يا صاحبي وانت سيف وفي يدك سيف
الاخ الغالي متعب الخامسي مداعبة على هامش الرحلة الرائعة والضيافة الكريمة
يامتعب الله ولا بعض الملاقيف = اللي تخم السوالف وتخطفها اللي بوسط الخلا مثل المواليف = من عام ابونوت فالمطرق عسفها اطيبهم اللي تلاعبه الخواطيف = امّا ثوى دونها والاّ شطفها ياجودهم فالحنيني والمراهيف = والا الرجوله على عينك وشفها ياصاحبي وانت سيف وفي يدك سيف = جعل السواري توقع في هدفها وقل للحصيني ترى روس المشاريف = مهيب لك لا تويّق في شرفها ماودي اقرب الشعله من الليف = وتولع النار واشقى في طرفها واخاف اطول و اوضح فالسواليف = واجيب عيديّة ماحدٍ عرفها لكن خل الرسايل فالمظاريف = اخاف نحتاجها قبل تحذفها |
رد : يا صاحبي وانت سيف وفي يدك سيف
صح لسانك يابو نوت
<<------ وده ينصح ابونوت ويقوله لاتهدي قصايدك ثاني مره ههههههههه دمت بخير يا سيدي |
رد : يا صاحبي وانت سيف وفي يدك سيف
ماودي اقرب الشعلـه مـن الليـف
............. وتولع النار واشقـى فـي طرفهـا ياسلام ياصالح.. فرق بين ما تكتب .. وما نكتب .. والفرق بينك وبين غيرك .. بيّن .. تحياتي |
رد : يا صاحبي وانت سيف وفي يدك سيف
اررحب ياابو نوت وابرك الساعات جيتك وطلعتن معك لاعدمتك
ابيات في غنى عن شهادتي ومعاني خطيرة وجزاله معهودة وانشهد ان خالد صادق يوم قال إقتباس:
لكن لي عودة إن شاء الله صح لسانك يابعدي من هنا الين ارجع وإذا رجعت برضو صح لسانك :d |
رد : يا صاحبي وانت سيف وفي يدك سيف
إقتباس:
هلا بالعنقري والقصيدة المباركه اللي خلتنا نشوف حروفك الثمينة وانت اخو عزيز وغالي وكلامك على العين والراس يابو بندر مشكور على المرور |
رد : يا صاحبي وانت سيف وفي يدك سيف
إقتباس:
خالد التميمي وموقع في قلبي ل لا يعرفه الا هو فقط هلابك هيل بلا كيل شرف لي نقطة حبر من تعبيرك وما انا الا تلميذك تحية اخوك ومحبك |
رد : يا صاحبي وانت سيف وفي يدك سيف
إقتباس:
متعب الغالي شكرا لمرورك الكريم لا يزال صدى كلماتك مدويا في سمعي فعلا معك حق في كل ما قلته تدوم في عز ورفعة اخي الغالي |
رد : يا صاحبي وانت سيف وفي يدك سيف
ابو نوت
ما انت بعاقل يابو الشباب <<<<<<<<< يبي يقول يابو الشياب بس من خاف سلم tsh4 صح لسانك مليااااااااااااااااااااااااااااااااااااااااااااااا ااااااااااااااااااااار شكل ابو نوت يقول في نفسه وهو يقرأ ردي الله يازين توقيعك ياحسن tsh4 |
الوقت المعتمد في المنتدى بتوقيت جرينتش +4.
الوقت الان » 06:43. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع