اقتراح اذا اعجبكم يقوم بتنفيذه الاخ ؟؟؟؟؟
 

السلام عليكم جميعا

شفت طرق للمسابقات مختلفه منها اكمال القصائد ومحاورات مشتركه

ولكن رأيت في احد المنتديات طريقه جميله

يقوم المشرف بوضع قصيده مجتهدا ان تكون لم تنشر في المنتديات من قبل

ثم يطلب معرفة من يكون الشاعر وذلك عن طريق اسلوب كتابة القصيده

يعني من اسلوب القصيدة تقول اعتقد قائلها فلان

طبعا الي شايفها وعارف شاعرها لو ما يقول احسن او يقترح اسماء ويضع

الاسم الصحيح في البدايه لكي لا يكشف الاسم الحقيقي

من يضع المسابقه هناك طرق

المشرف وهذا لا احبذه

اختيار احد الاخوه ترشيحا وانا الان ارشح المدهر او عزيز او عكاشه

او تكون مفتوحه بشرط لا تزيد المشاركات عن ثلاث مسابقات في آن واحد وحين

تنتهي احداهن يوضع بدلا منها ويكون للجميع طرح المسابقة

ودي اشوف رايكم ليكون لدينا طريقه نعرف بها الشعراء المتميزين في بلادنا

الخليجيّه ونعرف بعض النصوص الجميله

هناك شروط مقترحه قابله للزياده والنقص

هي

1) يكون الشاعر من احدى الدول الخليجيّه وله قصائد منشوره ومعروف لدى

الكثيرين

2) يكون معاصر او من الاجيال القريبه منّا

3) تكون القصيده خاليه من العيوب النقليّه سليمه من النقص قدر الامكان يعني

ما تجيب منها بيتين وهي عشرين بيت ( يكون نصف القصيده على الاقل ولا يقل

عن 3 ابيات بأي حال من الاحوال

4) عند مضي اكثر من عشرة ايام ولم يأتي بالاسم الصحيح احد يطرح الاسم

الحقيقي ويكتب المصدر ان امكن ونبذه عن الشاعر ان امكن 0

يثبت الموضوع من البدايه حتى ثلاثة ايام بعد الحل

ارحب بتطوير الفكره فهي منقوله واظفت عليها بعض الاشياء وبكم تكتمل 0

اخوكم صالح السبيل

عجلوا تكفون برايكم تأيدون والاّ؟

المشرف ابو نوت .. أخوي الغالي

يا ابو نوت المنتدي صار له فتره نايم .... شوفوا حل

ياكثر الأعضاء المتواجدين وأيضاً يا كثر الأعضاء الغايبين ( أو الهاربين )


المشاركة تظل بالصفحة الأولى لمدة اسبوع وما تروح للصفحة الثانية الا بعد طلعت الروح

( هل تعتقد بان هالاقتراح بحرك المنتدى) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب مافيه أعضاء تشارك .... واذا فيه ما يشاركون!!!!!!!!!!!!!!!

شكراً لكم ..

تحية طيبة أخي صالح ..

أوافقك على هذه الفكرة بكل تأكيد ...

لإنعاش المنتدى و تحصيل الفائدة :)

أشكر لك اهتمامك و زيادتك الرائعة

بإنتظار البقية ...

و إن لم يأتوا

عندنا عبدالله مران :D

ــــ.. .

أبونوووووووووووووت

صالح .....

افكارك كلها حلووووه ....

وياليت تحطوووووون هالفكره بسرعه ..

لأن المنتدى بصرااااااااااحه نايم


وأنا مدري ليششششش :o :o :o :o :o النووووم

وألا عشان الصيفيه ...( يعني سبات صيفي ):D :D :D :D

هههههههههههههههههههههههههههههههاي

ابونووووووت الهمام الهمام بالفكره



أختك ......... سروووووووووبه

ابو نوت


قبل كل شي احب اشكرك على المجهود الذي تبذله .. والله يعطيك العافيه وانت بالفعل مكسب

للمنتدى ...

