حبـال الصـد
 

[poet font="Simplified Arabic,5,white,normal,normal" bkcolor="" bkimage="http://www.shojoon.org/album/bg2/shojoon1380.jpg" border="ridge,4,firebrick" type=2 line=200% align=center use=ex length=0 char="" num="0,black" filter=" shadow(color=,direction=135)"]

......... حبـال الصـد .........

مطايا المحبه ضامها السير فـي رمضـاك = طريقك طويل وصدك يزيـد مـن طولـه
يعنّـي سماريهـا المشـي ودهـا تلقـاك = على درب عذر ٍ منك ما قـدرت تنولـه
تحرتك تمطر وصـل وتعـلك وتـرواك = ونوّختهـا فـي واهـج القيـض معقولـه
قطع كبدها حادي الضما يا الشحيح بماك =ولفـح الجفـا طـالت ليـاليه وفـصـوله
بغت تعتذر لك منك عن صدك وجفـواك= تحمل الخطا عنك ولا هي بمـسـئـوله!!
وصـديتها والصـد في عين من يهـواك = فـرى جـوفه بخنجر من الغـبن مصقوله
بعـد جـريها لك يا المقفـي بـوقع خطاك = علي انكفـت من لطمة الصـد مـذهولـه
وشكت لي وبكّـت ساجعات ٍ بغصن الراك = بكت يـوم طاحت بـَكْـرَة الحب مقتـوله
بعد كل ذا تجزانـي الصـد يـا مااقـواك = بعـد كـل ذا نيتـك للحـين مجهـولـه
انا لو بغيت اجزي بفعلـك فانـا بجـزاك = بصـد ٍ ومـدات ٍ شحيحـه ومغلـولـه
ولا ني بناشد ليه صديـت ولا اش جـاك =كفاني حبال الصـد بايديـك مفـتـولـه
تعبت ازعِل الدنيا وانا ما كسبت رضـاك = تعبت اغفـر ذنوبـك بكلمـات معسـولـه
مدام انك تبـذر صـد فاللي نبت فرقـاك = الا شين بذر الصـد لا بان محصـولـه
تبا تجني الفرقا فـراس الوصل يفـداك = وشـي استحي منـه لعـينـاك باقـولـه
اذا ما انت تبغاني فانا اقـول لك ما ابغـاك = ومواثيق حبـك عنـدي اليـوم محلولـه
وكانك على عهدي فحيـاك عـد خطـاك =تعال اشرح الهجران والصد وش هو له ؟
وانا لك علي أجفاك يا صاحبي وأنسـاك = إلا إذا أعــذارك سـمينه ومـقبـولـه


[/poet]