ياعل عيني تقر بشوف غايبها
 

السلام عليكم ورحمة الله وبركاته

اعزائي الشعراء هذه القصيده الثانيه لي بهذا المنتدى الجميل واتمنى من جميع الشعراء اذا رأو في القصيده كلمات ركيكه واي شي سلبي فيها ان لا يترددو بالنقد البناء لاني بصراحه ماجيت هنا الا للتعلم من شعراء اتمنى في يوم من الايام ان اصل ولو لنصف ماوصلو له ..

ياعل عيني تقر بشوف غايبها
**********ياعلها بالفرح ترقد وتزهابه

يالله ليت الموانع خير قربها
**********اقرب من الجفن في عيني لاهدابه

ياخوفتي من مقابيل ابشربها
**********مادري لقا او فراق حل واشقابه

جتني حلوم عجزت اني اجنبها
**********عاشت في بالي ياليت تصير كذابه

حلم رأيته يقول انسى مضاربها
**********فزيت من نومتي واقول وش جابه

وحلم رأيته معه غيري يداعبها
**********قامت تراقص بجنبه واتغنابه

ياحلم يكفيني بالصحوه مصايبها
**********ياراحتي للفكر صرتي من اغرابه

النوم خفته وعيني صار مرعبها
**********يالوعتي والفرح ماظني اهنابه

ياقلب خل الصبر يصدم هبايبها
**********درب الامل يمكن انه ينفتح بابه

وان راح لاقرت عيوني بغايبها
**********وان جا اكيد الفرح خلاني ازهابه


وسلامتكم

سامي

اهنيك اولا على وعيك

واهنيك ثانيا على قصيدتك الرائعه

ابيات في قمة الشاعريه والعذوبه
0
0

ملاحظه صغيره اخي العزيز

كلمة صحوه ثقيله بعض الشي في هذا البيت:

ياحلم يكفيني بالصحوه مصايبها

لو قلت :

يا حلم00يكفي وانا صاحي مصايبها
0
0
اعذر لي تطفلي

الرأي الاخير لك طبعا

لك أعطر التحايا

ساااااااامي

القصيده رائعه00 ننتظر المزيد

اخوي سامي:


صح لسانك القصيده جميله وان كانت لا تخلو من بعض الملاحظات ثقل في بعض الابيات..انتبه لملاحظات دنيا الوله..

اخي للفائد سوف انقل نسخه من القصيده لوجهات نظر نقديه وسوف اضع ملاحظاتي هناك ياليت تقراها وانشالله اني افيدك وان كنت انا لست بذلك المؤهل للنقد.


تقبل تحيات
اخوك البدوي

اخي سامي:

بما انك تريد الفائده وانا متاكد كل من يسعى لفائده سوف يستفيد اذا اهل نفسه لتقبل النقد والاستفاده من الاخرين.

سوف انسخ قصيدتك هنا وابدي ملاحظاتي على كل بيت سوى في العني والمضمون او في الوزن والتركيب وان كانت الملاحظات قله ولن اخذك الى العمق والبعد في المعنى بل على ما توحي به قصيدتك من مشاعر.

ياعل عيني تقر بشوف غايبها
**********ياعلها بالفرح ترقد وتزهابه
رائع في الوزن ..وجميل في المحتوى

يالله ليت الموانع خير قربها
**********اقرب من الجفن في عيني لاهدابه
فيه لبس في صدر هذا البيت..فقد يوحي بانك تطلب من الله ان يقرب الموانع وان الموانع فيها خير!!
لان قربها قد توحي بانها تعود للموانع.
لو قلت مثلا: يالله عسى خير مانعها..وقربها.


ياخوفتي من مقابيل ابشربها
**********مادري لقا او فراق حل واشقابه
ابشربها: هل تقصد ابشر بها يعني من البشاره؟ او ابي اشربها من الشرب؟
اقرب الضن انك تقصد ابي اشربها..
لو قلت: ياخوفتي من مقابيل (ن) نمربها..اتوقع اوضح

جتني حلوم عجزت اني اجنبها
**********عاشت في بالي ياليت تصير كذابه

حلم رأيته يقول انسى مضاربها
**********فزيت من نومتي واقول وش جابه

وحلم رأيته معه غيري يداعبها
**********قامت تراقص بجنبه واتغنابه
هذا البيت تركيبه شوي ملخبط:
معه...غيري يداعبها: معه يشير الى مذكر..يداعبها يشير الى مؤنث:
لو قلت: حلم رايته: معا غيري يداعبها:
رايته تعود على الحلم وليس هي.
واتغنابه: مين الذي يتغنا انت ام هي ام هو؟

اذا تقصد انها هي تغنابه فالبيت يكون مسكور ووزن القافيه يختلف..اذا تقصد انت وهذا مستحيل فهو يشوه الفكره والصوره.
اذا تقصد ان هي اللي تغنابه فقد يستقيم البيت لو قلت:ترقص معه جنب في جنب وتغنابه.

ياحلم يكفيني بالصحوه مصايبها
**********ياراحتي للفكر صرتي من اغرابه
الصدر في هذا البيت ثقيل شوي...

اضن الاخت دنيا الوله قالت: ياحلم يكفي وانا صاحي مصايبها...هذا افضل ومستقيم.

النوم خفته وعيني صار مرعبها
**********يالوعتي والفرح ماظني اهنابه

ياقلب خل الصبر يصدم هبايبها
**********درب الامل يمكن انه ينفتح بابه

وان راح لاقرت عيوني بغايبها
**********وان جا اكيد الفرح خلاني ازهابه

اخوي تأكد ان هذا ليس الا رأي الشخصي وقد تكون انت مقتنع بفكرتك وتراها اجمل...ولكن لكي اكون لك ناصح واطبق عليك ما اريده لنفسي وما اخذه في الحسبان عند كتابتي لشعري...لذلك ابديت لك هذه الملاحظات وعلمي ان صدرك يتسع اكثر من ذلك لتعميم الفائده ...

تقبل تحيات
اخوك البدوي