صبري تعلمته
الأخوة الكرام في منتدى شعبيات:
السلام عليكم ورحمة الله و بركاته.. أشكر لكم الدعوة الكريمة التي وصلتني للمشاركة في هذا المنتدى الرائع بإدارته وأعضاءه، والتي وصلتني من الأخ ابو نايف، ورغم إنني قد أنقطعت عن النشر منذ فترة بعيدة، إلا ان دعوة الكرام تستوجب التلبية والتفاعل. فمني لكم هذه القصيدة التي أرجو أن تحوز على إعجابكم ورضاءكم. ولكم خالص الود .. خبرت الوقت والدنيا وانا توي ولد مغرور .......... صغير السن غض العود توي مابلغ مدي كبرت وشفت بعيوني كيف الحال يلف ويدور .......... لزمت الصمت في قلبي ساكت حافظ ٍ سدي قريت التجربة مرات وحرف التجربة مبتور .......... حسبت التجربة تلقين واثر التجربة عندي عقلت الحال والدنيا وانا قبل العقل معذور .......... ولكني غديت اليوم ..أبدل صيفي ببردي تداعت يمي الدنيا يضرب جالها بالسور .......... سور ٍ قد بنيته سنين .. أساساته على قدي وانا قدي صبر صابر وصبري فايض ومنثور .......... اجالد من بغاني بشر ..وأصفق غدره ابيدي الا يا دنيتي هونك ترى ما العن من المخطور .......... اذا ما حدت الدنيا تساوى الموت في حدي واذا ما جتني الدنيا.. تسأل خاطرك مكسور؟ .......... ضحكت وقلت يادنيا خذي مني بعض ردي تبين الحين يادنيا .. أنزل دمعتي مقهور ............... وربي ما انزلها ولو غلطه على خدي انا صبري تعلمته قبل اولد بتسع شهور .......... تعلمته وانا نطفه ورثته من صبر جدي |
حياك الله اخوي ساري بين اخوانك
وقصيده جميله تحمل داخلها معاني رائعه صح لسانك ولا هنت وتقبل تحياتي |
الاخ / ساري
اولا اقول لك ارحب نيابة عن اخواني هنا وثانيا صح والله لسانك قصيدة تدل على شاعر كبير ومكسب للمكان اللي تنتسب له واذا ما جتني الدنيا.. تسأل خاطرك مكسور؟ .......... ضحكت وقلت يادنيا خذي مني بعض ردي تبين الحين يادنيا .. أنزل دمعتي مقهور ............... وربي ما انزلها ولو غلطه على خدي انا صبري تعلمته قبل اولد بتسع شهور .......... تعلمته وانا نطفه ورثته من صبر جدي ياسلام ياساري الله يزيدك وترانا ننتظر المزيد من الابداع اخوك / عبدالهادي الخليوي (ناوي) |
الاخ هاوي قصيد
هلابك يالغالي أشكر لك قراءتك ومشاركتك العذبة تحياتي وتقديري |
الاخ عبدالهادي الخليوي
هلابك يالغالي وشرفتني تحياتي وتقديري |
<font color="green"> <font size="5"><font face="georgia">انا صبري تعلمته قبل اولد بتسع شهور
.......... تعلمته وانا نطفه ورثته من صبر جدي</font></font></font> :) :) :) <font color="blue"> <font size="4"><font face="georgia">اخوي الغالي ساري 00 حضور عذب وتواصل مميز صح لسانك وبيض الله وجهك يابعدي </font></font></font> |
هلا وغلا بالأخ ولهان
أشكر لك مشاركتك وتفاعلك مع أخيك وصح بدنك تحياتي وتقديري |
إخوي ساري إسعد الله إوقاتك بكل خير
وانا قدي صبر صابر وصبري فايض ومنثور .......... اجالد من بغاني بشر ..وأصفق غدره ابيدي الا يا دنيتي هونك ترى ما العن من المخطور .......... اذا ما حدت الدنيا تساوى الموت في حدي صح لسانك وإقبل فائق إحترامي |
اخوي ساري :)
صح لسانك ولاهنت.. قصيده بمنتهى الجمال.. لا تحرمنا من جديدك.. |
شكرأ لك يا أبا مهنا .. ولا عدمناك
تحياتي وتقديري |
العزيز ازرق وابيض
صح بدنك وكلك ذوق يالغالي تحياتي وتقديري |
أخوي ساري
قصيده جميلة جدا تستحق الثناء . لك مني أجمل تحيه . |
ياهلا والله بعبدالرحمن
تسلم والله على حضورك وشهادة أعتز بها مع تحيات اخوك ساري |
الوقت المعتمد في المنتدى بتوقيت جرينتش +4.
الوقت الان » 12:58. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع