|
رحلة مقناص في تنزانيا
بسم الله الرحمن الرحيم السلام عليكم ورحمة الله وبركاته في البدايه احب ابارك لمنتدى شعبيات افتتاح منتدى الرحلات البريه والسياحه والصيدtsh3 وبسم الله نستفتح بهاالمقناص :55: وهو مقناص لدوله تنزانيا اول شي ودي اتكلم عن بداية الرحلة الى الصراحه كان ينقصها من الاستعداد الشي الكثير :D لكن بفضل من الله وباالاستعانه ببعض الاخوان الى سبقونا للمقناص بكم شهر تستهلت الامور ولله الحمد وبداية الرحله الفعليه كانت بستخراج الفيزه الى ماصدرت الى قبل الرحله بسويعات :D ولتسهيل استخراج :thumb: الفيزا تحتاج الى شخص كفيل في تنزانيا وعنوانه وترسل له صورة من جواز السفر ملون والملطوب في السفاره التنازينه بالسعوديه هو جواز السفر وصورتين وتعبي عندهم نموذج بنفس السفاره وبصراحه تعاملهم في السفاره كان جدا ممتاز حتى ان دخلنا على القنصل او مدري السفير حقهم وقلنا له طيارتنا باتسر وماقصر الشقردي قال ازهلوها مالكم الى طيبة الخاطر ( طبعا بلغتهم ):D وبعد ذلك انطلقا من مطار الملك خالد الى الشارقه على متن الخطوط العربيه وكانت قيمة التذكره 1200 ريال بتاريخ 26- 12-1427 هـ http://www.alganasah.com/test/up/ar/DSC00003.jpg وبعد ذلك توجهنا من مطار الشارقه الى مطار دبي الدولي http://www.alganasah.com/test/up/ar/DSC00014.jpg وكانت الرحلة على متن الخطوط الامارتيه ( دبي – دار السلام) كانت ب 2300 ريال وبعد الوصل بحمد لله الى دار السلام تم التوجه الى منطقة الصيد والى كانت تبعد تقريبا 600 كلم عن المطار ( 200 كلم منها طرق معبده):rolleyes: http://www.alganasah.com/test/up/ar/DSC00073.JPG وبعد ذلك استقلينا العباره الى تقطع نهر كولمبور :) http://www.alganasah.com/test/up/ar/DSC00179.jpg وطبعا أي رحلة من هالنوع لا تخلو من المصاعب وهنا كانت إحداها:p وهي بصراحه تعتبر ملح الطلعة لما تتركة من ذكريات لا تنسى http://www.alganasah.com/test/up/ar/DSC00186.jpg وتم اخراج الموتر بسلام ( يمالكم من التغاريز ) :D وكملنا خط سيرنا http://www.alganasah.com/test/up/ar/DSC00198.jpg ونطب مع هاك التلعه والى وش تشوف:eek: شعيب يقلب اللهم ياكافي:D والمشكله ان منطقة الصيد والمخيم عقب هالشعيب بتقريبا 5 كلم ومافي طريق الى تقطع هالشعيب:cool: http://www.alganasah.com/test/up/ar/DSC00208.jpg طبعن شفنا الشباب تسنهم بيطولون شوي ونزل عزبة القهوه :D |
رد : رحلة مقناص في تنزانيا
http://www.alganasah.com/test/up/ar/DSC00216.jpg واخر شي فوض امره لله وقرر انه يقطع :p طبعا حنا نزلنا على رجلينا وخذنا الجوزات وقلنا نحتريك عند الطفة الاخرى:D يقولون الاولين ( من خاف سلم):D http://www.alganasah.com/test/up/ar/DSC00230.jpg يلاحظ رفع الماء وقوته ( بس الله سلم):o ووصلنا بفضل الله للمخيم وريحنا شوي http://www.alganasah.com/test/up/ar/DSC00239.jpg وبعد ذلك خذنا لنا لفه واليكم هذه الصوره الى سمينها الصورة الصمانيه :D http://www.alganasah.com/test/up/ar/DSC00249.jpg عاد تخيلوا هالشجر الى ورا انه سدر :D وكانوا الشباب معزمين على القنص رغم التعب يومينالنوم لساعات قليه لكن مع ساعة الصدر كلش يهون والحمد لله وفقنا ب 3 غزلان وكم ارنب وكم طائر حبش:) http://www.alganasah.com/test/up/ar/DSC00259.jpg تغريزه واستعراض بعض الصيد:D http://www.alganasah.com/test/up/ar/DSC00270.jpg وبصراحه كانت الاجواء خلابه وتشرح الصدر حتى لو مافيه صيد:cool: مااستثناء وجود ذبانه التسي تسي المروحه والنامسhttp://www.asmilies.com/smiliespic/sad/004.gif بس عاد نامس عندهم غير شكل والى الذبانه يالله توقاء عنها بفروه:D لان حتى الملابس ماتردها وتقرص من فوقها :p وحتى البخاخات ماتنفع مع الذبانه بعكس النامس الى فيه طب شوي نتركم مع لحظة تأمل:rolleyes: http://www.alganasah.com/test/up/ar/DSC00032.jpg http://www.alganasah.com/test/up/ar/DSC00035.jpg واتمنى مااكون ثقلت او طولت عليكم http://www.asmilies.com/smiliespic/love/073.gif ونكتفي بهذا القدر وانتظرونا في الجزء الثاني من رحلة تنزانيا لااوخر عام 1427هـ وتحيتي وتقديري لجميع من مر من هنا ::heart:: |
رد : رحلة مقناص في تنزانيا
إقتباس:
يووووه هذي مشكلة وين نجيب كفيل هذي اللي بتكسر خشم المتغطرسين عندنا :D والتذكره رخيصه صراحه بس على اي خطوط ؟ وش العربية مااعرفها الطبيعه خرافيه مثل افلام السينما لكن احس الأكل عندهم صعب لو باروح باعيش على معلبات تسلم يامقدور رائع بصراحه لا من ناحية الصور ولا من ناحية التعليقات المقلعه والف مبروك على الأشراف تستاهل ::heart:::55: |
رد : رحلة مقناص في تنزانيا
عنود
ههههههههههههه ايه ولازم تختار المهنه :p انا اخترت نجار مسلح :D بالنسبه للكفيل هي للتسريع بس بحيث انه يصير فيه شخص هناك يقدرون يتصلون به لو صار اي حادث لا قدر الله وماهي ضروريه طبعا الخطوط العربيه = خطوط اماراتيه مقرها الرئيسي بالشارقه وبالنسبه الاكل لا تزملين ابد في شحم كل وقت ظبي وكل يوم نوع جديد وشاكر لك هالحضور المبكر اختي عنود والله يبارك بعمرك يارب وترا نطلبك بموضوع ولا تاخرين علينا لو مكشات في مزرعه :D |
رد : رحلة مقناص في تنزانيا
مقدور ربي يقدرك على الخير دايم انشاء الله مبرووووك علينا انت http://www.sh3byat.com/vb/images/icons/damn.gif وان شاء الله منها لأعلى .. الصور ماهي طبيعية .. أمتع مافي الصور انها رحلة حقيقية فنستمتع أكثر خاصة .. http://www.alganasah.com/test/up/ar/DSC00249.jpg آمانه؟ الرحلات أمتع هذي.. أو صيد الجرابيع في البرّ عندنا ؟؟:D مشكوووور عل روحك الحلوة tsh1 وعلى مشاركتك الرائعة http://www.sh3byat.com/vb/images/icons/damn.gif |
رد : رحلة مقناص في تنزانيا
الجازي
