|
أبوووووووك يالصاروخ
مره من المرات
كانوا الأهل كاشتين ، وطالعين بعيد عن مدينتي مايقارب الـ 150 كيلو ومخططين أنهم يجلسون قرابة الأسبوع هناك المهم جهزوا (( العزبة )) والعزبة لغير الناطقين باللهجة النجدية : الزهاب والزهاب لغير الناطقين باللغة الفرنسية : هي أغراض الكشتة ومستلزماتها :D المهم بعد ماجهزوا العزبة ، سافروا وأنا على نية إني ألحقهم بعد يومين لكن المفاجئة بعد نصف ساعة وجدت (( كيس الطيحن )) ناسينه ولم يأخذوه معهم ولأن التغطية سيئة في الطريق اتصلت مرارا ً وتكرارا ً ولم يجيب أحد علي قلت ياولد مابدهاش ، إلحقهم وعطهم كيس الطحين :thumb: أخذت كيس الطحين ، ولحقتهم وانا امشيء 180 بتهور وقدر الله وتبنشر الكفرة في منتصف الطريق:frown:، (( الكفرة = العجلة )) وبالكويتي (( التاير )) فأضطريت أن اوقف السيارة واستنجد بأي شخص عابر ، لكن للأسف لم يوقف لي احد بالطبع راح تقولون الحل تركب الإستبنه ولكن (( للأسف الأستبنة مبنشرة )) كذلك قلت ياولد وش الحل ؟ وش الحل ؟ وش الحل ؟ !! قلت مافيه إلا حل واحد أعبي ّالكفرة بالطحين ، يمكن تضبط معي وتمشي السيارة :rolleyes: (( إما غناة الذيب ولا فقره )) <<< عشان تضبط القصة بس المهم بعد ماعبيت الكفرة من الطحين حركت السيارة ، ومشت ولله الحمد ... لكن بسرعة اقل وأنا في الطريق أطالع المراية حقت السقف !! ورأيت المفاجئة الناس كلهم واقفين على جنب الخط ويلقطون شيء يطلع من سيارتي :eek: قلت خلني اشوف وش يطلع من سيارتي تدرون وش لقيت يطلع (( لقيت الكفرة ، تطلع صامولي خبز تميس دونات حتى شفت كيك:D وقمت آخذ واترس مخباتي:D * * * * * * * بالطبع تقولون فالح جن !! لا والله ماجنيت لكن هذه إحدى الكذبات أو الأكاذيب اللي نقول عنها (( أرنب )) كناية على انها تنط كثير :D أو (( مالها مطار )) يعني كذبة عنيفة وإذا قلنا (( صاروخ )) فهذا اشد أنواع الكذب فتكا ً ولا يدخل بالعقل وهناك انواع خفيفة من الكذب مثل (( هلسه )) وهي كذبة لاتغير من لب الموضوع ، يعني فقط بهارات ، مثل واحد يقول ابوي ضابط شاف حرامية ينطون على جيرانا بينما الصحيح ابوه جندي شاف حرامية ينطون على جيرانهم:d كذلك يوجد نوع ظريف من الكذب اسمه (( خراط وفي رواية آخرى هياط )) ولكن انا افرق بينهم فالأولى أن يقول واحد : مره كنت في لندن وشفت لي بنت مره حلوه معجبة فيني ، ويوم جيت اكلمها ، أذن الفجر فــ خفت من ربي خراط عنيف أما الهياط فيأتي واحد يقول وهو لابس طاقية ومشمر عن ساعديه <<< حتى يضبط المشهد يقول أنا البارح صفقت لي ثلاث ريجيل في السوق .. عشانهم وقفوا قدامي في الموقف ثلاثه << ماهو بسيط بات مان ماعلينا زبدة الموضوع .. ماهي دنماركية زبدة الموضوع أننا في شهر ابريل الذي ارتبط بصواريخ عابرة للقارات:p لكن الغريب ان الكذب عندنا مايرتبط بأي شهر فــ طول السنة تلقى صواريخ آخر كذبة سمعتها يقولون النصر أخذ بطولة :D ماعلينا الكذبة الآخرى يقولون تبي تجي زيادة 50 % (( أفلقني إذا هذا صحيح )) عطونا من صواريخكم المبجلة أو أذكروا لنا صواريخ مالها مطار بس لا احد يجي ويطلع علي كذبه يقول مثلا ً مثلا ً إن لي علاقة بنانسي عجرم قسمن مجرد إشاعة:D |
رد : أبوووووووك يالصاروخ
:0313:صار تقولي صامولي ودونات بعد أي صاروخ إلا نووي:d
وأنا اللي متابع الموضوع بشوف وش النهايه لكن طلعت النهاية قهر لك علاقه مع جارمن ننعس << من زود القهر وهي اللي تقول ما تعرف أحد غيري :071: وهذي (هلسه) بسيطه من أحد الشباب ايام التسعاوي له سوق المهم في أحد الطرق المشهوره عندنا كان فيه مجسم كبير لكتاب مفتوح مصنوع من الخرسانه على ما أعتقد لأني مالمسته بس الواضح إنه كذلك المهم ماودي أطول يقول واحد من الشباب كان معاه تسعاوي كبرس (79كابريس) يقول تعديت من عند المجسم داعس (للصّاجه) وأنا أطل في المرايه اللي بالنص على قولك يوم انقلبت صفحة من الكتاب !! هذه مجرد هلسه خفيفة عندما أتذكر شيئا سأطرحه ارضا هنا. فالح بن سويد فاكهة شعبيات :)<< ماهي هلسه ابد تحيااااااااااااتي وتقديري |
رد : أبوووووووك يالصاروخ
|
رد : أبوووووووك يالصاروخ
أحدهم يقسم ثلاثا ً بأنه يتذكر حينما كانوا يربطونه بالمـهاد
بعدما سمع قصتي في أولى إبتدائي بـ لساني http://www.shathaaya.com/vb/images/bullet.gifhttp://www.shathaaya.com/vb/images/bullet.gif هناك نوع جميل من الهياط وهو حينما شخص يهايط عليك أو يأتي بكذبة كبيرة لا يصدقها العـقل ويستصعب عليك تكذيب صاحبها لإعتبارات كثيره تقوم بـ ذكر كذبة أكبر حتى لا يصدقها أبدا ً ويعرف انه كان مهايطيا سأورد أمثله لاحقا ً |
رد : أبوووووووك يالصاروخ
وين صورايخكم (:
|
رد : أبوووووووك يالصاروخ
ههههههههههههههههه صاروخك مرررررررررررررره قوي ..
جاية لك بصواريخ أرض أرض .. بس خذ صاروخ ع الطاير .. هذا واحد من أولاد خالي يسموه سكود من كثر ما يطلق صواريخ .. يقول الي هو ولد خالي لما كان عمره مدري كم سنه .. ان ابوه الي هو خالي يروح العمل بطياره .. تجي الطياره فوق سطح بيتهم وتاخذه ع العمل وطبعا المسافه من بيت خالي للعمل ما تجي ربع ساعه .. عاد (عاد ولا ثمود) المهم لما يرجع خالي من العمل بالطياره يروحوا اولاد خالي يستقبلوه في المطار .. المطار << سطح بيت خالي .. صاروخ ع الطاير وراجعة بكم صاروخ .. |
رد : أبوووووووك يالصاروخ
^
^ هذا لا قال لك صاروخ أرض جو هههههههه طيب ممكن يتوسط لي ويرسل السياره لسطوح بيتنا أخوي أي نصر يآخذ بطوله أو كآس حده رز أبو كآس ههههههههههههه . . صاروخ أبريلي ههههههههه . . من جد ياليت حكاية الكفر حقيقيه كان حليتو لنا مشاكل كثيره ! . . . تسلم أخوي يمناك |
رد : أبوووووووك يالصاروخ
هذا واحد من الشباب طاح وجت امه تسمي عليه قالها ماما انتي مين :d
|
رد : أبوووووووك يالصاروخ
|
رد : أبوووووووك يالصاروخ
وين الصواريخ .. خلصت؟
|
| الوقت المعتمد في المنتدى بتوقيت جرينتش +4.
الوقت الان » 22:46. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع