شكواي لله
 

:) ياللي خذيت القلب ارجوك خله *** خله يعيش بدنيته مثل ماكان

من بعدكم صارت حياته ممله *** ضاقه به الدنيا حزين وشفقان

شفقن على شوفه مناته وكله *** اللي بقى ذكراه بالقلب سكان

اقفى وخلاني لدمعي اهله *** خلى حياتي كلها هم واحزان

ياطير هات علوم خلي وقله *** قله ترى من بعده القلب مرضان

وقله ترى ما اعرف غيره وادله *** وما اخون عهده لا مع انس ولا جان

وما اخون حبه واحفضه ما اذله *** وابقى على عهدي حريص وصوان

مهما تسوي خافقي ما يمله *** لجل العيون اللي لها القلب ولهان

واليوم تنوي الهجر ويلك من الله *** وعزيت نفسي من مذله وحقران

وعندي صبر واصبر على كل عله *** وعندي كرامه مالها وزن ميزان

واساير دموع العين عما تهله *** وتسبقني العبرات واعارض احزان

همي من اسبابه وشكواي لله *** انتي تركتيني وكل الهدف بان

انا لي اللي خالق الكون كله *** واقول روحي صرت انا اليوم ندمان

مع تحيات / ولد باريس القطري (السهلي)

صح لسانك يا غالي ولا هنت على القصيده الجميله

صح لساانك يالغالي ولا هنت على القصيده الرائعه

اخوي ولد باريس

قصيده تدل على قدوم شاعر

نتمنى منك المزيد وصح لسانك

وتقبل تحياتي