عنوديــــــــ3ــــــات
 

<table style="filter:shadow(color=white, direction=255,400)"><font size="4"><font color="Blue"> بسم الله الرحمن الرحيم

أخواني وأخواتي : السلام عليكم ورحمة الله وبركاته

عنوديات ...فكره كانت معي في منتدى الشعر

النبطي فصيح مانبي فكان منهاعنوديات1 وعنوديات2

واليوم بمناسبة العيد السعيد أقدم لكم عنوديات3

عنوديات هي للقصائدالتي لم تنشر ومضى عليها وقت

وهي على الورق أنقلها إلى عنوديات عسى أن نحوز

على رضاكم....


(1)

(( بحـــر الندم))


دام العتب بين المحبين مشروع

############ جتك القوافي من عتبها تشَارك

هلّي على بحـر الندم هلّي دموع

############ أبكي على فعـلك بلاش اعتذارك

حبل الوصل يابنت ماهوب مقطوع

############ إلا على رغبة هواك واختيارك

بيدي عرفت الحـق مانيب مخدوع

############ بيدي عمارك لوبغيت اودمارك

وانااللي اسامح على كل موضوع

############ مانيب منهو مجـرمٍ بالمعارك

لاتحسب إنك يومك اقفيت متبوع

############ لا ياحبيبي راسـبٍ باختـبارك

دامك غلطتي والغلط منك مرجوع

############وانتي رجعتي والرجوع بقرارك

يامرحبابك عد ماالصوت مرفوع

############ واعداد من هـلل وسبح وبارك


+++++++++++++++++++++++++++++++

(2)

( مملكة الهوى )

مالوم راع الهوى والله مالومه### مالوم عين ٍبكتب فرقى حبيبتها

يحس من بعدها بالنفس محرومه### جوعانة ٍظاميه والنفس عافتها

نفس ٍحزينه رضت حـظه ومقسومه### معروف وش مطلبه معروف غايتها

نفس ٍعزيزه تعيش العمرمحكومه### لاطال حرمانها زادت مصيبتها

مهيب في باقي الحاجات ملزومه### غضت طرفهاعن الدنياولذتها

ساعة يغيب الشفق تعلن به نجومه### ليل السهر والشقاهذي بدايتها

يصبح وراسه علىكفه من همومه### حلوالكرى ماطعم لذة حلاوتها

هذي لغه للهوى والعشق مفهومه### من دش بحرالهوى يغرق بغبتها

مشـاعرٍ صـادقه ماهـيب مزعومه### حال المحبين هذي هي حكايتها

هذي دروب الهوى وهذي هي سلومه### دوله وحاكم وشعب وذي سياستها

########################

(3)
(( ماحدٍغيرك ))

أقولها لك صـراحه ماحدٍ غيرك ### يسكن بوسط الحشا في منزلٍ عالي

ياغايتي بالهوى كثرت معاذيرك ### متى أشوفك حبيبي يهتني بالي

متمسك بحبل وصلك رغم تقصيرك ### مانيب اناعنك لاداله ولاسالي

تدري بوصلك إذاواصلت من خيرك### تحياعروق ٍشكت من كثر الإهمالي

ودي بوصـفك ولكن صـعب تصويرك### من شانك أول جمال الكون والتالي

معطينك أحسن شهاده في حسن سيرك### والاالسلوك انت فيها مضرب امثالي

وقت الدراسه يجي ممتاز تقديرك### من عادتك تاصل العلياولاتبالي

شفت الجمال الذي بالناس من بيرك### كلن غرف منه يومه واديٍ سالي

تبي الصراحه حبيبي صـعب تزويرك### من شانك هذا أقوله يابعد حالي

ماغيرك اشـهد شهادة حق ماغيرك### يستاهل اقصى الحشى له منزل ٍعالي

#############################

(4)

((ياعيوني دمعتك هلّي))

ياعيـوني دمعـتك هلّي ### لورفعت الصـوت يوحونه

والبكاء بالعادة يسلي ### عن هموم القلب وشجونه

وش جنيت من الهوى قلي ### غير سـهم الحب وطعونه

ياحياة الروح انامن لي### ماأبي غيرك يامجنـونه

لوجميع الكون يحصل لي ### صـرت انا ممن يعافونه

ماأبي غير انتي ياكلي ### لوجميع البيض يصـفّونه

واللي غيرك خـله يولي ### لواعيش العمر من دونه

ماحـدٍ قلبي له انتـلي###غيرك انتي وانتي مضنونه

خـل عنك الهـرج ياخلّي ### أنتي ركـن ٍفيه مركونه

الشجر بالماء لهاظـلّي### لاانقـطع طاحت مع غصونه

وانتي الماءوانتي ياعلّي###ماافقدك ياداعج عيونه


وسلامتكم,,,,,,,,

#######################

أربع قصائد جديده أرجو ان نحوز على رضاكم....

:D :D :D :D :D :D :D :D :D :D </font></font></table>

مشرفنا الكريم
راعي العنود
صح لسانك الله يطول لنا بعمرك
على هالدرر الثمينه
وهذي احسن عيديه
لاهنت 0
وكل عام وانت بخير 0

الاخ الغالي .... راعي العنود

مرحبا بك وبالابداع الذي تنثره هنا ..

بكل صدق قدمت لنا هدايا رائعه وهي درر من درر ابو صالح ..

كل عام وانت بخير وعيد سعيد علينا وعليك..


اخوك.... الطارق

مشرفنا الغالي
قدمت أربع ورود هدية العيد
هذه يميني تصافحك مرحبة بعيد قصائدك

<font color="cc6666">أستاذي الراااااااائع .. راعيها ..

تسلم يمينك على هذه الدرر
أربع قصائد ..لكنهاعن أربعين قصيده
معايده متميزه .. من شاعر متميز
لن أقول الكثير .. فقط سأكتفي بالانحناء لقلمك الرائع
صح لسانك ملايين
وكل عام وانت بألف خير
ولاعدمناك ياراعي الابداع

لك أعذب تحياتي
عطر الخزامى</font>

<font size="4"><font color="Blue">

أختي النادره:نادره........صح بدنك وربي يسلمك

وكل عام وأنتم بخير أعاده الله علينا وعليكم

بالخير والبركات,,,

وياهلا بك أختي ومسهلا والله ..والساعة المباركه.

:D :D :D :D :D :D :D :D :D :D </font></font>

<font size="4"><font color="Blue">

ياهلا والله ومسهلا بك أخوي : الطارق

وكل عام وانتم بخيرياعزيزي أعاده الله

عليناوعليكم بالخير والبركات...وتسلم يابعدي...

:D :D :D :D :D :D :D :D :D :D </font></font>

<font size="4"><font color="Blue">

أخي العزيز: محمدالبريكي .....ياهلا بك ومسهلا

ونعمت اليمين التي تصافح بالمحبه والموده..

وكل عام وانتم بخير...

لاشلّت يمينك يامحمد...ومشكور ياعزيزي ...

:D :D :D :D :D :D :D :D :D :D </font></font>

<font size="4"><font color="Blue">

أختي : عطر الخزامى...........صح بدنك وربي

يسلمك وهذا والله من حسن ذاتك الله يحفظك...

وكل عام وأنتم بخير أعاده الله علينا وعليكم

باليمن والبركات,,,وتقبلي فائق احترامي ....

:D :D :D :D :D :D :D :D :D :D </font></font>

"

.....................


"


كتبت رداً طويــــلاً تضمـَّن الأبيات التي أعجبتني (صورة مصغره من الأربع قصائد) و لكن الجهاز أغلق نفسه فجأه :mad: :mad:

أعذرني أيا راعي العنود و لكنني سأقول موجز ما كان في ردي ...

قصــائد راااائـــــــــــــعة ... فقط لا غير !

و اقبل العذر مرة أخرى ... :(

ــــ.. .

ابو صالح عيني عليك باردة غزارة

ابداعية مستمره تستاهل ياراعي العنود

وصح لسانك طال عمرك


لي ملاحظات يابوصالح بريئة :rolleyes: :rolleyes: :rolleyes: :D :D ;)

اولا : ليش القصائد اربع وش ناوي علية

اعترف !!!!!! لاتكون تبي تصك باربع حريم



ثانيا : بعد رحلة الرياض ;) ;) صاير تهل
وتمطر قصايد غزل الظاهر مراقبة الرادار عندكم ماااش !!!!!!!!!


ثالثا : الاربع القصائد بدون مجاملة كل وحدة
اطخم من الثانية استاذ يابوصالح ماهي بغريبة
عليك

رابعا: تقبل تحياتي


اخوك / ناااااااااوي

<font color="Teal">تدري ليش يا عبدالهادي عقب روحة الرياض هلّت قصايده علينا؟؟

لأنه شافني :D خخخخخخخخخخخخخخخخخ


ابو صالح يا بعدي تسلم وصح لسانك..اربع مره وحده عاد! ياخي شوي شوي علينا بالحلو لا يجينا سكر ;) </font>

[ فبراير 19, 2002: تم تعديل الموضوع بواسطة : ازرق وابيض ]

أخوي أبو صالح

ما قصرت وبيض الله وجهك , وصح لسانك أربع مرات
تقبل فائق احترامي ,,,,,,,

أخوك عبدالله مران

(1)- http://www.eqla3.com/cgi-bin/sh3r/ul...c&f=5&t=000753

(2)- http://www.eqla3.com/cgi-bin/sh3r/ul...c&f=5&t=000864

اربع روائع عيدية ومافية اروع منها
سلمت يمينك ياراعي العنود
وكل عام وانت بخير
:)

اخوي الاستاذ بو صالح راعي العنود

تسلم على هذه العنوديات ولا عدمناها ولا راعيها...باقة ورود ومعايده جميله من شاعر نفتخر ونزداد معرفه من معرفته وبحور شعره الغزيره...اشكرك على هذه التحف لقدر قرأتها اكثر من مره وتستحق القرأه مرارا...


لي ملاحظات:
<====يا حبه للملاحظات بالذات معك لانه يمون

الشكر هذا:

############ إلا على رغبة هواك واختيارك
في عندويات(1) احس وزنه شوي مو معجبني..

لو قلت: الا اذا قررت هذا اختيارك؟
او نفس بيتك بس تشيل الواو...

الا على رغبة هواك...اختيارك.

كذلك في عنوديات(3)
هذا الشطر احس انه شوي مو على وزن خوانه:

من شانك هذا أقوله يابعد حالي
الا ترى انه لوكان: من شانك اقول هذا يا بعد حالي..قد يكون اسهل واجمل؟؟؟؟

اتوقع انك شيبت وصرت تقلب الحروف يا بوصالح :D


اخوي بو صالح اشكر لك هذه الراوئع مره اخرى وامل:


ان تقبل تحيات
اخوك البدوي


ومن العايدين قبل الزحمه :)