الـرســـالــة
اسمحوا لي بهذا التنويه قبل القراءة ( سعد الذابح او ذابح سعد ) نجم من النجوم او برج من البروج وبه وقت خروج الفقع (( الكمأه )) (( الرساله ))
عزيزتـي الغاليـة ... سـلام .. اما بعـد= =ودي ابين شعور ٍ عاجـز ٍ آصفـه ودي اعلمك سر ٍ .. مادرى بـه احـد= =انتي خيـال القصيـدة وانتـي السالفـه وانا مع الحب كنـي طالـب ٍ مستجد= =بليد .. جيد .. مشاغب .. ماعرف ماقفه علته يبغى الدراسـة حيـل هـذا الولـد= =واذا بـدت حصتـه صابتـه بالراجـفـه وانتي كلام ٍ وقف في داخلـه مستعـد= =ازرى عليه اللسـان وجاشـت العاطفـه وانتي .. البراد .. الحريق .. الجامد .. المتقد= =وانتي السحابه وصفق الموج والعاصفـه وانتي فصول السنه والوسم (ذابح سعد)*= =وانتي مثـل ديمـة ٍ جناتهـا وارفـه وانتي علوم العرب موروثة ٍ جد ..جـد= =وانتي حضارات بابـل ياأجمـل إمتاحفـه الفرح يلفي معـك والحـزن مـا ينوجـد= =والطيب في مقدمك يروي ربا ً ناشفـه وانا على النـاس كنـي مالك ٍ هالبلـد= =ما وصل حي ٍ ربع فرحي ولا ناصفـه هذي هي رسالتي جت لـك تجـدد عهـد= =ياعلهـا ماتصـيـر بسلـتـك تالـفـه |
الوقت المعتمد في المنتدى بتوقيت جرينتش +4.
الوقت الان » 12:35. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع