يا حظي متى بتشارك بدورة الجمباز
لعلك تفوز بجايزة (جيب وإلا يرس )


تعبنا وحنا نبحر بزحمة الألغاز
يا حظي طلبتك لا وصلت الأماني ف إرس


سنين آتعلم بس ما جيت بالممتاز
في الدرس وهموومي تعدت مجال الدرس


سبب واحدن كل المشاعر معه تنحاز
غرس عشقه بقلبي وقفا وخلى الغرس


يليته يناديني ولوكان بس طناز
لعيناه ما حنيت صوت الشفر والترس


حبيب العمر من يتكي للهجر ما فاز
مصير الهجر وجه الفراق الغليض الشرس


لو آقول برضي كل زعلان من قزاز
وش الفايده لا صرت مابين ناب وضرس


مع الناس كني من جماعة عرب لأهواز
جماعه ولكن وسط دولة عواذل فرس


عطيني كلامك وأتركي فايز وفواز
وخلي عواذلنا توقف ذهوولن خرس


كساني جفاك الشيب وآآمالي المعكاز
( تم تعديل البيت بناءً على توجيه من المعلم الكبير / سعيد بن مقبل )
يا إما لصوب الموت وإلا لقصر العرس
.
.
.