شعبيات - عطني كلمة وخذلك بيـت

الصفحة رقم 1 من 7

الأخيرة »

عرض 40 مشاركات من هذا الموضوع في صفحة مستقلة

شعبيات (http://www.sh3byat.com/vb//index.php)

- الديوانية (http://www.sh3byat.com/vb//forumdisplay.php?f=21)

- - عطني كلمة وخذلك بيـت (http://www.sh3byat.com/vb//showthread.php?t=7873)

متعب الخامسي

13-05-2004 05:01

عطني كلمة وخذلك بيـت

اسعد الله اوقاتكم با الخير

قريت موضوع في إحدى المنتديات وجازلي وسويت له بعض التعديلات وحبيت اطرحه عليكم

فكرته بكل بساطه اني اعطي كلمة والي بعدي يجيب بيت او اكثر حول الكلمة او معناها والي يكتب الابيات يكتب بعدها الكلمة الي تطري عليه

وياليت يكتب تحتها اسم الشاعر...

للتوضيح بطّرح بعض الأمثلة

مثل" (( العذال ))

في هرجة الناس والعذال لاتهتم
....................لوهم يحسون فينا ماحكوا فينا

اسير الشوق

ومثال ثاني (( الصبر ))

مليت صبري في رجاء كلمة " منك
...................... كني سجين " ينتضر حكم الافراج

متعب الخامسي :)

هذي الامثله الي طرة لي وانا اكتب الموضوع وغيرها الكثير

اتمنى إن الموضوع يجد القبول لديكم

الكلمة المطروحه (( الحب ))

لكم مني كل الحب والتقدير

راعبية

13-05-2004 06:06

رد : عطني كلمة وخذلك بيـت

صباح الخير موضوع مرة رائع

وهذا البيت

الحب تدري ماهو بيدي سيدك تراه الهوا وسيدي

اسير الشوق

الكلمه هي "الوفاء"

راعبية

نمرالعتيبي

13-05-2004 18:46

رد : عطني كلمة وخذلك بيـت

الاخ متعب هلا والله وغلا

وعساك على القوه اختي الراعبيه لك هالبيت المتواضع

العفو لا تفهميني بألغلط يالهنوف
000000000000ترى الوفاء والكرم والطيب هي منبعي

لك اعذب وارق تحيه

من اخوك نمر العتيبي

ا(((((((((((((( ا لـــــغــــــدر )))))))))))))))

عبدالرحمن الربيّع

14-05-2004 03:42

رد : عطني كلمة وخذلك بيـت

متعب الخامسي ..

صباح الخير يالغالي ..

والله مواضيعك حلوة مثلك يابعدي ..

واستلم ياخوي نمر العتيبي ...

الصبر
من وين انا القى الصبر

الغدر
وش لون جااااااا منها الغدر

من اغنية عبادي الجوهر (( الصبر ))

>>>>>>>>>الدموع<<<<<<<<<< :(

راعبية

14-05-2004 17:55

رد : عطني كلمة وخذلك بيـت

مرحبا مره ثانيه

الدموع:

تحسبني عنك يا صاحبي سالي ****** شف دموع العين ما وقف ساكبها

صراحه انا ما اعرف لمين بس ابو نوره غناها

الكلمه هي (حبيبي)

راعبيـــــــــــــــــــــة

عبدالرحمن الربيّع

15-05-2004 00:37

رد : عطني كلمة وخذلك بيـت

.
.
.
.
حبيبي ...

.
.
.
.

حبيبي لا دريت أنه حبيبي
......................................دريت اني حظيظ وزان بالي

لخالد لفيصل ...

.
.
.
.

>>>>>>>>>>> الفراق <<<<<<<<<<<<

ابراهيم الرشود

15-05-2004 02:36

رد : عطني كلمة وخذلك بيـت

ثلاث أسابيع ... وفراقك نسى بعضه ...
........................... وأنا على الدرب وأحزني هي أحزاني !!

إبراهيم الرشود

الكلمه : (( العفو)) __ المرادفه للسماح ..

