السلام عليكم ورحمة الله وبركاته

من القديم يتجدد بقراءاتكم،، عسى ان تكون كما تريدون
.
.
.

فارقتك الضلوع وودّعك كل موق=واقسم الحزن ياصل خلك اللي جفيت
واحترق قلب حرقٍ غير كل الحروق=كنّه المسرح وجمر الغضا أوبريت
واسدل ستار طيب الحال كفّ الفتوق=والتعب ما لفى نصّه .. لفى كمبليت
وصار للضيم صيت وحطّ مركاه فوق=عقب ما كان تحت ولا له ايّات صيت
ولا بقى في صروحي للبقاء ايّ توق=ولا حصل من طموحي غير لوٍّ وليت
وامتلا البال ضيق وصادف السير عوق=وابتدت ونّة الاوجاع يوم انتهيت
ونّةٍ تحتري هاللحظة بكلّ شوق=لحظة ذْبول غصنٍ منْه يا كم جنيت
ودّها والله العلام عن كل بوق= تبني لْها بليّا حقّ في الجاش بيت
وحسبي الله يوم انّي بوقت الشروق= من سببها أمسّي واحسب انّه مبيت
سيّدي والوجع عقبك جرى في العروق=والبدن كنّه اللي بين الأحياء ميت
والشرايين عيّت لا تمر الخفوق=اضربت عنْه يومنّي بليّاك جيت
والقدم كنت اسوقه في المشاوير سوق=بسّ هالحين نعمه لا عكزت او حبيت
والسعادة حكت عن رغبةٍ في العقوق= توّها تدري اني عن بعادك حكيت
والوسم يوم جاه العلم ردّ الحقوق=قال توّي عن فراق الاخلّه دريت
والعنا شَرْبته ماهي تبلّ الحلوق=لو هي تبلّ يمدي من عناي اكتفيت
والبكا مامْتهنته.. والحزن للصدوق=واشهد اني حزين القلب يومن بكيت

وسلامتكم

الرسالة الأصلية كتبت بواسطة بثينة (مشاركة 327364) صح لسانك

الرسالة الأصلية كتبت بواسطة علي التركي (مشاركة 327366) رائعة يا ناصر بكل فصولها سلم نبضك

الرسالة الأصلية كتبت بواسطة سعيد بن مقبل الأكلبي (مشاركة 327372) ماطُرق باب من ابواب بيت الحزن الا وفتحت له باب بيت من بيوت الشعر لله درك ياناصر

الرسالة الأصلية كتبت بواسطة سامي بدر (مشاركة 327414) يحق ان يحتفي بك الشعر ياناصر صح لسانك مدد تحيتي

الرسالة الأصلية كتبت بواسطة محمد الدحيمي (مشاركة 327415) ولو اني ارى جديدك افضل من قديمك ولكنك مبدع ياناصر في كل حالاتك وللأمانه ناصر ال مداوي اسم يحفر نجوميته في الساحه بكل اقتدار

الرسالة الأصلية كتبت بواسطة علي الأسمري (مشاركة 327437) ناصر ال مداوي صح لسانك ياغالي دمت بخير