|
(((دمعة طفل \ بعيون شايب)))
الى والدي حفظه الله وعافاه دمعة طفل .. لعنبوه الشعر .. كانه .. بس .. في شقر الذوايب لعنـبوه .. ان كان قاصـيه .. الغزل والنرجســيّه يا يـبه … والهاجس اللي كان ملحد جاك تـايب إغتسل من نزعة الحاده .. وتاب من الخطيّه ياالحقوق اللي .. سنا برقه فتق صدر السحـايب ياالبياض اللي .. غفر كل الذنـــوب السرمــديّه يوم شفتك.. بالسرير الابيض عن الوعي غايـب كل عرق ٍ صاح فيني جعل ذاك الضيم .. فيّه آآآه .. ليت الضيم رجال ٍ واشدّ له الركـــــايب والله انّي لأنحــره .. واوردّه حــوض المنيّه ياعسى نذلٍ ٍ هقى بك يرجع بهــقوته خايب ضايع ٍ .. مثل القحـــم .. لاهو رباع ولا ثنيّه قلت لي مرّه .. ترى النشمي ليا خاواه ..عايب مثل دهن العود لاخــالط .. رمــاد الشــاذليـــه ودامني رجلٍ خرج من بين ( صلبك والترايــب) والله ان يبطي القـدم ما يمشي دروبٍ رديّه يا يبـه.. و(( دحيـم )) تنشد.. وين حلاّل النشايب ؟ شيخها اللي جالها من القيض مقـيــالٍ وفـيّه يابعد راسي .. وروس احبـابي .. وكل القرايب يابعد من زهّب ( المجنــد )ولبس ( الحضرمــيّه) قم .. !! دخيلك.. ! عقبك الديره غدت جردٍ خرايب عجّها غطّى سمـــاها .. واستوت بالمهمهـيـّـه كلمتينٍ .. في شفـاهي حـايره .. راحت ذهايــب ما قــوت تعبيـــــرها كلّ .. الحروف الأبجـــديّه اخدعتني بكرةٍ .. ماهي من ابـكـــارٍ نجــــايب ولا (غفال ٍ) .. وصفها عند النبـيه .. ولا مطيّــه درهمت بي في دجى ليل ٍ نهب شوفي نهايب ويٍوم افـيق إلا ّ وانا باحضـان قفراً جرهـديّه واتركتني .. ظامي ٍ والماي للقيض الزهايب واغبنــتني يوم هجّت ( بالقلص) (والزمزميــه) مآمن ٍ للوقت .. لين الوقت ورّاني العجــــايب يوم جاد بشربة الماء .. واثرها ( شربة ضحيّه ) يا يبـه … وان قصرت ايديني ودارت بي النوايب بأ رمي اعــذاري على الغـربه .. وقلّ المقدريّه هاجسي الملحد .. رجع \ دمعة طفل \ بعيون شايب وإغتسل من نزعة الحاده .. وتاب من الخطيّه محمد الدحيمي |
رد : (((دمعة طفل \ بعيون شايب)))
صباح الشعر المختلف يا محمد ,
قصيدة جميلة , قرأتها أكثر من قراءة صح لسانك يا مبدع ,, تحية. |
رد : (((دمعة طفل \ بعيون شايب)))
يوم شفتك.. بالسرير الابيض عن الوعي غايـب كل عرق ٍ صاح فيني جعل ذاك الضيم .. فيّه آآآه .. ليت الضيم رجال ٍ واشدّ له الركـــــايب والله انّي لأنحــره .. واوردّه حــوض المنيّه قم .. !! دخيلك.. ! عقبك الديره غدت جردٍ خرايب عجّها غطّى سمـــاها .. واستوت بالمهمهـيـّـه كلمتينٍ .. في شفـاهي حـايره .. راحت ذهايــب ما قــوت تعبيـــــرها كلّ .. الحروف الأبجـــديّه اخدعتني بكرةٍ .. ماهي من ابـكـــارٍ نجــــايب ولا (غفال ٍ) .. وصفها عند النبـيه .. ولا مطيّــه واتركتني .. ظامي ٍ والماي للقيض الزهايب واغبنــتني يوم هجّت ( بالقلص) (والزمزميــه) مآمن ٍ للوقت .. لين الوقت ورّاني العجــــايب يوم جاد بشربة الماء .. واثرها ( شربة ضحيّه ) ما أجمل أن يكون أستهلال هذا اليوم بالرد على قصيدة شاعر مبدع وقصيدة ممتلئة شعر ونبض .. حفظ الله والدك من كل شر .. وادامه الله بكل الصحه والعافيه .. الشاعر .. / محمد الدحيمي .. دمت مختلف في زمن التشابه .. http://www.sh3byat.com/vb/images/icons/damn.gif |
رد : (((دمعة طفل \ بعيون شايب)))
مسا الخير يالدحيمي...
الله يعطي شايبك العافيه ان شاء الله وانت صح لسانك يامحمد شاعر رائع..وكبير بحضورك .. تحيتي لك |
رد : (((دمعة طفل \ بعيون شايب)))
لله درك يالدحيمي
رائع كعادتك دائماً شكراً لك |
رد : (((دمعة طفل \ بعيون شايب)))
، ، لعنبوه الشعر .. كانه .. بس .. في شقر الذوايب لعنـبوه .. ان كان قاصـيه .. الغزل والنرجســيّه يا يـبه … والهاجس اللي كان ملحد جاك تـايب إغتسل من نزعة الحاده .. وتاب من الخطيّه يا الله يا الله هنا شعرتُ بـ صعوبة ترجمة المشاعر عن كيان كـ الأم أو الأب مطلع تعجيزي بحق .. آآآه .. ليت الضيم رجال ٍ واشدّ له الركـــــايب والله انّي لأنحــره .. واوردّه حــوض المنيّه الله عليك ،، كنا هنا مع الصدق وجهاً لوجه مآمن ٍ للوقت .. لين الوقت ورّاني العجــــايب يوم جاد بشربة الماء .. واثرها ( شربة ضحيّه ) بساطة المفردة وعمق المعنى بصمتك الخاصة وقد تجلت بشده محمد الدحيمي ،، لك قدرة في استنطاق الوجع حتى يصبح جزءاً منّا حفظ الله غاليك من كل مكروه دمت الوهج للشعر ، ، |
رد : (((دمعة طفل \ بعيون شايب)))
آآآه .. ليت الضيم رجال ٍ واشدّ له الركـــــايب والله انّي لأنحــره .. واوردّه حــوض المنيّه ودامني رجلٍ خرج من بين ( صلبك والترايــب) والله ان يبطي القـدم ما يمشي دروبٍ رديّه مآمن ٍ للوقت .. لين الوقت ورّاني العجــــايب يوم جاد بشربة الماء .. واثرها ( شربة ضحيّه ) . . . لله درك من شاعر .. هنا صدق / إحساس / فكر / حكمة / شعر .. لا أملك الاّ أبدي إعجابي واصفّق بـ حرارة .. صح بوحك ودام نبضك .. وحفظ الله الوالد من كل سوء .. دمت بـ شعر ودهشة حضور .. tsh6 |
رد : (((دمعة طفل \ بعيون شايب)))
ياالحقوق اللي .. سنا برقه فتق صدر السحـايب ياالبياض اللي .. غفر كل الذنـــوب السرمــديّه يوم شفتك.. بالسرير الابيض عن الوعي غايـب كل عرق ٍ صاح فيني جعل ذاك الضيم .. فيّه محمد الدحيمي صح لسانك وجعله مايشوف شر وأجر وعافيه انشاالله ... تحيااتي |
رد : (((دمعة طفل \ بعيون شايب)))
محمد الدحيمي
يا هلا بك والله ويسلم راااسك والله قمت الابدااااااااااااع ماااتنسجه انااملك وتنزفه مشااعرك شااعر مختفي عن الاعلام ومهظوووك حقه اعلاميين يمكن هوووووووو السبب ويمكن القاايمين على وسائل الاعلام عي السبب بس حاااضر في قلوووب من قراء ابدااااااااااااعه واستمتع برقي افكااره صح قلبك مليارااات |
رد : (((دمعة طفل \ بعيون شايب)))
إقتباس:
الشاعر القدير:محمدالدحيمي مترفة ب اروع ما يجمل امثالك من شعور .. حس صادق .. و رح نقيه.. حفض الله والدك ورعاه.