متعب الخامسي

15-05-2004 05:48

رد : عطني كلمة وخذلك بيـت

راعبية

نمرالعتيبي

عبدالرحمن الربيّع

ابراهيم الرشود

صبحكم با الخير نور الموضوع بتواجدكم وتشريفكم

يعطيكم العافيه

((العفو ))

ان جيت ابى حاجة عزّت مطالبها

.....................................((العفو)) ما واحد فى الناس ياوالى

قوم الى جيتها رفت شواربها

....................................بالضحك وقلوبها فيها الردى كالى

بديوي الوقداني

الله الله :)

....الوداع....

ابراهيم الرشود

15-05-2004 14:35

رد : عطني كلمة وخذلك بيـت

يامتعب الله يهديك شكلك مستعجل .. أنا قلت العفو موب في المعنى اللي أنت جبت عليه البيتين ..

لكن يسلم راسك ...

المصيبه .. قبل لاترحل بموت ...
........................آه ياشين المجامل في الوداع !!

والكلمه هي (( الظن ))

عبدالرحمن الربيّع

16-05-2004 00:26

رد : عطني كلمة وخذلك بيـت

يالله حيّهم ..

يامال العافية ..

ما أظن يتساوى وصالٍ مع فراق
............. بالوصل نسلى ومن فراقك نعاني

عبدالرحمن الربيّع
.
.

>>>>>>>>>>>>الحيره<<<<<<<<<<<

عبدالرحمن الربيّع

16-05-2004 19:21

رد : عطني كلمة وخذلك بيـت

.
.
.
.
.
لين أثقل الهم كـتـفـي .. وإنـحــنــا ظـهري
.................. ودنــقــّـت .. والــبـــال .. طــاح بـكفة الحيرة.
.
.

للرائع عبد الله البكر
.
.
.
.

}}}}}}>>>> الــــــــقـــــــــهــــــر <<<<{{{{{{{{

راعبية

16-05-2004 20:40

رد : عطني كلمة وخذلك بيـت

مرحبــــــــــــــا

أكبر قهر شوفت حبيبك مع الغير
يعطيه من حبه كما كان يعطيك
صراحه ما ادري لمين هذا البيت بس هذا اللي حصلته

الكلمة <<الذل>>

راعبيـــــــــــــــة

عبدالرحمن الربيّع

16-05-2004 23:25

رد : عطني كلمة وخذلك بيـت

.
.
.
.
.
.
أفضل اني اترك الحب مرّه
............ ولا يشوف الذل في عيني انسان

.
.
.
.

عبدالرحمن الربيّع ..

.
.
.
>>>>>>>>> الموده <<<<<<<<

نشمي	17-05-2004 03:52

رد : عطني كلمة وخذلك بيـت

صباح الخير للجميع ...

ليت ((( المودة ))) بيننا جابت الخير
............. وياليت خيرك فكني من معاتبك

نشمي

الكلمة :: البرد

تحياتي ,,,,,

متعب الخامسي

17-05-2004 06:45

رد : عطني كلمة وخذلك بيـت

يسعد صباحكم ويعطيكم الف عافيه ..

ابراهيم اول شي حياك يا الغالي ثاني شي انا فهمتها على كلامك وتوضيحك ..

وكاني مخطي فيها فا العذر والسموحه والدعوى بسيطه اشوى إنها ابيات مهيب ايات..

هذا والله ولي التوفيق :)

حياك يا النشمي ويسعد صباحك

أطرد سراب اللال في مرتع النوق
............................... ومن الظما يجرح لساني لهاتي
عاري جسد والليل هتّان وبروق
.................................دفاي أنا و((البرد)) سمل العباتي

ويقول ايضا "

أنا الحطاب في قاعٍ جرد ما به شمع وغصون
.............................................. حداه(( البرد)) والليل الطويل وشب فاسه

للشاعر المبدع : بدر بن عبد المحسن

الكلمة .. الشوق..

الوقت المعتمد في المنتدى بتوقيت جرينتش +4.
الوقت الان » 05:24.

الصفحة رقم 1 من 7

الأخيرة »

عرض 40 مشاركات من هذا الموضوع في صفحة مستقلة