الله يبارك بعمرك يارب واكيد لنا الشرف بالانضمام لهاالنخبه الرائعه والله يقدرنا على تبيض الوجه إقتباس:
ههههههههههههههههه لا تقولينه والله يالجرابيع لها خرمه وشاكر لك اختي الجازي تواجدك وتشريفك للموضوع |
رد : رحلة مقناص في تنزانيا
نوره العجمي
ياهلا والله ومرحبا بشاعرتنا المتالقه وترا موضح انها قال ازهلوها او انه قال ارقد وامن منب متاكد بالضبط :D بس انه سفير يبرد الكبد وراعي فزعه :biggrin: إقتباس:
إقتباس:
والله كلها وارد وسبق في هالروحه 3 مرات الى تجي الاسود حول المخيم ومره دخلت بس كلها خفايف تاخذ من اللحم وتوكل :biggrin: ماطمعت في الشهبان:biggrin: والله يطول بعمرك يارب وابشري ان شاء الله وبالنسبه للمشاركه فاانتي منتب معذوره البته البته :biggrin: يعني مو شرط كشتات لو مقانيض بناتيه :biggrin: وطبعا القسم يانوره مثل مايختص بالكشتات والمقانيص ايضا يهتم بالرحلات والسياحه الداخليه والخارجيه واكيد بنتظارك ونتشوق لاابدعاتك وتواجدك معنا ولكي احترامي وتقديري |
رد : رحلة مقناص في تنزانيا
حلو يا مقدور .. قصدي الموضوع الـ حلو ..
وألف مبروك الإشراف .. منزل مبارك .. تقطعه بالعافية .. الله يقويك .. صباح الخير .. مع السلامة .. ولو دريت انه الصور فيها دم ما جيت .. << مررررررررررررره رقيقه .. الموهم حبينا نبارك ونشارك ونقول الحمدلله على سلامتكم .. |
رد : رحلة مقناص في تنزانيا
الله يحلي ايامك اختي وشاعرتنا منهي القريش
والله يبارك بعمرك يارب وابشري المره المقبله بنطلع رحله لصيد الفراشات :d وشاكر لك اختي منتهى القريش حضورك وتواجدك:008: |
رد : رحلة مقناص في تنزانيا
يا مرحبا يا مرحبا يا مقدور
رحله ممتعه نحسدك عليها وتقرير وافي وشامل حتى ادق التفاصيل عندي سؤلين ثلاثه اذا سمحتي لي طبعا الغزال ايش سويتيو فيه ؟ يعني شويتوه على جنب وسويت، زر على جنب والا كيف اكلتوه ؟ يهمننننننني الموضوع مره ارجوك الدقه في الاجابه وياليت شويه تفاصيل عن الطعم مين الي كان يسوق ؟ من اهل البلد والا خويكم ؟ واذا خويكم كيف يدل؟ يعني راح من قبل ؟ بصراحه السؤال الاول يهمني اكثر من الثاني الثاني لقافه بس ودي اعرف :) هلا بك مليار منور وفي انتظار اجاباتك |
رد : رحلة مقناص في تنزانيا
ياهلا ومرحبا بااخوي فيصل بن خالد إقتباس:
إقتباس:
هذا الشوي الا صرنا بعيد عن المخيم  وهذي الكبسه الي مهنا غناة عنها :D  وهذي حميسة الفطور  وبالنسبه للطعم غالبا الغزلان والصيد بوجه عام يختلف طعمه على حسب طبيعة الاعشاب الى يرعاها فاان الى جربت غزال مصر والسودان متقارب بالطعم ويطعم فيه العرفج والرمث غزال جنوب افريقيا يختلف عن طعم تنزانيا يعني دائما طبيعة الرعي تفرق في طعم الصيد إقتباس:
وابد ياخالي الا صار فيه شي يبي توضيح اكثر اذكر وشو وابشر به :55: |
| الوقت المعتمد في المنتدى بتوقيت جرينتش +4.
الوقت الان » 06:11. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع