خربوش طاروق يمشي مليون
ياخربوش لا تكذب على اللي يراعيك=عيونك تسهرها وهاذي جريمه ترى الوقت يومٍ لك ويومٍ يخليك=وبنت الهلالي جاك منها قسيمه |
رد : خربوش طاروق يمشي مليون
علي الحرام اني ما احب الشرابيك .................................انا شخص طيب والنوايا سليمه ترى كان في نفسك زعل جيت اراضيك ............................ابا احب خشمك وانت ذيب الخريمه |
رد : خربوش طاروق يمشي مليون
ترى الصدق ياخربوش دايم ينجيك=من اهل الملامه ماتجيك الظليمه انا مازعلت وخاطري ماطمع فيك=مادام اني اللي ماسك اشداد ريمه |
رد : خربوش طاروق يمشي مليون
خربوش وفهد لا عدمناهم متابعين العتب الييييييييييين الرضا :) وانا في صف فهد :) |
رد : خربوش طاروق يمشي مليون
هلا والله يانورة وجودك شرف لا عدمتك استلم يافهد ترى ماني وليدك عسى الله يعافيك ................................تعلمني دروبٍ جداد وقديمه انا مانشدتك وش دخل في مخابيك ....................عسى لك مع اهل السوق ربح وغنيمه |
رد : خربوش طاروق يمشي مليون
انا مانشدتك وش دخل في مخابيك
....................عسى لك مع اهل السوق ربح وغنيمه خربوش اول مره تصير طيب خابرك من اول شرير:D :D
يامسكين اجيبك في دقيقه واوديك=عطيناك بيت من البيوت الحكيمه عنبنا بعيد وما تنوشه اياديك=تقول العنب حامض ولا فيه قيمه |
رد : خربوش طاروق يمشي مليون
نوره العجمي
ارحبي ومتابعتش شرف لنا ومادامش في صفي ازهلي خربوش بعطيه الضربه القاضيه والله لا يهينش على المتابعه والحضور |
رد : خربوش طاروق يمشي مليون
يافهد تراني اقل مما تتصور:frown: ارفق ياخيtsh4 انا مستعد اقضبك واكوي علابيك ..............................لكني من اصحاب القلوب الرحيمه جبال الهدى لولا عليها تلفريك ................................دعينا على قرد الهدى بالحريمه |
رد : خربوش طاروق يمشي مليون
خربوش المسكين :p :p
استلم الله لا يهينك
تقوله ولكن عند صفق البلاجيك=سواتك نجره مثل جر البهيمه مدام القصيمي خايف امن المشاويك=اقول القصيمي ينثبر في قصيمه |
رد : خربوش طاروق يمشي مليون
محاوره قويه
الله لايهينكم منتب صاحي يافهد منتضرين سواق الترنيدو هههههههههههههههههههه |
رد : خربوش طاروق يمشي مليون
ارحب يانايف:) انت وش فيك نتفتني يافهد الله يقلعكtsh4 ليا جات حرب وضرب ماني مجاريك ....................................معك غاز كيماوي ولا لك هزيمه تهايط وجودك بس في مطعم البيك ..................................على حبة بروستد وبسكوت ديمه |
رد : خربوش طاروق يمشي مليون
إقتباس:
ههههههههههههه الله يبيض وجيهكم متابع الين الضربة القاضيه وانا في صف فهد :) لاهنتوا |
رد : خربوش طاروق يمشي مليون
ابا اعطيك عقب الغاز قطعه من الكيك=ليا كلتها تعطيك قوه عظيمه ترى مابعد شفناش يابيضه الديك=على شان تنشب بين خصم وخصيمه |
رد : خربوش طاروق يمشي مليون
إقتباس:
ارحب يانايف الله لا يهينك على الحضور والمتابعه وسواق الدنا لا يهمك بخليه يدخل في جدار :d :d |
رد : خربوش طاروق يمشي مليون
إقتباس:
مراقبنا الغالي الله يحيك ومشكور على المتابعه والحضور والضربه القاضيه خلاص خربوش في الرمق الاخير يلقط انفاسه:frown: :frown: ولك خالص الشكر والتقدير |
الوقت المعتمد في المنتدى بتوقيت جرينتش +4.
الوقت الان » 05:31. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع