حلاوة مبسمه مع لمع دانه = سحرني يوم اشوفه قد ابانه
عليها مبسمٍ تشبه وصوفه = جُمانٍ ساحرٍ يردف جمانه
وضيع لي ركودي و اتزاني= وانا اللي ثابتٍ كلى رزانه
بهرني يوم شفته قد اطلا = كما بدرٍ تجلى في مكانه
لإن العقل مني ما توقع = يرى هذا القمر نور زمانه
سرح فكري يا كيف اني اوصّف = روايعْ خالقٍ قد عز شانه
عليها جسم ما تشبه وصوفه = سوى ظبياً تفرفر كالجبانه
ووجهٍ مثل وجه البدر ليلة = يتم بين النجم يسحر كيانه
ينور هالسما وينير ارضٍ = و كل الناس تسعى لإحتضانه
وكن حجاجها يشبه بوصفه = هلال العيد في اول اوانه
وعينٍ ارسلت سهمٍ مصوب =على قلبي وانا كلي عشانه
وكن بجسمها ثمرٌ معلق = من احلا ما نبت بأرض الكنانه
وكن بجلدها يومٍ لمسته = كان الما على جلده امانه
رطوبة جلدها زاده طراوه = و تفتن من لمس مره بنانه
كل الزين في جسمٍ توسط = و يقرب تارتن نحو البدانه
جعل حضي معاها ما يخيّب = ويجمع بيني وبينك يا دانه

الرسالة الأصلية كتبت بواسطة جريح الفرقا (مشاركة 253673) صح السانك عبد الله قصيده جميله سمابها اخر بيت الله لايهينك تقبل مروري

الرسالة الأصلية كتبت بواسطة سعيد المري (مشاركة 253675) . . عبدالله السامي صح لسانك ونبضك .. تشرفنا بإنضمامك بين اخوانك فـ شعبيات