يوم شفتك.. بالسرير الابيض عن الوعـي غايـب=كل عرق ٍ صاح فيني جعـل ذاك الضيـم .. فيّـه ضايع ٍ .. مثل القحـم .. لاهـو ربـاع ولا ثنيّـهآآآه .. ليت الضيم رجـال ٍ واشـدّ لـه الركايـب=والله انّـي لأنحـره .. واوردّه حـوض المنـيّـه ياعسى نذلٍ ٍ هقـى بـك يرجـع بهقوتـه خايـب=ضايع ٍ .. مثل القحـم .. لاهـو ربـاع ولا ثنيّـه انااشهد. هنيئاً لي تواجدك .. يامحمد. فهل لي بالمزيد من محيطك العذب!! فالجمال لا يمل معك .. فقط كن مذهـل دوما .. ودمت بحب.. |
رد : (((دمعة طفل \ بعيون شايب)))
يا يبـه … وان قصرت ايديني ودارت بي النوايب
بأ رمي اعــذاري على الغـربه .. وقلّ المقدريّه هاجسي الملحد .. رجع \ دمعة طفل \ بعيون شايب وإغتسل من نزعة الحاده .. وتاب من الخطيّه إحساس صادق تجاه الأب.. وإعتراف بالتقصير رغم وجود المبررات.. هنا نجد عظمة من نحب ونحب.. محمد.. مهما حاولت الأقلام أن تكتب فلن تصف عظم حق الأب ومدى غلاته.. لكن في قصيدتك أستشفينا الكثير والكثير من هذه العظمه والتي تقع تحت مظلة حقوق الوالدين.. هو يستحق بلاشك .. ويستاهل كل ماذكر عسى الله يطول عمره ويعطيه العافيه .. وأنت عسى الله يبيض وجهك .. وصح لسااانك تحياتي |
رد : (((دمعة طفل \ بعيون شايب)))
إقتباس:
متنبي الشعر الشعبي من أشهر الشعراء في منطقة الخليج أسلوب خاص لا يتقنه غيره صح لسانك ملايين ذكرت هذي القصيده يالغالي وانا اقرا قصيدتك بالوالد الله يقر عينك بسلامته [poet font="Simplified Arabic,5,skyblue,bold,normal" bkcolor="white" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=gray,offx=3,offy=3) shadow(color=teal,direction=135)"] العيد غـربه .. والفرح ثوب مشقوق = يالمـّة الخــــلاّن ... ياريحـــة أمي من عادة العاشــق يناجــيه معشـوق = وانا التــناجي بين عيني وفمي النوم : حلمٍ تطرده لهفة الشوق = والوجد بعــروقي يخـــاويه دمي واليوم مثل البارح غروب وشروق = لمّي ثــمار العمــر يــاروح لمّي احدي هجوسي مثل من يحدي النوق = واحمل عناقيد الندم وسط كمي وارقـب نجوم الليل بعيون مخنوق = والفــجر لا حـولي ولا هو بيمّي أماّ زماني ساقـنـي للشقا سـوق = أو زادنـي هم ٍ على غـير همي . . ثوبي جديدٍ مير ... = 0 00 000 0000 00000 000000 0000000 00000000 000000000 0000000000 00000000000 ثوبي جديدٍ .. مير ياعيـد مشقوق = ياعيــد : ما تسوى بلا.. ريحة أمي 00000000000 0000000000 000000000 00000000 0000000 000000 00000 0000 000 00 0 ثوبي جديدٍ .. مير ياعيـد مشقوق = ياعيــد : ما تسوى بلا.. ريحة أمي المقر بما فيه انا .. 000 00 0 محمد الدحيـمي [/poet] وافي يالدحيمي الله يحفظ لك والديك ويجمل حالك ويكتب لك السعاده في الدارين محبتي يالغالي |
رد : (((دمعة طفل \ بعيون شايب)))
محمد الدحيمي آطال الله في عمر وآلدك وصح لسانك على هذه القصيده وهذا الشعور النبيل قصيده شامخه كشموخ الدحيمي استمتعت في قرائتها ولك كل الود |
رد : (((دمعة طفل \ بعيون شايب)))
الله الله يا خال :) .. كبير .. والكبير لله .. قصيدة في والدنا .. والد الجميع .. الله يقومه بالسلامة .. ويحفظه من كل شر يا رب .. قصيدة فوق التعليق والوصف .. لاعدمناك يالقرم الشغموم .. إحترامي وتقديري سيدي.. أخوك \ ابنك : ماجد بن شايخ |
رد : (((دمعة طفل \ بعيون شايب)))
http://up.9ll9.com/uploads/images/9LL9-e3447bc57e.gif الدحيمي بِــربي اثقلت كـاهل الشِـعر .. رفقاً بشعبيات يـا رجل :) |
| الوقت المعتمد في المنتدى بتوقيت جرينتش +4.
الوقت الان » 09:09. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع