انا احتج بشده
 

الدعوة يا شباب ويا شابات موضوع احتجاج وتذمر ممزوج بزعل غير طبيعي :(

وش السالفة ليش كذا..... واحد بدا يهاوش :mad:

الموضوع وما فيه إني أحط مواضيع والي يردون عليها الله يجزاهم خير وبيض الله وجيههم معدودين على الأصابع............... ليش:confused:

مع إني كنت اكتب قصايد قوافيها محدرة شعيب بس توقفت حتى ما تطلقني ألغة العربية والشعبية وتصير هوشه ;)
:D هههههههههههههههههههههههه
المهم بديت اكتب ( وهذي قصة حياتي في منتدى شعبيات ) في ميزان القصيد لعل وعسى تعدل القوافي بس شكل الدعوى من جد خربانه ما ينفع فيها لا وزن ولا تعديل............... يعني بصريح العبارة تقريبا ما احد رد :(

قلت يا بنت شكلك ما تنفعين في هذا الجزء حطي شيء تفلحين فيه يمكن يردون عليكي...:)

بديت اكتب في سالفة وقصيده سوالف وقصايد وبديت بسلسلة الأنساب والله يجزى كل من رد خير( بس ألي ردوا):D

على العموم أنا اعرف إن المنتدى فيه بنات ( شاعرات) ومشاركات بس الغريب إن ولا موضوع من أول ما اشتركت إلى هالحين ردت عليه بنت ولو ب( :) ) أو ( :( )
....... ايش الهرجة

عموما أنا شرهتي على المشرفين مررررررررررررررره كبيرة لن المشرف اضن إن وظيفته الأولى قبل المشاركة هو الرد والتشجيع وأنا والله لقيت رد وتشجيع ما اكذب بس ( شوي ) طمعانين في أكثر من كذا....:D

الإصرار موجود يا جماعه ولا ما قعدت في المنتدى يوم واحد والدليل على كذا إني تقريبا من شهر مسجله ومشاركاتي ما انقطعت تقريبا كل يومين أو ثلاثة انزل مشاركه......;)

لعل وعسا شيء يعجبكم وتردون ولو ب ( :mad: )


يعني أبي احد يقراء المواضيع ويقول رأيه بصراحة ويناقش وإذا ما كان له نفس يرسل ( :) ) إذا أعجبه الموضوع وألا ( :( ) إذا ما أعجبه اعرف في ها الحالة كم واحد قراء المشاركة

أسفه على الاطاله وعلى الاحتجاج إن ضايقت فيه احد ترى والله النية طيبه واضن إن مشكلتي عند مشاركين واجد في المنتدى

أبيكم تناقشون هذي المسألة وتجدون لها حل بأسرع وقت قبل ما يصيبني الإحباط وأهريكم مواضيع و قصايد تعرج..........:D

المحتجة....
;)
أختكم.....رهف :)

خير ان شاء الله وش الصجه هذي
 

الحمد لله داخله حراج انتي وش الفوضى اللي انتي مسويتها

طيب قرينا الموضوع وصراحه ردي الاول

هذا :mad: :mad: :mad:

امّا الرد الثاني تبي تشوفينه ان شاء الله بعد ما يردون الشباب وراجعي مواضيعك الله يهديك ترى مهوب حنّا اللي نسفه الناس الجدد


عموما شكرا على الموضوع بشكل عام :p

كلش ولا زعل رهف
 

هلا وغلا باختي رهف


شوفي ياختي من ناحية زعلك على الي ماردوا او الي مايردون

انا بقول لك شي

اذا جاء عضو ونزل موضوع ويبي ان الاعضاء يردون او على الاقل يشوف مشاركتهم بالموضوع اول شي يفر على اخر مواضيعهم ويقرى الي فيها ويرد:rolleyes:

وبعدين يجي يتشره;)

ومن ناحية زعلتك على المشرفين

انا والله فاضي ماعندي شي الايام ذي ومقابل النت :cool: لكن اكيد تبي تجي ضروف وتمنعني من كثر التبطح قدام (البليه)<====== في رواية الوالده:D

والاخوان المشرفين شوفيهم عندتس ابووووووون تعال :mad:


