يامتعب الله ولا بعض الملاقيف = اللي تخم السوالف وتخطفها
اللي بوسط الخلا مثل المواليف = من عام ابونوت فالمطرق عسفها
اطيبهم اللي تلاعبه الخواطيف = امّا ثوى دونها والاّ شطفها
ياجودهم فالحنيني والمراهيف = والا الرجوله على عينك وشفها
ياصاحبي وانت سيف وفي يدك سيف = جعل السواري توقع في هدفها
وقل للحصيني ترى روس المشاريف = مهيب لك لا تويّق في شرفها
ماودي اقرب الشعله من الليف = وتولع النار واشقى في طرفها
واخاف اطول و اوضح فالسواليف = واجيب عيديّة ماحدٍ عرفها
لكن خل الرسايل فالمظاريف = اخاف نحتاجها قبل تحذفها

فرق بين ما تكتب .. وما نكتب .. والفرق بينك وبين غيرك .. بيّن ..

الرسالة الأصلية كتبت بواسطة خالد العنقري صح لسانك يابو نوت <<------ وده ينصح ابونوت ويقوله لاتهدي قصايدك ثاني مره ههههههههه دمت بخير يا سيدي

الرسالة الأصلية كتبت بواسطة خالد التميمي ماودي اقرب الشعلـه مـن الليـف ............. وتولع النار واشقـى فـي طرفهـا ياسلام ياصالح.. فرق بين ما تكتب .. وما نكتب .. والفرق بينك وبين غيرك .. بيّن .. تحياتي

الرسالة الأصلية كتبت بواسطة متعب الخامسي اررحب ياابو نوت وابرك الساعات جيتك وطلعتن معك لاعدمتك ابيات في غنى عن شهادتي ومعاني خطيرة وجزاله معهودة وانشهد ان خالد صادق يوم قال لكن لي عودة إن شاء الله صح لسانك يابعدي من هنا الين ارجع وإذا رجعت برضو صح لسانك :d