راحت بريه
 

بسم الله الرحمن الرحيم

السلام عليكم ورحمة الله وبركاته

جرت هذه المحاوره بين حاسن المطرفي وبين مستور بن كريع الحارثي

قال حاسن:

انا اوحيت يا مستور يمك دعيه

---------------------هني من درا هي جد ولا ظليمه

يقولون يوم اطلقت حيل المطيه

---------------------عليها شداد روحت به غنيمه

*

*

*

رد مستور:

هذا العلم يا حاسن رموا به عليه

----------------رموا به علي اهل الحكي والنميمه

يعدون علم في ماهوب فيه

-----------------وانا من رجال اهل معزه وحشيمه

*

*

*

قال حاسن:

انا اقيس انك ما معك مخبريه

------------------وبعض الركايب بالطبايع غشيمه

يقولون مالت قوم ماهي صريه

-------------------بدت منها ماريه واثرها قديمه

*

*

*

فقال مستور:

لك الله لو جاها السبب من يديه

---------------------لاجود رسنها لين تصبح سليمه

لاشك انها راحت عريه بريه

------------------ولاني من اللي يظلمون البهيمه

*

*

*

وسلامتكم وسامحونا على القصور

جميع الحقوق محفوظه للمؤلف
بدر الحمد في كتابه قالت الصحراء
*

*

[ أكتوبر 27, 2001: تم تعديل الموضوع بواسطة : هاوي قصيد ]

اخوي هاوي قصيد

طابت اوقاتك

شاكر ومقدر لك تواصلك معنا

وهذا من طيبك وطيب اصلك

والصراحه اختيار جميل وشعار تتسم ابياتهم بالنقض والفتل

لك تحياتي
اخوي بعد خمس دقايق ليتك تراجع صندوق رسايلك

اخوي الغالي / هاوي قصيد

كما عودتنا دائما يحضر الابداع بحضورك 0000

والحقيقة اختيار موفق تشكر عليه وتسلم يمينك

اخوي عكاشه

والله ما عندي ما اقوله الا :) ;)

اخوي مبدع القاف

اشكرك كل الشكر على هذا التواصل الاخوي الذي ليس

غريبا عليك وسلمت يا غالي وتقبل تحياتي