شعبيات - حزن وتناهيت

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - حزن وتناهيت (http://www.sh3byat.com/vb//showthread.php?t=21340)

مانع اليـامي

13-10-2014 12:21

حزن وتناهيت

من عافنا عفناه لو كان غالي
,,,,,,,,,ومن صد عني في المخاليق صديت

إلا انت ماعنك ولا منك سالي
,,,,,,,,,,,,الناس حيين وأنا يالغضي ميت

دايم يجيبك هاجسي في خيالي
,,,,,,,,,,ويقراك بدموعي هل الدار والبيت

فارقتني وآنا من الوجد مالي
,,,,,,,,,, ا لا العنا ياصاحبي والتناهيت

أغليك ياروحي على كل حالي
,,,,,,,,,,دونك حياتي مالها طاري وصيت

الأيام من دونك طوال وخوالي
,,,,,,,,,, فرقاك قيد كفت الفرح تكفيت

مانيب لا شاكي ولانيب سالي
,,,,,,,,,, صدري لك ولليل حزن وتناهيت

مانع اليـامي

14-10-2014 21:09

رد : حزن وتناهيت

حبيب قلبي غايتي في المخاليق
الله واكبر يامصور غلاته

ياتي بحلمي وافقد الحلم وآفيق
حلمي يجيبه واتهنا حلاته

غصون روحي من غلاته مواريق
تشرب دموعي وتحرى طراته

واليوم منه يبسن المعاليق
محدن ذبحني في الخلايق شراته

ليته معي والا لحبي توافيق
واهديه قلب ماتهنى حياته

ماتعرفون بلوعتي يامخاليق
لوضمني قلبي رجع من مماته

علي ال شيبان

15-10-2014 20:50

رد : حزن وتناهيت

غصون روحي من غلاته مواريق
تشرب دموعي وتحرى طراته !!
صورة ولا أروع أخوي مانع
الله عليك ,,

مانع اليـامي

11-12-2014 00:28

رد : حزن وتناهيت

الرائع تواجدك

اخي علي ال شيبان

ونعم فيك

ياهلا

:036:

موسى ابومشهور

13-12-2014 00:44

رد : حزن وتناهيت

الله الله ابداع وروعه لاهنت شاعرنا سجل اعجابي بهذه الدرر
اخوك موسى ابومشهور

مانع اليـامي

22-12-2014 12:35

رد : حزن وتناهيت

لاهنت يبو مشهور

عشت يالقرم

مانع اليـامي

23-12-2014 09:14

رد : حزن وتناهيت

عاري يبو شعر المهايط ومسلوب
ومدعوس وجهك بالقدوم الحفايا

وذابح خويك وسم الخد عرقوب
في ساعة راسك محل الحذايا

جنب ظعنا والبس الثوب مقلوب
حنا هل البلها سهوم المنايا

جريمتك لبستك ملبسك للثوب
ولا ينفعك رمي التهم والرزايا

اما وصلوك القوم طالب ومطلوب
والا فسيف العبد شين السوايا

واللي يتعبث بالفرايض فمغلوب
ابن سعود يقولها في الحزايا

وغريمنا ناصله والعلم مندوب
والا على الطارف نسوق المطايا

مانع اليـامي

28-12-2014 21:40

رد : حزن وتناهيت

https://www.youtube.com/watch?v=gsv2AI8xoT0 gsv2AI8xoT0

للرفع

وتنشيط المتصفح

ويشرفني قرائتكم قصائدي

ويهمني نقدكم ووجودكم

الوقت المعتمد في المنتدى بتوقيت جرينتش +4.
الوقت الان » 13:25.