ما تشين الا تزين وما تضيق الا وتفرج
العباد تصك باب ويفتح الله الف باب

نعلم الظاهـر ، ولا نعلم اللـي بالصدور
النـوايـا ، الخـافيات ، العليم ، ادرابـها

من تلمس في يدينه وش اللي بالجحور
لا يـلــوم الـلــي بكـفــه . . تـغــرز انـيابـها

لــولا . . طـهـارة نــيــتي . . مــاتـألمـت
هي غلطتي .. ولاانت مسؤول عنها

ياصاحبي ماعندي ابلغ من الصمت
بـيض النوايـا يـررحم اللـه . . زمنهاا

ينبي الحاضر .. بمستقبل مخيف
القيم بالمجتمع صارت .. خرافه

التنافس صار ، بالعقل الخفيف
والفخـر .. للي يبرهن .. انحرافه

لا عجب بالمركز الثاني سخيف
طالما الاول .. لمن اكثر سخافه

لو شافت عيونك من الهجر ماشفت
مبطي عيوني اقلعت .. عن سهــرهـا

وش ذنب قلبي يوم حبك قمت تتغلاعليه
يكون في علمك . ترا عقلي لهالحينة معي

الحر .. ممكن تملكينه .. بس لاتستعبديه
استعبديلك واحدٍ يشبه "ذوات الاربعي"

انت قربك امان .. وانت اكبر خطر
ان تولعت فيك ، اخاف عني تتوب

مثل من تنقذه ، قطعة جليد فـ ـبحر
فوقها ينتظر في اي لحظه .. تذوب

خل عنك المعنى .. للشقاء والسهر
العنا فيه .. تخفيف ٍ لبعض الذنوب

اعــز خـلق اللــه . . تحضـنـهــم الـقـاع
وعن وصلهم من يوم مالارض حالت

مـا عـاد بــه هـم ٍ . . يـخـليـني الـتـاع
وش عاد لو صكات بقعا .. توالت

ضحكٍ تشوفه لايغرك صناعي
الويل خلف الضحكه المسفهله

تقدر تقول انه : مجرد مساعي
في وجه سـاعات الشتاء الممله

السعيد: اللي مسح دمعة يتيم
والشقي .. اللي تسبب وسفكه

واللي اسوء حال من حال العقيم
من وهب له خلفه .. بدون بركه

تدرين يادار الفخر .. منهو يـبي عـزك يـدوم ؟؟
اللي ليا شاف الخطاء .. يـستـنـكـره .. ويـعــيـبـه

واللي عليك اكثر خطر حتى واشد من الخصوم
من يـمـتـدح ثوب الردى .. ويــبـخره .. ويـطيــبــه

ياللي لحـل المعضله .. وصلت لحـدود النجــوم
تـرى العلوم .. اللي تحـل المعضلات .. قـريـبــه

علم ٍ يـحـل المعضلـه .. قـدامـه الصعب مـهــزوم
ويـعـمـــر .. الـمـتـهالـكــه .. ويـربي .. الـمـتـسيــبــه

علم ٍ نـثـره المصطفى .. اخـيـر مــن كـل العلوم
ماهوب خافي .. انما .. عـنــه العـقــول مـغــيــبـــه

هذا الوكاد.. ولو لحقني من بعض ماقلت لوم
وعلي .. لو بعض النفوس اتصير ماهي طيـبه

سيان .. ماعودتها مبطي على حب الخشوم
من هاب كلمة حق .. ياعـل الكريم يـخـيـبــه

والعشره اللي من المفروض صعب تخرب
مـاهي بصعبـه .. مـادام النيـه .. مبـيـتـه

ماراح يصعب على البايع يلاقي سبب
يزعل على صاحبـه مـن لـون "طاقيتـه"

وانا بعيني عزيز النفس .. يسوى عرب
افـعـالـــه الطـيــبـــه .. مقياس شخصيــتـــه

وردي الافعال .. لو كانه مردد نسب
عــنـدي لـك الله .. فــلا زادت اهمـيـتــــه

واللي يحسب الرجوله ..ترتبط بالشنب
هـذا على ( صاحبه ) غطت حموريــتــه