بخصوص المسابقه الفكره جيده ومثل ماقالت الاخت عبير يمكن تحرك المنتدى شوي من الركود الحاصل

وهو بهذا الوقت يعتبر طبيعي ...


تحياتي لك وللجميع



اخوكم .... الطارق

طيب حاضرين
 

اشكر الاخوان عبد الله مران ذلك الجندي المجهول في شعبيات وعلى فكره فيه فكرة تكريم عضو اتمنى ان تتبلور بسرعه وتكون من نصيب الغالي عبد الله وهذي قريب والافكار واجد تبي تعجبكم

الاخت عبير الحمل عليك ثقيل الله يعينك بس بنت احمد كفو للمهمات الصعبه

الاخت سراب هلا اثريتي المنتدى بقفزاتك الرشيقه بين اركان الموقع

الطارق احبك اخي الغالي واشكر لك الاطراء وان كنت لا استحقه



اخواني ادري ان الكثر مر من هنا ولم يكلف نفسه عناء كتابة حرف واحد والمشكله تقريبا انه يقول يا اكتب وابدّع بالكتابه حتى ترضي صاحب الموضوع وهذا تعب على الكثير ومجاملات لا تستحق ان تنتشر لدينا

يكفي ان تقول كلمة نحن معكم فقط او تضيف نقطه ترى انها مهمه او كلمه جئت لأضع تأييدي او اعترض على كذا مع ابداء بعض الاسباب

وهكذا نشعر بالحيويه

على العموم انا سوف اطرح السؤال الاول وهو عباره عن قصيدة لشاعر معروف للكثيرين من خلال النشر او منتدى شعبيات بحيث ان الجميع قد تعود على اسلوبه وخطّه الشعري

وسيكون السباق لمعرفة من الشاعر والشروط سبق وذكرت آمل مراجعتها من الجميع

والى المسابقه هناك خلال مدّة وجيزه ان شاء الله


تحيات اخوكم ابو نوت

الله معك يا ابون نوت
 

ايوا الله انها فكرتن سنعه

واتمنى انها تنشط المنتدى من الركود الصيفي الغريب جدا جدا جدا


واتمنى لك النجاح


وسر وحنا ننتظر الدور يجي علينا :)


:D

al-habib

الســـلام عليكم ورحمة الله وبركاته

اخــــــــــوي/ ابونــــــــــــــوووووت

اولاً:- اشكرك جزيل الشكر على كل جهد تبذله لهذا الموروث الشعبي

ولهذا المنتدى والأعضاء خاصه، وفكره طيبه واتمنى ان تنجح

في ايقاض المنتدى من هذا السبات العميق.

ثانياً:- صدقني هذي اول مره ادخل المنتدى من بعد طرحك لهذه الفكره،

فلا تظن انني دخلت ولم ادلي برايي.

ثالثاً:- اتمنى لك ولكل الأعضاء والمنتدى مزيد من التقدم والإزدهـــار.


اخــــــــــوك/ جاهِــــــــــــــــــــــــم

الله يقويك يابونوت ويعطيك العافيه
 

والله اعذرني على التأخير في التأييد طبعا لمقترحك بس الايام هاذي اجازه وارتباطات ومثلك عارف ..

طبعا انا اشكرك على اقتراحك واويد ما ذكرت والله يقويك ... امضي قدما ونحن بأذن الله سنتابع ولو تأخرنا

بالنسبه لي انا اقترح شيء معين اذا ما كان يضايقكم ولكم حق الموافقه او الرفض وهو

ان يكون الشاعرمن شعبيات وله مشاركات بها ونقوم بأخذ ابيات من قصائده الي شارك فيها ونسأل لمن
سواءً قديمه او جديده والغرض من ذلك حتى نحرك المشاركين في شعبيات من التصفح والاطلاع ومتابعة الجديد وحتى تزيد معرفتنا بما غنمته شعبيات من الابداع والمبدعين ...

ودمتم .. أختكم رهف :)