رماد العيون
 

ما ضاق صدري من غيابك ولا يحزنون
وان ضاق صدر الورق ما ضاق حبر القلم
لا تلمس الجرح ما عادت كفوفك تمون
غيابك اجمل هداياك ووجودك وهم
حتى الصخب كان برجوعك رماد العيون
وامسى مرورك على قلبي بليا طعم
ما عاد قلبي تخطّفه بهواك المنون
وصمتك صدى صوتك العاري ولا له نغم
غلاك ما عاد يغريني ولا له شجون
ماعاد يلقى بصدري له مواطي قدم
وش لي بليل المواجع والسهر والطعون
وش لي ببيعة يزاودني عليها الندم
غيابي أصعب ولا تاخذك بعض الظنون
واضغاث الأحلام ماسرت حلم من حلم
ماني برجوى السحاب اللي يشح المزون
دام ان راسي يطاول شامخات القمم

رد : رماد العيون
 

صح لسانك وصح شموخك
ماكل مانريد نحصل عليه
يكفي ان تنزف شعرا
هذا المكسب