على بلاطه .. تبـيـن العلم ياغزه ؟؟
يمكن تساعدك اهل الكفر والمنكر

قولي لــلاطـفال .. لاتـعـجـبــهـم الــرزه
ترى العرب حدها تشجب وتستنكر

الـواقــع المــر .. لـكـن .. لله العـزه
هذا هو الواقع ودجال .. من انكر

وش فادكم تدمير برج التجاره ؟؟
حققتو الفرصه .. لمن كان محتاج

ماهي خساره ، والله اكبر خساره
مليون مسلم راح .. مقابل ابراج

مات الامل في صدر الاشواق مخنوق
ضيقتها .. ضاقت عليك الـوسيـعـــه

ماهو خطاك انك تحـدرت من فـوق
خطاي انا .. رفعـت نـاس ٍ وضيـعــه

رساله لاصحاب :chainsaw: الهياط

الهياط بهالزمن .. وصل لأصعب حاله :139:
خف ياللي ، وصفك لنفسك بحاجة ليزر

لو ابرمج ، ماتقوله .. وادخله ، في آله
واضغط انتر ، راح تطبع صورة قرينديزر:grins:

(بعض الحروف اسيوف تذبح بلا حد)
وجــروحــهـا .. مـاهي جــروح ٍ طـفيـفــه

كانك على قولك على البعد منحد
ارحل .. وصفحة ذكرياتك .. نظيفه

لاشفتها ازعل على الرمش لارف
احس هالفـرصه عليه .. حرقهاا

واللـــه فلا لي بالهوى بعدها شف
وبنات حواء كـن ماللـه .. خلقها

واذكر غلاك اللي على قتله اشرفت
اليا دارت وجيه التصنع .. ظهــرهاا

لو شافت عيونك من الهجر ماشفت
مبطي عيوني اقلعت .. عـن سهــرهـا

اتـرك الغـيره .. تـرى مـالك شـريـك
اصطبح ، واسمع ، وعد ، ولاتدقق

في غـلاك الـلي سبـقـني .. والديك
كان حلمك خافقي : حلمك تحقق

ماتشيل الراسيات .. الرحل المتجوله
الخفيف بس لاهبت عليه الريح راح

ادر ياللي يعجبك لا قيل راع الاوله
ان راع الاوله وحده .. بلال ابن رباح

اللي تربى .. من مربي .. مثالي
فيه الخصال الطيبة امر مألوف

والا الضعوف .. بحاجة ٍ للتعالي
لانهم اصلاً من الداخل ضعوف

لاتسولف عن جميل احدن قبل يتجمل
ولا تصدق هرجةاللي .. بالذنوب يجاهر

وانت بشراك الفلس يا حضرة المتأمل
مستحيل الفار تلقا فيه .. فار ٍ طاهر

في زمان الطهبله ماعاد للابداع .. دور
صار صعب تفرق الشاعر .. من الطقاقه

لاتحسب الشعر ماواجه مصير الدينصور
انقرض .. مدري بقى وانقرضو الذواقه

لـولا .. طـهـارة نــيــتي . . مـاتـألمـت
هي غلطتي .. ولاانت مسئول عنها

هي السبب والله ولاغيرها .. لمت
اغلب جروح ٍ صابت القلب منها

عـلى كـثـــر نكـبـاتـهـاا . . مــاتعلمت
شفني لهالحيـنـه وانـا ادفـع .. ثمـنـهاا

ياصاحبي ماعندي ابلغ من الصمت
بـيض النوايا . . يـررحم اللـه زمنهاا

ركاب العزايم ماعليها من الــ هو هو
ونعمه من الله فقد من فقده .. يربح

تجله تحشمه تكرمه الردي هو هو
تمسيه بالجزله .. على الهزله يصبح

والله اني مالقيت اصدق .. من العفويه
والصراحه مكلفه .. لكن .. تريح بالي

عشرتن ماهي على وضح النقا .. ملويه
جـو .. ماتـرتاح له نفسي .. ولا يحـلالي

ومع سواد قلوبكم .. تبا .. لحسن النيه
كان ردت للكاعه .. يصعب استـغـفالي

بس ، ماعودتها مبطي .. على الدونيـه
القمم تروق لي .. واللي يبي .. يرقالي