شعبيات - دربي ..

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - دربي .. (http://www.sh3byat.com/vb//showthread.php?t=20013)

السسلآم عليكم ورحمة اللهـ وبركآته ...

يآليل كن نومي يبي يخسّرك شي
وكنك تبي تسمع من الدمع قصة

محدن على شآني يبي يأخّر الضي
ولحدن يبي همي لـ همه يرصه

ي ضلوعي اللي جآفلآت(ن) من الكي
كلن أكل من طعن شلفآهـ ..حصة

حتى القريب اللي عطيته خوآفيّ
مآعاد عندي دم بآقي يمـصه

ي رموش عيني.. وين أبلقآلتس الفي
ويا وين أبلقى لقمة(ن) دون غصه

ويآ بيت شعري .. دآمني شآعر(ن) عي
أمنين أبلقآ مكرفون و منصه

الله على الدنيآ وأناأخوك يا خَي ّ
حزني ضغط عرق الصبر لين قصه

أتوب .. وأصلح .. وأنـتكس وأفرك يديّ
عزي لحآل أللي فقد مآ يخصه

يآطول دربي .. لآ ويآ ضعف رجليّ
لو كآن نصهـ رآح ..\.. ياطول نـصه

يا ليل حن .. و بَق ْ لي منــّك شوي
ومخدتي تعطيك .. للدمع قصة

وسلآمتكمــ

رد : دربي ..

هُنا شاعريه عذبه ..تحاكي "الجمال"

عبد الله الحربي
صح نبضك ودمت برونق عذوبتك

رد : دربي ..

عبدالله الحربي ..
شكرا على الابداع
الذي يستحق الاعجاب

رد : دربي ..

صح لسانك يا عبدالله
نص جميل وبدايه جميله
مزيدا من الشعر والتميز
ودي واحترامي

رد : دربي ..

يآطول دربي .. لآ ويآ ضعف رجليّ
لو كآن نصهـ رآح ..\.. ياطول نـصه

اخوي عبد الله
الله يعطيك العافيه
ما ادري وش اقوول
بس والله نص جميل
تبرج بالحزن والتأمل

تقبل تقديري واعجابي

رد : دربي ..

ويآ بيت شعري .. دآمني شآعرٍ عي
أمنين أبلقـآ مـكرفـون و مـنصه

عبدالله الحربي
هنا لك المايك متى ما رغبت
وهنا منصتك وجمهورك النخبة
فلا تبتعد كثيرا
سلم نبضك

رد : دربي ..

,,,

يآليل كن نومي يبي يخسّرك شي
وكنك تبي تسمع من الدمع قصة

مطلع من خلف قضبان السهر ,, ردده المظلوم للظالم
فعلا الليل ظالم لا يسمع الا البكاء ,,,

عبد الله الحربي ,,

نص في القمه ,, وراءه شاعر متمكن
تحياتي

رد : دربي ..

عبداللهـ الحربي

صح الله لسانك ..

كم أعجبني هذا النص يا صاحبي ..

تسلسل وتناغم مابين الابيات سردتها بطريقتك الجميلة هنا ..

دمت ودام عطاءك ..

كل الود