الحين يوم انك ماترد على البنيه ..... ليه؟<======= احس انهن مايركبن على بعض:D


وعندك اخوي الغالي (بدوي بامريكا) هذا طالب ومنشغل يمكن بالاختبارات الايام ذي


واذكر ياختي في احد المنتديات لقيت عنوان موضوع (قصيدتي ورد خالي عليها) دخلت وشفت ولقيت قصيده كبييييييير ه مايقولها الا شاعر كبير والرد كان من احد اكبر الشعار في المملكه ايضا

والغريب ان محد رد الا انا فقط

وعدد الزوار (300)

يعني شوفي علشانه مارد عليهم في مواضيعهم جحدوه


لكن اسمحي لي ياختي


انتي الصراحه كتبتي في سالفه وقصيده:cool: وابدعتي الصراحه

والشاهد على كلامي مواضيعك الي منوره المنتدى:cool:

لكن
<======== قضاء من المدح وخش بالغويط:D

اختي انا ماشفت لك قصايد (والحق علينا بصراحه)

لكن اختي انا ابي افهم ناس كثير واتمنى انك منتب منهم

الشعر مايقوله الاشاعر :cool:

الشعر هذا موهبه من الله

لكن البلا

اذا جاء شخص ماهوب شاعر وسوى قصيده:mad:

صدقيني ياختي قريت لكثير من العينه ذي

احس انه من الصعب اني اكمل القصيده لو كانت 5 ابيات

وانا ياختي الصراحه ماقريت لك قصيد لكن اذا كان مثل اسلوبك في سالفه وقصيده

فانا اقول حرررررررررام عليكم يالمشرفين

ولكن ياختي عندي ملاحظه

من قال لتس انه من واجبات المشرف يرد على كل موضوع:confused:

المشرف يقرى كل موضوع انا معتس ...... لكن ماهوب ملزوم بالرد

والي انا اشوفه ان المشرفين ينزلون مواضيع ولا يردون على الي رد على مواضيعهم ;)

واسف على الاطاله ياختي

وتقبلي تحيات اخوك

عزيز

الله يهديك يا عزيز وش هالفزعه ؟
 

الاخت رهف عن اذنك

اخوي عزيز والله مهوب مجامله اني احب مواضيعك كلها وبدون استثناء

<<<<<<<<<<< جاي ابي اهاوش يقالي :confused:

المشكله انا نقرا المواضيع ونحاول نرد ونهمل قصايدنا ويهاجمونا الشباب

هذا يقول ما يردون وهذا يقول ما يعبرون وهذا يقول يتحكمون والله بس ما عليه ما نيب قايل

المثل المشهور اكيد عرفته 0 لا تعلم فيه احد :cool:


مع السلامه

لكن ياهلا والله

<====== راعي محل:p

ياحبي لك يابونوت ...... والله ياخال اني مااقصدك ولا اقصد شخص معين بكلامي ذا ابد والله:(


وانت ياخال معذور .....وكلن له ضروفه ياخال <======= تقل انحرف عن الموضوع:D


وبعدين ياخال ترى مهوب لازم كل من قرى شي يرد عليه:rolleyes: تبي ارد على قصايدك كلهن؟:p

والله ياخال اغلب قصيدك الي هنا في شعبيات اني مار عليه وقاريه :) لكن يشهد الله انه مايردني الا شي واحد

ماودي اكلف عليك وترجع ترد ويجوز تجيك ردود زود بعد وانا السبب:(

وجعلك سالم ياخال

وتقبل تحيات اخوك الصغير

عزيز:)

ابونوت انت حسابك عندي
 

احد يرد ويقول للقصيده لي رجعه
وابي اكون قاسي بالتوضيح هههههه الله يعينك على النقد

وما عاد يرجع وينحاش

;)

شفت وحده شايله في قلبها:mad:

بس والله ما قصرت من جد ;) رايتك بيضى بس كمل جميلك :eek:

أختك رهف..:)

الظاهر ما تعقل انت ابد
 

شف ابي اخلي المواضيع كلهن وارد على هالكلمه اللي تضيق الصدر

<<<<<<<<<<<:mad: من الحمق راح يمين بغى ينزل موضوع جديد وهو يبي يرد


اسمع لا اسمعك تقول اخوك الصغير ثم عاد الكبير وتولى الصغير ما فيه الا تكفيخ

شف قل اخوك اللي كبرك الي ادون منك شوي الي اصغر منك بس اطول منك زين مفهوم

الظاهر انّا خربنا موضوع الاخت واحتجاجها قعدنا نسولف فيه ههههههههههههههه

خمس دقايق وكم رد

مع السلامه ولي رجعه
:D :D :D :D

هه انبسطي شوفي كم الردود الحين لا تقولين ما يردون
 

صراحه كلا مي لا يتعدى ان يكون تكرار لكلام اخي الاوسط :rolleyes: عزيز

انتي ابدعتي في ميدان قصه وقصيده وموضوع الانساب والمختارات

استمري وسنرد على كل مشاركه

مع السلامه وان عدتم عدنا

بيض الله وجهك اخوي عزيز
 

والله راح الزعل كله من بعد ما قلت كلش ولا زعل رهف ماعادني بزعلانه ابد

وانت والله ما قصرت ولا اخوي ابونوت بس عاد وش نسوي بالطمع
;) وانا والله يكفيني من شعبيات ثمرها وانتم والله ثمرها وما في الباقي قصور

وتسلمون بس عاد ما قلتولي وش الحل

ههههههههههههههههههههه :D
وحده ما تفهم :confused:

اول موضوع اقراه واعجبني
 

والله تصفحت الموضوع حق البنيه المظلومه الي قام يتشاوتها عزيزوابونوت



وهي معها حق 000000000000000000


ميراليدالوحده --------- ما تصفق وانا تراي 0000 بصفها :eek:

والي يزعل ما عند يله الا :mad:

اخوكم مشهوووووووووووووور

السلام عليكم ...

أختي : رهف .....................اي والله تكفين عليك بهم تراني بصفك بعض هالمشرفين يزمر علينا:)

ولا ان قلنا الصراحه ياويلنا :cool: <<< ايه ماهيب نافعاتك نظاراتك لاحلتوك برا :D

بعدين ليش اللي يرد يخانق انا اخبر اللي يرد يوضح الامور :mad: ألحق الشماغ طار من هالحين:D

هذا طراق مع الهامه ...:rolleyes: :rolleyes:

اختي رهف : سيري وعين الله ترعاك . وحنا معك ....تسلمين ...


مع تحيا1111111111تي ..

:) :)

يـــــــــــــــــا سلام عليك ياراعي العنود
 

وحده ما صدقت على الله انها تلقاك وتجي ههههههههههههههههههه:D

جابك الله تر الحتجاج يعم ما يخص وانت بالذات لك قدرك ومكانتك

لا تطالع :rolleyes: وحده كشرت انيابها :mad:

والله شرهانه من معزتكم واعتزازي بتشجيعكم

انا والله اشهد انكم كلكم ما قصرتم بس نحب نداعب ونتشره ونسوي ميانه :D

وحده ما خذه وجه والا ما نمون ;)

لا تتضايقون من كلامي

لكم كل التقدير والاحترام
أختكم ... رهف :)

الاخت/ ررهف000000 طابت اوقاتك

موضوع جميل لشرح وظائف الايقوونات:)

وتقوولين00((( ( :) ) إذا أعجبه الموضوع وألا ( :( ) إذا ما أعجبه اعرف في ها الحالة كم واحد قراء المشاركة )))

يعني ماتعرفين كم اللي قرو الموضوع الا في هذي----> :) وهذي---->:( رهف على مين تلعبينها اذا بتعرفين عدد اللي قرو الموضوع في عداد القراءت:D

قولي ابغا ردود وخلاص هههه والله ما فيه احد مايبغى مشاركاته بدون ردود 00 حتى اللي يقوول انا ماتهمني الردود00تراه نصاب الى حد ما00 يعني بعض الناس وخاصه اللي قد ملووا وطفشوا من كثر الردود وبدا يجي على مواضيعهم قراءات واجد يمكن فعلا انهم ماتهمهم الردود 000 يهمهم عداد القراءت ولو اني الاحظ او لاحظت في موقع ما ماهوب شعبيات:D لا والله بس جيران لشعبيات ويقربون لهم :D

