقــــوابي وليتـه ماتهقـــوابي
يـ مسلم .. ياعشيري .. يالحبيب .. القاسي .. المزيون = دخيلك عـّود لبيتٍ بــــه همومــــي تسلاّبي
أدوّر ملح بغيابك ويرجع هالنظــــر مغبون = وآطالع وانبهت وآآآمووت والجاني بي ثيابي
أرتّب زفرة انفاسي قهر وآطلــّــع المكنون = كأن مابين أصباعي ــ قسم بالله ــ أعصـابي
أصيحك. واجمعك. وآرتبك. واتخيلك: مليون: = يــ غيّابي يــ غيّابي يــ غيّابي يــ غيّابي
حراام اللي يصير اني فأرضي مغترب بالكون = أشوف الناس ماااهم ناس ولا ترابي هو ترابي
يــ عمري ليه تتركني على جال الارق مركون = تخلّي هالطفش ياشين بعـــــد غيابك اولابي
وانا قلبي كما الاطفال ينـسى مابه من طعون = حَسَب جرحك من العابه ونادى: عطنـي العابي
ايهيجن لك غلا. والحب اعمى .والعتب مدفون = تعال شوي .. شوف الحزن ياظالم شــ سوابي
عجزت اتخيل غيابك .. حرام تفّــلني هلون = تخليني وحيـــد وكــــل هاجـــوسٍ تمخلابي
مدام ان السلام بنظرة امريكاهو لــ شارون = تبيني بعد هذا ماصير بعيــنك ارهابي؟؟؟؟
على شاني حبيبي اكذب وقول : الشتا ملعون = وعلى شاني يلو مافيك برد إلحـــق تـذّفابي