فديت من حبها يعيـش فـي ذاتـي=اموت في ضحكها و تموت بسكاتي .
احبهـا حـب مايعلـم بـه الا الله=وتحبني حـب وتركـز بكلماتـي .
من كثر ماتحبني لا صـرت اكلمهـا=من الغلا تسـرح تقلـد حركاتـي .
احيانا" اشوفهـا انتحـال شخصيـه=حتى وانا ارفع يدي تسوي سواتي.
تشوفني كل شيئـا" كانـت تريـده=واشوفها حلمي و غاية طموحاتي .
احبها من صميم القلـب واعشقهـا=هي مطلبي بالحياه وكـل غاياتـي .
ان قربت عندي انسى الناس بكملها=وان بعدت عني القاهـا بسجاتـي.
وان سولفت انصدم لاقربـت تسكـت=ودي تسولف الى مـالا نهاياتـي .
يازين كـل الكـلام اللـي بشفتهـا=ادوخ بالصوت وادخل في متاهاتي .
ومن كبر حبا" سكن في قلب مغليها=عجزت لاقصر عن الطرقه خطواتي.
يعني عشقت الطريق اللي يوصلنـي=وكثرة مشاوير روحاتـي وجياتـي.
للـي علشانهـا الطرقـه مساويهـا=طوال المسافات وقصار المسافاتـي.
انـا لهـا كلـي وجعلـي فداياهـا=وقتي لها كلـه الا فـي صلواتـي .
لها من اعماق قلبي حبي الخالـص=ولها من اغلى هواجيسي تحياتـي.