ان فيه قصيده لمشرفٍ ما 00 زادت في خلال ثواني اكثر من 100 او اكثر قراءه

وشلون مدري بس متاكد ان المراقب او المسئول فررررررر العداد لدرجة اني تذكرت حسين عبدالرضا يوم يهدد سعاد عبدالله ويقوول والله لا اخلي عداد كهربكم ورررر الا اربعين دينار 00 بس مدري بالشهر او اليوم:eek:

وهذا الرد علشانك يارهف انبسطي انشالله محدش حووش <=== ماكنه متمنن برده بعد:p

وليش ما اتمنن فيه مادام ان الدعوى يارهف رد علي وارد عليك يعني ماعليها حسووفه 00 وانتي الربحانه اذا ما رد عليك واجد لانك لازم تردين والا ماعاد يجون مواضيعك00 يعني ثلاثه او خمسه او احدى عشر رد <--- ترى من الدقه الزايده نقز من 5 الى 11:D والا وش معنى 11 بالذات :p

نسيت وش كنت ابا اقوول

اييه ذكرت ردي علي يارهف والا ترى ابا اشطب ردي هذا :D وربي انها صارت هالحركه قبل كذا من عضو ما

<=== شكله ظميان ماسكه على ما شخص ما موقع ما وش القصه؟:confused:

مدري:(

عزيز ياحبي لك وانت مشرف وعلى فكره رح شف موضوع قصيدة ابن شريم الليقلت لي عقب عليه 00 ورد لي شكلك بتورطنا ههههههه

تشااااااو <---- معناها ابا اروح اشرب ما:p

سلام <======= عربجي الاخ


بعد اذنتس اختي رهف بغيت ابوعبيد بهرجة راس


ابوعبيد ياهلا ومرحبا

ياخي يوم شفتك رديت على موضوع رهف انبسطت احسبك طحت بالكمين<=== مهوب عاقل تربية القاعده:D

لكن يوم قريت ردك حقدت ...... ياخي يانك ماقريت ردي او انك تدربي راسك:p


ماتلاحظ اني قلت
(واذكر ياختي في احد المنتديات لقيت عنوان موضوع (قصيدتي ورد خالي عليها) )

ماتقل مر عليك العنوان ذا؟

على العموم انا قلت اكيد انك تبي تفطن لكلامي وتجي تذب عن نفسك<====== ترى تذب مهب الي ماتدانيها :p


لكن الظاهر انك تنبهت ......:cool:

وعلى طاري الموضوع حق ابن شريم

ياخي تراني متابع والله متابع وشفت المحاوره الي انشطبت;)

لكن ياخوي شف صندوقك بالاقلاع ..... تراي ارسلت لك:(


وكلامي على ماهو عليه ..... وانا اندد واشجب<====== لاياشيخ:p


ولاتنسى تفحص صندوق موترك <======== يبي يشوه الصوره:p

قصدي لاتنسى تفحص صندوق رسايلك الي بالاقلاع ..... اوكي:cool: <==== توه طايح به


برررررررررررررررررب<======== معناه ابي اشرب لبن:D

لالالالالالا الاخوان شكلهم ما تعشو
 

مشكور اخوي عكاشه نور الاحتجاج ههههههههههههههه ما عاد هو بزعل

صار تجمهر وتشجيع وعلى مين تلعبها هاه............:)
لا تقول اوزع ابتسامات بس فرحانه بجيتك وتشريفك

ياخوي انا ما اطلب عدد ولكن حضوركم هو كل الغايه والمطلوب

تقديركم للي يقدم الموضوع ينشرى بغالي الاثمان وهو فخر وتشجيع....
والله اني استانس لا شفت ان فلان قام بالرد على الموضوع اتشقق من الفرحه خصوصا لا عرفتم من هو فلان ههههههههههههههههههههههههههه

كل يطالع في نفسه ترا اقصد الجميع
وترى احتجاجي مستمر لين القا الحل
خالص الاماني للجميع بوجبة عشاء هنيئة مع من يحب
أختكم... رهف:)